Asmita Sood: గత కొన్నేళ్లుగా ప్రేమ.. ఇప్పుడు బిజినెస్మ్యాన్తో యంగ్ హీరోయిన్ పెళ్లి
Published
Tue, Feb 6 2024 12:33 PM
పలువురు హీరోయిన్లు ఈ మధ్య పెళ్లి చేసుకుంటున్నారు. ఇప్పుడు ఆ లిస్టులోకి మరో బ్యూటీ చేరిపోయింది. 'బమ్మిగాడి కథ' అనే తెలుగు సినిమాతో హీరోయిన్గా పరిచయమైన ఈ బ్యూటీ.. ఇప్పుడు ఓ బిజినెస్మ్యాన్తో ఏడడుగులు వేసేసింది. గోవాలో పలువురు సన్నిహితుల సమక్షంలో ఈ వేడుక జరిగింది. ప్రస్తుతం ఇందుకు సంబంధించిన ఫొటోలు, వీడియోలు సోషల్ మీడియాలో వైరల్ అయిపోతున్నాయి.
హిమాచల్ ప్రదేశ్లో పుట్టిపెరిగిన అస్మితా సూద్.. మోడల్గా కెరీర్ ప్రారంభించింది. అలా 'బమ్మిగాడి కథ' సినిమాతో నటిగా జర్నీ షురూ చేసింది. 'ఆడు మగాడ్రా బుజ్జి', 'ఓకే', 'ఆ ఐదుగురు' లాంటి సినిమాలు చేసింది. వీటితో పాటు కన్నడ, మలయాళంలోనూ పలు చిత్రాల్లో నటించింది. సినిమాల పరంగా పెద్దగా కలిసి రాలేదు. దీంతో ప్రస్తుతం హిందీలో షోలు చేస్తూ బిజీగా ఉంది.
అస్మిత.. గత కొన్నాళ్లుగా గుజరాతీ వ్యాపారవేత్త సిద్ మెహతాతో ప్రేమలో ఉంది. గతేడాది సెప్టెంబరులో వీళ్ల నిశ్చితార్థం జరగ్గా.. ఇప్పుడు గోవాలో జరిగిన పెళ్లి వేడుకతో వీళ్లిద్దరూ ఒక్కటయ్యారు. అయితే పెద్దగా హడావుడి లేకుండా సీక్రెట్గా మ్యారేజ్ చేసుకున్నారు. దీని తర్వాత ఫొటోలు, వీడియోలు బయటకొచ్చాయి.