అడవుల్లో అత్యాచారం, ఆపై ఇద్దరి దారుణ హత్య

గజ్వేల్, న్యూస్‌లైన్: స్థానిక కోమటిబండ అటవీప్రాంతంలో ఇద్దరు గుర్తుతెలియని మహిళలు దారుణ హత్యకు గురైన ఘటన గురువారం వెలుగుచూసింది. ఇద్దరిపై అత్యాచారం జరిపి అపై మద్యం బాటిళ్లతో శరీరంపై ఎక్కడికక్కడా కోత పెట్టి పాశవికంగా హతమార్చారు. కలకలం సృష్టించిన ఈ సంఘటన వివరాలిలాఉన్నాయి..మండలంలోని కోమటిబండ గ్రామంలోగల మేకిన్స్ వ్యవసాయ క్షేత్రానికి ఎదురుగా ఉన్న ప్రదేశంలో గురువారం ఉదయం సుమారు 35 నుంచి 45 ఏళ్ల వయసు కలిగిన ఇద్దరు గుర్తుతెలియని మహిళల శవాలు పడివుండటాన్ని గ్రామస్థులు చూశా రు. వెంటనే పోలీసులకు సమాచారమందించారు. దీంతో స్థానిక సీఐ అమృత్‌రెడ్డి, ఎస్‌ఐ ఆంజనేయులు సంఘటనా స్థలాన్ని సందర్శించారు. మృతదేహాలు 15 గజాల దూరంలో పడివున్నాయి.