ఇండక్షన్ స్టవ్తో జాగ్రత్త!

ఇండక్షన్ స్టవ్తో జాగ్రత్త!

సాక్షి, హైదరాబాద్: విద్యుత్ శక్తిని ఉష్ణ శక్తిగా మారుస్తూ వంటింటి చికాకులకు ఫుల్‌స్టాప్ పెట్టేది ఇండక్షన్ స్టవ్. దీని వాడకంలో కొన్ని సూచనలు పాటిస్తే మేలు. అవేంటంటే..

⇒ మెటల్ ప్యానెల్ ఉన్న పాత్రలనే వాడాలి. స్టవ్ నుంచి తీవ్రమైన వేడి వెలువడుతుంది. స్టవ్ దగ్గర్లో ప్లాస్టివ్ వస్తువులు, బట్టలు ఉంటే ప్రమాదకరం.

⇒ వండే సమయంలో స్టవ్‌పై నీళ్లు కానీ, ఇతర ద్రవ పదార్థాలు కానీ పడకుండా చూసుకోవాలి. లేకపోతే స్ట్టవ్ మన్నిక తగ్గడంతో పాటూ ప్రమాదాలు జరిగే అవకాశం ఉంది.

⇒ స్టవ్‌ను మెత్తటి పొడి గుడ్డతో శుభ్రం చేయాలి. నీటితో గానీ తడి బట్టతో గానీ క్లీన్ చేయరాదు. మన్నికైన స్వీచ్‌బోర్డ్ ద్వారా కరెంట్ సరఫరా అయ్యేలా చూసుకోవాలి. ఎక్స్‌టెన్షన్ బాక్స్‌లను వాడటం మంచిది కాదు.

⇒ వంట పూర్తయిన తర్వాత కేవలం స్విచ్చాఫ్ చేసేసి ఊరుకోవద్దు. పిన్ నుంచి ప్లగ్‌ను తొలగించడం కూడా తప్పనిసరి.