IPL 2023: ఐపీఎల్‌లో భువనేశ్వర్‌ అరుదైన రికార్డు.. రెండో బౌలర్‌గా

ఐపీఎల్‌లో టీమిండియా వెటరన్‌ పేసర్‌, సర్‌రైజర్స్‌ స్టార్‌ బౌలర్‌ భువనేశ్వర్‌ కుమార్‌ అరుదైన ఘనత సాధించాడు. ఐపీఎల్‌లో బ్యాటర్లను అత్యధిక సార్లు డకౌట్‌ చేసిన రెండో బౌలర్‌గా రికార్డులకెక్కాడు. ఐపీఎల్‌-2023లో భాగంగా ఉప్పల్‌ వేదికగా ఢిల్లీ క్యాపిటల్స్‌తో జరుగుతున్న మ్యాచ్‌లో ఫిల్‌ సాల్ట్‌ను డకౌట్‌ చేసిన భువీ..ఈ అరుదైన రికార్డును తన పేరిట లిఖించుకున్నాడు.

ఈ క్యాష్‌రిచ్‌ లీగ్‌లో ఇప్పటివరకు భువీ 25 మంది బ్యాటర్లను డకౌట్‌ చేశాడు. ఈ ఘనత సాధించిన జాబితాలో శ్రీలంక దిగ్గజం లసిత్‌ మలింగా(36) తొలి స్థానంలో ఉన్నాడు.  ఇక ఈ మ్యాచ్‌లో తొలుత ఆరు ఓవర్లు ముగిసే సరికి ఢిల్లీ క్యాపిటల్స్‌ రెండు వికెట్లు కోల్పో‍యి 49 పరుగులు చేసింది.
చదవండి: అనుష్కతో కలిసి డ్యాన్స్‌ చేసిన కోహ్లి.. అంతలోనే విరాట్‌ కాలికి! ఏం జరిగిందంటే?