TV
విజయ్‌ సేతుపతి కెరీర్‌లోని 50వ సినిమా ‘మహారాజ’ ఇటీవల విడుదలై బాక్సాఫీస్‌ వద్ద బ్లాక్‌బస్టర్‌గా నిలిచిన సంగతి తెలిసిందే. ఈ సినిమాకు నితిలన్‌ సామినాథన్‌ దర్శకత్వం వహించారు. ‘మహారాజ’కు బాక్సాఫీస్‌ పరంగా మంచి వసూళ్లు, సినీ విమర్శకుల పరంగా అభినందనలు రావడంతో నితిలన్‌కు అవకా శాలు క్యూ కడుతున్నాయి.
ఈ క్రమంలోనే నయనతారకు నితిలన్‌ ఓ లేడీ ఓరియంటెడ్‌ స్టోరీ చెప్పారని, బేసిక్‌ ప్లాట్‌ నచ్చడంతో ఈ సినిమా చేసేందుకు ఆమె సానుకూలంగా ఉన్నారని టాక్‌. దీంతో స్క్రిప్ట్‌కు తుది మెరుగులు దిద్దుతున్నారట నితిలన్‌. సో.. నయనతార మరో లేడీ ఓరియంటెడ్‌ మూవీలో కనిపిస్తారన్న మాట.
