మే 19న 'ఏంజెల్' రిలీజ్

నాగ అన్వేష్, హేబా పటేల్ హీరోహీరోయిన్లుగా తెరకెక్కుతున్న చిత్రం 'ఏంజెల్'. రాజమౌళి దగ్గర దర్శకత్వ శాఖలో పనిచేసిన పళని దర్శకత్వంలో రూపొందుతున్న ఈ సినిమాను శ్రీ సరస్వతి ఫిల్మ్స్ బ్యానర్పై భువన్ సాగర్ నిర్మిస్తున్నారు. ఈ సినిమాను రొమాంటిక్ కామెడీ సోషియో ఫాంటసీగా తెరకెక్కిస్తున్నారు. ఇటీవల విడుదలైన ఏంజెల్ టీజర్కు మంచి స్పందన వచ్చింది.

ప్రస్తుతం నిర్మాణాంతర కార్యక్రమాలు శరవేగంగా జరుగుతున్నాయి. సినిమా చాలా బాగా వచ్చిందని, ఇదే ఉత్సాహంతో ముందుకు సాగుతామని అంటున్నారు చిత్రయూనిట్. ఈ నేపథ్యంలో సినిమాను వేసవి కానుకగా మే 19న విడుదల చేసేందుకు సన్నాహాలు చేస్తున్నట్లుగా నిర్మాతలు సింధూరపువ్వు కృష్ణారెడ్డి, భువన్ సాగర్ ప్రకటించారు. చైల్డ్ ఆర్టిస్ట్గా ఆకట్టుకున్న నాగ అన్వేష్ హీరో చేస్తున్న రెండో సినిమా ఏంజెల్.