TV
‘‘బిచ్చగాడు’ ఓ అమ్మ కథ అయితే, ‘విజయ రాఘవన్‌’ ఓ అమ్మ కలను నెరవేర్చే చిత్రం. ఈ సినిమాలో చాలా భావోద్వేగాలున్నాయి. ప్రేక్షకులను మా చిత్రం నిరుత్సాహపరచదు’’ అని విజయ్‌ ఆంటోని అన్నారు. ఆనంద కృషన్‌ దర్శకత్వంలో విజయ్‌ ఆంటోని, ఆత్మిక జంటగా రపొందిన తమిళ చిత్రం ‘కోడియిల్‌ ఒరువన్‌’. టీడీ రాజా, డీఆర్‌ సంజయ్‌ కువర్‌ నిర్మించారు. ఈ చిత్రాన్ని రవిచంద్రా రెడ్డి, శివారెడ్డి ‘విజయ రాఘవన్‌’ పేరుతో ఈ నెల 17న తెలుగులో విడుదల చేస్తున్నారు.
ఈ సందర్భంగా జరిగిన ప్రీ రిలీజ్‌ వేడుకలో.. ‘‘ఈ చిత్ర విజయంపై చాలా నమ్మకంగా ఉన్నాం’’ అన్నారు రవిచంద్రా రెడ్డి, శివారెడ్డి. ‘‘ఐఏఎస్‌ ఆఫీసర్‌ కావాలనుకునే ఓ యువకుడి కథే ‘విజయ రాఘవన్‌’’ అన్నారు ఆనంద కృషన్‌. ఇన్ఫినిటీ ఫిల్మ్‌ వెంచర్‌ కమల్, రచయిత భాష్యశ్రీ, మ్యూజిక్‌ డైరెక్టర్‌ నివాస్‌ కె.ప్రసన్న తదితరులు మాట్లాడారు.
