RRR Movie: Naatu Naatu Full Video Song Released

Apr 11, 2022, 16:01 IST

ఆర్‌ఆర్‌ఆర్‌ సినిమా చూసిన ఎంతోమందికి నాటు నాటు సాంగ్ ఫేవరెట్‌ అన్న విషయం ప్రత్యేకంగా చెప్పక్కర్లేదు. ఊరనాటుగా సాగే ఈ పాటలో ఎన్టీఆర్‌, చరణ్‌ల స్టెప్పులు వీరనాటుగా ఉంటాయి. తారక్‌, చెర్రీల హుక్‌ స్టెప్పుకు థియేటర్స్‌లో ఈలలు వేయని ప్రేక్షకులు లేరంటే అతిశయోక్తి కాదు. సినిమా ప్రమోషన్స్‌లోనూ ఆమిర్‌ ఖాన్‌, సల్మాన్‌ ఖాన్‌, అనిల్‌ రావిపూడి, రాజమౌళి వంటి పలువురు సెలబ్రిటీలు ఈ పాటకు స్టెప్పులేసి అలరించారు.

అంతలా సోషల్‌ మీడియాను ఓ ఊపు ఊపిన ఈ సాంగ్‌ లవర్స్‌ కోసం ఆర్‌ఆర్‌ఆర్‌ యూనిట్‌ సర్‌ప్రైజ్‌ ఇచ్చింది. సోమవారం సాయంత్రం నాటు నాటు ఫుల్‌ వీడియో సాంగ్‌ను వదిలింది. ఈ పాటను కాలభైరవ, రాహుల్‌ సిప్లిగంజ్‌ ఆలపించారు. కీరవాణి సంగీతం అందించారు. కాగా రాజమౌళి దర్శకత్వం వహించిన ఆర్‌ఆర్‌ఆర్‌ సినిమాను డీవీవీ దానయ్య నిర్మించారు.