చరిత్రలో దాగున్న కొన్ని ఐకానిక్‌ దుకాణాలు ఎన్నో విషయాలను వివరిస్తాయి. తరాలు మారుతున్న కొత్తదనంతో తన క్రేజ్‌ని చాటుతూ ఇప్పటకీ కొనసాగుతున్న కొన్ని ప్రసిద్ధ దుకాణాలు మను ముందు దర్శనమిస్తుంటాయి. మారుతున్న టెక్నాలజీకి అనుగుణంగా దుకాణాన్ని రన్‌ చేసే తీరు ఉంటేనే ఏళ్ల తరబడి ఒకే వ్యాపారాన్ని చేసేలా నిలబెట్టుకోగలుగుతాం. అందుకు ఉదాహరణే ఇలాంటి ఐకానిక్‌ దుకాణాలు. అలాంటి ప్రసిద్ధ షాపే ఈ షెర్బత్‌ దుకాణం. నాటి సమరయోధులకు సమావేశ స్థలంగా, రక్షణ కవచంగా అలరారిన ఈ దుకాణంలో ఎన్నో మధురానుస్మృతులకు కేరాఫ్‌ అడ్రస్‌. మరీ ఆ ఆసక్తికర విషయాలు గురించి సవివరంగా చూద్దామా..!.షెర్బత్కి పర్యాయపదంగా నిలిచిన ఈ దుకాణం కోల్‌కతాలో ఉంది. దీన్ని 1918లో నిహార్‌ రంజన్‌ మంజుదర్‌ స్థాపించారు. స్వతంత్ర భారతదేశానికి పూర్వం నుంచే ఈ ఐకానిక్‌ దుకాణం ఇంది. శతాబ్దానికి పైగా కస్టమర్ల దాహార్తిని తీరుస్తూ..ఎందరో అభిమానులను సంపాదించుకుంది. సరిగ్గా 1900ల కాలం బ్రిటష్‌ పాలనకు వ్యతిరేకంగా పోరాటం ఊపందుకున్న కీలక సమయం అది. ఆ సమయంలో ఈ కూడా ఈ చిన్న రెస్టారెంట్‌ మద్యం దుకాణానికి మించిన కస్టమర్లతో కిటకిటలాడేది. చెప్పాలంటే నాటి స్వతంత్ర సమరయోధుల నిరసనలకు, రహస్య సమావేశాలకు అడ్డగా ఉండేది. అందులోనూ ఈ రెస్టారెంట్‌ వ్యవస్థాపకుడు మజుందర్‌ బెంగాల్‌ అంతటా పనిచేసే విప్లవాత్మక సముహం అనుశీలన్‌ అను సమితి బారిసల్‌ శాఖలో సభ్యుడు కావడంతో సమరవీరులకు ఇది భద్రతా స్థలంగా మారింది. దేశం కోసం తమ ప్రాణాలను పణంగా పెట్టిన వారికి స్నేహహస్తాన్ని అందించి అందర్నీ ఒక్కతాటిపై నడిచేలా చేసిన గొప్ప ప్రదేశంగా కీర్తి గడించింది ఈ దుకాణం. ఇవాళ పాలరాయితో ఆధునిక హంగులతో మరింత సుందరంగా మారిన ఈ రెస్టారెంట్‌లో బల్లలు, బెంచీల స్థానంలో అత్యాధునిక సోఫాలు, టేబుల్స్‌ కుర్చీలు దర్శనమిస్తున్నాయి. ఇక్కడ ఈ షెర్బత్‌లను దుకాణం యజమాని ఇంట్లో స్వయంగా తయారు చేసి మంచి రుచితో అందించడంతోనే ఎన్ని కొంగొత్త రెస్టారెంట్లు, షాపులు వచ్చినా.. దీని క్రేజ్‌ తగ్గలేదు. నాటి విప్లవకారులకు ఈ పానీయం చలదనాన్న అందించి మంచి ఆలోచనలకు పురికొల్పొన అద్భుత పానీయంగా పేరుతెచ్చుకుంది కూడా. ఇక్కడ తాజా కొబ్బరి నీరు, డాబ్‌ షెర్బత్‌, కొబ్బరిమలై వంటి రిఫ్రెషింగ్‌ పానీయాలకు పేరుగాంచింది. ఇక్కడ సీజన్‌లకు అనుగుణంగా షెర్బత్‌లు అందించడం ఈ రెస్టారెంట్‌ ప్రత్యేకత. చలికాలంలో కుంకుమపువ్వు క్రీమ్‌తో కూడిన కేసర్‌ మలై షెర్బత్‌ని అందిస్తుంది. ఇది స్వాతంత్ర్య సమరయోధుల తోపాటు, కాలేజ్‌ స్ట్రీట్‌ విద్యార్థులు, కవులు, కళాకారులు కలుసుకునే బ్యూటీఫుల్‌స్పాట్‌గా మారింది. ఒకప్పుడు నిరసనలు చర్చలతో వేడిక్కిపోయే ఈ దుకాణం ఇప్పుడు రాజకీయాలు, క్రికెట్‌, కళలకు సంబంధించిన చర్చలకు కేంద్రంగా మారింది. అయితే అప్పటికీ.. ఇప్పటికీ.. ఈ షెర్బత్‌ రుచి, స్ఫూర్తిలలోనూ ఎట్టి మార్పు లేకపోవడమే విశేషం. ముఖ్యంగా నేతాజీబోస్‌, సౌరవ్‌ గంగూలీ, సత్యజిత్‌రే వంటి సమరయోధులు బ్రిటిష్‌ పాలకులకు వ్యతిరేకంగా ఇక్కడే తమ చర్చలు, సమావేశాలు జరుపుకునేవారని స్థానికులు చెబుతున్నారు.(చదవండి: Independence Day 2025: ఎర్రకోటలో ప్రధాని మోదీ ప్రసంగాన్ని ప్రత్యక్షంగా వీక్షించాలనుకుంటే..!)

