Bigg Boss Priyanka Singh Gives Clarity On Her Wedding Rumours, Deets Inside - Sakshi
Sakshi News home page

Priyanka Singh Marriage Rumours: త్వరలో బిగ్‌బాస్‌ బ్యూటీ పెళ్లి? క్లారిటీ ఇచ్చిన పింకీ..

Published Wed, Mar 15 2023 3:37 PM

Priyanka Singh Gives Clarity on Wedding Rumours - Sakshi

బిగ్‌బాస్‌ బ్యూటీ ప్రియాంక సింగ్‌ త్వరలో పెళ్లి చేసుకోబోతుందంటూ ఆ మధ్య వార్తలు తెగ వైరల్‌ అయ్యాయి. బిగ్‌బాస్‌ ఐదో సీజన్‌తో బాగా పాపులర్‌ అయిన పింకీ ఎల్లో కలర్‌ లెహంగాలో పెళ్లికూతురిలా ముస్తాబైన ఫోటోలు షేర్‌ చేయడంతో తన పెళ్లి నిజమే అనుకున్నారంతా! కానీ నెలలు గడిచినా ఎలాంటి అప్‌డేట్‌ లేకపోవడంతో అభిమానులు అయోమయంలో పడ్డారు. అయితే ఇన్నాళ్లకు తన పెళ్లి వార్తలపై క్లారిటీ ఇచ్చింది పింకీ.

యూట్యూబ్‌లో 'నా పెళ్లి జ్యువెలరీ షాపింగ్‌' అంటూ ఏకంగా ఓ వీడియో చేసింది. 'నా పెళ్లి ఫిక్స్‌ అయింది, కాబోయే భర్త ఎవరు? అని అడుగుతున్నారు. ఇన్నాళ్లకు క్లారిటీ ఇచ్చేస్తున్నా. నిజంగానే త్వరలో పెళ్లి చేసుకోబోతున్నాను. సింపుల్‌గా ఈ పెళ్లి జరగబోతోంది. ఈ వివాహం కోసం నగలు తీసుకుందామనుకుంటున్నా. వీడియో చివర్లో అబ్బాయి గురించి అన్ని వివరాలు చెప్తాను, మాది ప్రేమ వివాహమా? పెద్దలు కుదిర్చిన పెళ్లా? చివర్లో చెప్పేస్తాను' అని వివరించింది. తర్వాత నగలు షాపింగ్‌ చేశాక అసలీ పెళ్లి తనది కాదని తన స్నేహితురాలిదని ట్విస్ట్‌ ఇచ్చింది. 'త్వరలోనే వైవాహిక జీవితంలోకి అడుగుపెడుతున్నానంటూ జరుగుతున్న ప్రచారంలో ఎలాంటి వాస్తవం లేదు. నేను జస్ట్‌ ఇది ప్రాంక్‌ వీడియో చేశాను. నాకిప్పట్లో పెళ్లి చేసుకునే ఆలోచన కూడా లేదు' అని కుండలు బద్ధలు కొట్టింది పింకీ.

Advertisement
 
Advertisement
 
Advertisement