ఒక అసాధారణమైన స్నేహానికి మూడడుగుల ఎత్తు తేడా ఏమాత్రం అడ్డు రాలేకపోయింది. ఒకటి టీ కప్పు సైజులో పరిగెత్తే పిల్లోడు, ఇంకొకటి సోఫాను బెడ్డుగా వాడే బలమైన కుర్రాడు, కాని, ఆ ఇద్దరి మధ్య ఏర్పడిన బంధం చూస్తే – ఇది శునకాల స్నేహం కాదు, నిజమైన ప్రేమపాఠం అనిపిస్తుంది. ఈ స్నేహం ఐడహోలో గిన్నిస్‌ వరల్డ్‌ రికార్ట్స్‌ అధికారుల కారణంగా మొదలైంది.ప్రపంచంలోనే అతి పొడవైన శునకం రెజీకి (39.6 అంగుళాలు), అతి చిన్నదైన కుక్క పెర్ల్‌ను (3.59 అంగుళాలు) మొదటిసారి పరిచయం చేసినప్పుడు, ఎవరూ ఊహించని విధంగా కళ్ల ముందు ఒక డిస్నీ మ్యాజిక్‌ కనిపించింది. రెజీ, పెర్ల్‌ కలిసింది మొదటిసారే అయినా, ‘ఓయ్‌ బాస్, ఈ ప్రపంచంలోనే మేమే గ్రేట్‌ బెస్ట్‌ ఫ్రెండ్స్‌’ అని అందరిని నమ్మించేశాయి! రెజీ భారీ ఆకారం చూసి పెర్ల్‌ భయపడకుండా ధైర్యంగా దాని చుట్టూ తిరుగుతూ ఆటలాడుకుంటుంటే, రెజీ తన భారీ కాళ్లను నెమ్మదించి, చిట్టి స్నేహితుడితో కలిసి నడిచింది.ఈ అందమైన కలయికకు కారణం గిన్నిస్‌ వరల్డ్‌ రికార్డ్స్‌ కావొచ్చు కాని, ఫలితంగా ప్రపంచం నిండా నవ్వులు పూశాయి, సోషల్‌ మీడియా హ్యాష్‌ట్యాగ్‌లతో నిండిపోయింది. చివరికి మనం అర్థం చేసుకోవాల్సింది ఒక్కటే. ఎత్తుల్లో తేడా రావచ్చు, రకాలు భిన్నంగా ఉండొచ్చు కాని, ఒక స్నేహానికి ఇవేమీ అవసరం లేదు, ఒక మంచి మనసే చాలు అని ఈ జంట మరోసారి నిరూపించింది.


 ఆ కుక్క బరువు అర కిలో. పొడవు 9.65 సెంటీ మీటర్లు. చూడటానికి పాకెట్ సైజులో ఉంటుంది. ఐతే ఇదేమీ బొమ్మ కాదు. ప్రాణమున్న కుక్కే. వినడానికి ఆశ్చర్యంగా ఉన్న నిజమే. ప్రపంచంలో అతి చిన్న కుక్కగా గిన్నిస్ బుక్ రికార్డుల కెక్కింది. ఈ ఆడకుక్క పేరు మిరాకిల్ మిల్లీ. అమెరికాలో అంతర్భంగా ఉన్న పుయెర్టో రికోలోని డొరడాకు చెందిన వానెసా సెమ్లర్ దీని యజమాని. మిల్లీ 2011 డిసెంబర్లో జన్మించింది. వయసు దాదాపు రెండేళ్లు కావస్తున్నా ఇది అర కిలోకు మించి బరువు పెరగలేదు.
  
 బరువు, పరిణామంలో చిన్నగా ముద్దుగా ఉన్న ఈ కుక్క అందర్నీ అబ్బురపరుస్తోంది. తనను చూసేందుకు వచ్చినవారు ఫొటోలు తీసేటపుడు మిల్లీ చక్కగా పోజులిస్తోంది. దీన్ని చూసేందుకు ఆసక్తి చూపుతున్నారు. యజమాని మురిపెంగా చూసుకుంటున్నారు. ఇక ఈ కుక్క జన్మించినపుడు దాని బరువు కేవలం 28.34 గ్రాములే. అప్పట్లో టీ స్పూన్ అంత పొడవు ఉండేదట. యజమాని వానెసా అతి జాగ్రత్తగా చూసుకుని దీన్ని సంరక్షించాడు.