లక్షకుపైగా కార్లను రీకాల్ చేస్తున్న వోక్స్ వాగన్

 

బీజింగ్ : ఇప్పటికే పీకల్లోతు కష్టాల్లో మునిగి అల్లాడుతున్న జర్మన్  కార్ల కంపెనీ వోక్స్ వాగన్‌  నెత్తిమీద మరొక పిడుగు పడింది  ఈ కంపెనీకి చెందిన దాదాపు లక్ష కార్లను వెనక్కి తీసుకోనున్నట్టు ప్రకటిస్తూ  సంచలన రేపింది. చైనా లో  లక్షా 3 వేల 569 వాహనాలను రీకాల్ చేస్తున్నట్లు , నాణ్యత పర్యవేక్షణ, తనిఖీ  విభాగం  వెల్లడించింది.  2010 - 2016 మధ్య  తయారైన  తౌరెగ్  వాహనాల్లో బ్రేక్ పెడల్స్ వైఫల్యం కారణంగా రీకాల్  చేస్తున్నట్టు  తెలిపింది.  బ్రేక్ పెడల్స్ లోని లోపం ప్రమాదాల తీవ్రతను పెంచుతుందనీ, అందుకే ఈ నిర్ణయం తీసుకున్నామని సంస్థ పేర్కొంది. ఏప్రిల్18 నుంచి ఈ ప్రక్రియ ప్రారంభంకానుందని చెప్పింది.   లోపాలున్న వాహనాలన్నింటినీ   క్షుణ్ణంగా పరిశీలించిన మీదట ఆయా భాగాలను  ఉచితంగా రీప్లేస్ చేయనున్నట్టు తెలిపింది.

కాగా  ఆటోమొబైల్స్‌ రంగంలో అంతర్జాతీయ స్ధాయిలో సత్తా చాటిన జర్మనీ కార్ ల దిగ్గజం వోక్స్ వేగాన్  పలు స్టైలిష్‌ మోడల్స్ తో కార్‌ లవర్స్ హృదయాలను గెలుచుకుంది.  అత్యుత్తమ పనితీరుతో ప్రపంచ ఖ్యాతి గడించింది. అయితే ఉద్గార పరీక్షల ఫలితాల్లో అవకతవకలు ఆరోపణలతో  ఇప్పటికే కంపెనీపై భారీ వివాదం నడుస్తున్న సంగతి తెలిసిందే.