బీహెచ్‌ఈఎల్ లాభం సగానికి డౌన్

Apr 6 2014 2:54 AM | Updated on Sep 2 2017 5:37 AM

ప్రభుత్వ రంగ దిగ్గజం భారత్ హెవీ ఎలక్ట్రికల్స్ (బీహెచ్‌ఈఎల్) నికరలాభం 2013-14లో సగానికి పైగా క్షీణించి రూ. 3,228 కోట్లుగా నమోదైంది. అమ్మకాలు అంతంత మాత్రంగా ఉండటం,

న్యూఢిల్లీ: ప్రభుత్వ రంగ దిగ్గజం భారత్ హెవీ ఎలక్ట్రికల్స్ (బీహెచ్‌ఈఎల్) నికరలాభం 2013-14లో సగానికి పైగా క్షీణించి రూ. 3,228 కోట్లుగా నమోదైంది. అమ్మకాలు అంతంత మాత్రంగా ఉండటం, దేశీ విద్యుత్ రంగంలో సమస్యలు తదితర అంశాలు ఇందుకు కారణం. 2012-13లో సంస్థ నికర లాభం రూ. 6,615 కోట్లు. 2013-14లో టర్నోవరు సైతం రూ. 40,366 కోట్లకు (గతేడాది రూ. 50,156 కోట్లు) తగ్గిందని కంపెనీ తెలిపింది. ఆర్డర్ల రాక సైతం రూ. 31,650 కోట్ల నుంచి రూ. 28,007 కోట్లకు క్షీణించింది. బీహెచ్‌ఈఎల్ ఆర్డర్ బుక్ విలువ సుమారు రూ. 1,01,538 కోట్లకు పరిమితమైంది.