పశ్చిమ డెల్టాకి నీటి విడుదల కుదింపు

కొవ్వూరు : జిల్లాలో పశ్చిమ డెల్టా కాలువకి బుధవారం సాయంత్రం నుంచి నీటి విడుదలను కుందించారు. జిల్లాలో వరినాట్లుకి నీటిఎద్దడి నెలకొన్న నేపథ్యంలో మూడు రోజుల నుంచి 7 వేల క్యూసెక్కులు నీరు విడుదల చేసిన అధికారులు బుధవారం సాయంత్రం పశ్చిమ డెల్టాకి వెయ్యి క్యూసెక్కులు తగ్గించి విడుదల చేస్తున్నారు. పెరవలిలో మంగళవారం సాగునీటి అందడం లేదని ఎమ్మెల్యేలు, నీటì æసంఘాల అధ్యక్షుడు సాగునీటి సలహా సంఘ సమావేశంలో ఆవేదన వ్యక్తం చేశారు. ఈ నేపథ్యంలో ప్రస్తుతం సరఫరా చేస్తున్న నీటి విడుదలని మరింత కుదించి సరఫరా చేయడం విమర్శలకు తావిస్తోంది. జిల్లాలో ఏలూరు కాలువకు 1,147 క్యూసెక్కులు, ఉండి కాలువకు 1,914, నరసాపురం కాలువకు 2,056, గోస్తనీ (జీఅండ్‌ వీ) కాలువకు 898, అత్తిలి కాలువకు 663 క్యూసెక్కుల నీరు వదులుతున్నారు.