నోకియాలో ఉద్యోగాల కోత

వ్యయాల తగ్గించుకోవడానికి టెలికాం దిగ్గజం నోకియా ఉద్యోగులపై వేటు వేస్తోంది. ఫ్రాన్స్‌లో దాదాపు 600 మంది ఉద్యోగులను తీసివేయాలని ప్లాన్‌ చేస్తున్నట్టు నోకియా తెలిపింది. ఈ ఉద్యోగాల కోతతో పాటు నష్టాల్లో ఉన్న వ్యాపారాలపై కూడా పునర్‌ దృష్టిసారించాలని చూస్తున్నట్టు పేర్కొంది. ఫ్రాన్స్‌లో 597 మంది ఉద్యోగులను తగ్గించాలని ప్లాన్‌ చేస్తున్నామని, మొత్తం వర్క్‌ఫోర్స్‌లో ఇది 10 శాతమని గ్రూప్‌ తెలిపింది. నోకియా తీసుకున్న ఈ నిర్ణయం తమకు ఆమోదయోగ్యం కాదని ఫ్రెంచ్‌ ట్రేడ్‌ యూనియన్లు సీఎఫ్‌డీటీ, సీఎఫ్‌ఈ-సీజీసీ, సీజీటీ, సీఎఫ్‌టీసీలు ఆందోళన వ్యక్తంచేస్తున్నాయి.. ఆర్థికమంత్రిత్వ శాఖ వద్ద తమ గోడును వెల్లబుచ్చుకోనున్నట్టు తెలిపాయి. సమస్యను పర్యవేక్షించడానికి యూనియన్, సంస్థ ప్రతినిధులతో కమిటీ ఏర్పాటుచేశామని, మరికొన్ని వారాల్లో కమిటీని సమావేశపరచబోతున్నట్టు ఆ దేశ మంత్రిత్వశాఖ తెలిపింది.