నేపాల్‌ ప్రధానిగా ఓలీ

కఠ్మాండు: హిమాలయ దేశమైన నేపాల్‌కు 41వ ప్రధానిగా ఖడ్గ ప్రసాద్‌ శర్మ ఓలీ గురువారం ప్రమాణ స్వీకారం చేశారు. మహరాజ్‌గంజ్‌లోని శీతల్‌ నివాస్‌లో అధ్యక్షురాలు బిద్యా దేవీ  ఓలీ చేత ప్రమాణం చేయించారు. ఓలీ ఇంతకుముందు 2015 అక్టోబర్‌ నుంచి 2016, ఆగస్టు 3 వరకూ నేపాల్‌ ప్రధానిగా పనిచేశారు. ఇటీవల పార్లమెంటు ఎన్నికల్లో ఓలీకి చెందిన సీపీఎన్‌–యూఎంఎల్, ప్రచండ నేతృత్వంలోని సీపీఎన్‌–మావోయిస్ట్‌ సెంటర్‌ 174 సీట్లు గెలిచింది.