అ..ఆ.. సినిమాతో 50 కోట్ల క్లబ్లో స్థానం సంపాదించుకున్న యంగ్ హీరో నితిన్ తన నెక్ట్స్ సినిమాను మరింత భారీగా ప్లాన్ చేస్తున్నాడు. యంగ్ డైరెక్టర్ హను రాఘవపూడి దర్శకత్వంలో లై అనే సినిమాలో నటిస్తున్నాడు. ఈ సినిమా కోసం భారీగా గడ్డం పెంచి డిఫరెంట్ లుక్ లోకి మారిపోయాడు నితిన్. ప్రస్తుతం షూటింగ్ కార్యక్రమాల్లో బిజీగా ఉన్న ఈ సినిమాకు సంబంధించి ఇంట్రస్టింగ్ అప్ డేట్ ఒకటి నితిన్ అభిమానులను ఖుషీ చేస్తోంది.
 
 ఈ సినిమాలో ఒలంపస్ హాజ్ ఫాలెన్, ది ఈక్వలైజర్, వార్ డాగ్స్ లాంటి హాలీవుడ్ చిత్రాలతో ఆకట్టుకున్న డాన్ బిల్జరియాన్ కీలక పాత్రలో నటిస్తున్నాడు. ప్రస్తుతం అమెరికాలో నితిన్, బిల్జరియాన్ల కాంబినేషన్లో సన్నివేశాల చిత్రీకరణ జరుగుతోంది. ఈ విషయాన్ని ట్వీట్టర్ ద్వారా అభిమానులతో షేర్ చేసుకున్నాడు నితిన్. మేఘా ఆకాష్ హీరోయిన్గా నటిస్తున్న ఈ సినిమాను 14 రీల్స్ ఎంటర్టైన్మెంట్స్ సంస్థ నిర్మిస్తోంది.
  
 
 Thanks @DanBilzerian for being such a sport n for being part of our film..u r a total natural!! 😎#LIEthemovie pic.twitter.com/lkBOEOZ7Eh
 — nithiin (@actor_nithiin) 18 April 2017


 లాస్ ఏంజెలిస్: బికినీ భామలతో ఖరీదైన స్కాచ్ విస్కీల నిషాలో ఖుషీ...ఖుషీగా అణుక్షణం జీవిస్తున్న  కోటాను కోట్ల రూపాయల అధిపతి టోని టౌటౌని తన విలాసా జీవితానికి సంబంధించిన ఫొటోలను ఎప్పటికప్పుడు పోస్ట్ చేయడం ద్వారా 'ఇన్‌ష్టాగ్రామ్'లో అలజడి సృష్టిస్తున్నారు. సరస సల్లాపాలలో సరిలేరు నాకెవ్వరూ...అంటూ వివిధ భంగిమల్లో అందమైన భామలు, సూపర్‌కార్లు, ప్రైవేట్ జట్ విమానాల ఫొటోలను పోస్ట్ చేయడం ద్వారా ఎనిమిది నెలల కాలంలోనే ఏకంగా ఏడున్నర లక్షల మంది ఫాలోవర్స్‌ను సంపాదించుకున్నారు. ఇన్‌స్టాగ్రామ్ 'రారాజు' కిరీటాన్ని దక్కించుకోవడానికి మరెంతో దూరంలో లేరు.
 
 ప్రస్తుతం ఈ కిరీటం ఎనిమిది లక్షల మంది ఫాలోవర్స్ కలిగిన 'ప్లే బాయ్' డాన్ బిల్జేరియన్ పేరిట ఉంది. సూపర్ రిచ్ డాన్ బిల్జేరియన్ తన స్నేహితుడేనని, ఆయన పేరిటనున్న 'కింగ్ ఆఫ్ ది ఇన్‌స్టాగ్రామ్' టైటిల్‌ను తాను దక్కించుకోవాలనే తాపత్రయం ఏమీ లేదని, తన స్టైల్ చూసి ఫాలోవర్స్ పెరుగుతున్నారని పెళ్లికాని 42 ఏళ్ల టోని తెలిపారు. 'అందరు కలలుగనే జీవితాన్నే నేనూ అనుభవిస్తున్నాను. నాలాగా జీవించాలని ప్రతి మనిషి కోరుకుంటాడు. పురుష పుంగవుడిగా నేను ఎంతో మంది అమ్మాయిలతో డేటింగ్ చేశాను. నేను కోరుకున్న అమ్మాయెవరూ కూడా ఇంతవరకు నన్ను కాదనలేదు. దటీజ్ మై లైఫ్ స్టైల్' అని టోని తన గురించి తాను చెప్పుకుంటున్నారు.
 
 లాస్ ఏంజెలిస్‌కు చెందిన వ్యాపారవేత్త టోని తన 19 ఏళ్ల వయస్సులోనే కాలిఫోర్నియాలోని హాలీవుడ్‌లో నైట్ క్లబ్‌ను కొనుగోలు చేయడం ద్వారా కోటానుకోట్ల రూపాయలకు ఎదిగిపోయాడు. ఆయనకు ప్రస్తుతం అమెరికాలో పలు కార్ల డీలర్‌షిప్, రెస్టారెంట్లు, పబ్‌లు, బార్లు ఉన్నాయి. 'ధనవంతుడివై దుర్భర జీవితాన్ని గడపడం కన్నా పేదవాడిగా ఉంటూ సంతోషంగా జీవించడం ఉత్తమమని పెద్దలంటారు. అందుకనే సూపర్ డూపర్ రిచ్ కాకుండా రాజీపడి మూడీగా బతుకుతున్నాను' అనే ట్యాగ్‌లైన్‌తో ఇన్‌స్టాగ్రామ్‌లో ఆయన ఖాతా మొదలవుతోంది.
 
 ఆయనపై ఇన్‌స్టాగ్రామ్‌లో వస్తున్న విమర్శల గురించి ప్రశ్నించినప్పుడు 'అవును నన్ను కొంతమంది ఫెమినిస్టులు విమర్శిస్తారు నిజమే. ఎందుకంటే నాలో వారికి సమస్యలు కనిపిస్తాయి. అయినా సరే అన్ని రకాల పనులు చేయడానికి నేను సిద్ధమే' అని సమాధానం ఇచ్చారు. 'అట్ ది రేటాఫ్ లూనాటిక్' పేరుతో ఆయనకు ఇన్‌స్టాగ్రామ్‌లో ఖాతా ఉంది. ఎవరి పిచ్చి వారికానందం!