నితిన్ సినిమాలో హాలీవుడ్ స్టార్

నితిన్ సినిమాలో హాలీవుడ్ స్టార్

అ..ఆ.. సినిమాతో 50 కోట్ల క్లబ్లో స్థానం సంపాదించుకున్న యంగ్ హీరో నితిన్ తన నెక్ట్స్ సినిమాను మరింత భారీగా ప్లాన్ చేస్తున్నాడు. యంగ్ డైరెక్టర్ హను రాఘవపూడి దర్శకత్వంలో లై అనే సినిమాలో నటిస్తున్నాడు. ఈ సినిమా కోసం భారీగా గడ్డం పెంచి డిఫరెంట్ లుక్ లోకి మారిపోయాడు నితిన్. ప్రస్తుతం షూటింగ్ కార్యక్రమాల్లో బిజీగా ఉన్న ఈ సినిమాకు సంబంధించి ఇంట్రస్టింగ్ అప్ డేట్ ఒకటి నితిన్ అభిమానులను ఖుషీ చేస్తోంది.

ఈ సినిమాలో ఒలంపస్ హాజ్ ఫాలెన్, ది ఈక్వలైజర్, వార్ డాగ్స్ లాంటి హాలీవుడ్ చిత్రాలతో ఆకట్టుకున్న డాన్ బిల్జరియాన్ కీలక పాత్రలో నటిస్తున్నాడు. ప్రస్తుతం అమెరికాలో నితిన్, బిల్జరియాన్ల కాంబినేషన్లో సన్నివేశాల చిత్రీకరణ జరుగుతోంది. ఈ విషయాన్ని ట్వీట్టర్ ద్వారా అభిమానులతో షేర్ చేసుకున్నాడు నితిన్. మేఘా ఆకాష్ హీరోయిన్గా నటిస్తున్న ఈ సినిమాను 14 రీల్స్ ఎంటర్టైన్మెంట్స్ సంస్థ నిర్మిస్తోంది.

Thanks @DanBilzerian for being such a sport n for being part of our film..u r a total natural!! 😎#LIEthemovie pic.twitter.com/lkBOEOZ7Eh

— nithiin (@actor_nithiin) 18 April 2017