కావలసినవి పుచ్చకాయ ముక్కలు – ఒక కప్పు; కమలాపండ్లు – 4; ఆపిల్‌ – 1 (పెద్దది); నల్ల ద్రాక్ష – రెండు కప్పులు; కివీ పండ్లు – ఒక కప్పు; నిమ్మ చెక్క – అలంకరించడానికి. తయారీ ♦ కమలాపండ్ల తొక్క తీసి, తొనలను గింజలు లేకుండా చిన్న చిన్న ముక్కలుగా కట్‌ చేసుకోవాలి ♦ఆపిల్‌ పండును శుభ్రంగా కడిగి చిన్న చిన్న ముక్కలు చేసి పక్కన ఉంచాలి ♦ నల్ల ద్రాక్ష పండ్లను శుభ్రంగా కడగాలి ♦కివీ పండ్లను శుభ్రం చేసి చిన్న చిన్న ముక్కలు చేసుకోవాలి ♦ అన్ని పండ్లను మిక్సీలో వేసి మెత్తగా చేయాలి ♦ అవసరమనుకుంటే కొద్దిగా నీరు జత చేయాలి ♦తయారయిన షర్బత్‌ను గ్లాసులలో పోసి, నిమ్మచెక్కతో అలంకరించి అందించాలి ♦ వేసవి వడ దెబ్బ నుంచి మనలను మనం కాపాడుకోవడానికి ఈ షర్బత్‌ బాగా పనిచేస్తుంది.  


  సూర్యభగవానయ్యా!!
 ‘తియ్యటి ఎండ’ అంటే... మీకు తిక్కరేగిపోతుందేమో! ‘చల్లటి ఎండ’ అంటే... మీకు ఒళ్లు మండిపోతుందేమో! ‘కమ్మటి ఎండ’ అంటే.. మీకు చిర్రెత్తుకొస్తుందేమో! అలా ఉన్నాయ్‌ మరి ఎండలు. మార్చిలోనే ఏప్రిల్‌ వచ్చింది! ఏప్రిల్‌లోనే... మే వచ్చేసింది! డోన్ట్‌ వర్రీ. సూర్యుణ్ణి సూర్యుడిలా చూడకండి. బెల్లం గుండ్రాయిలా చూడండి. బెల్లం షర్బత్‌లు సేవించండి. పైనున్న ప్రచండుడికీ... గ్లాసెత్తి ఓ సిప్‌ ఆఫర్‌ చెయ్యండి.
 
 వెలక్కాయ బెల్లం షర్బత్‌
 కావల్సినవి: వెలక్కాయ – 1 నీళ్లు – 2 గ్లాసులు బెల్లం తరుగు – 2 టీ స్పూన్లు జీలకర్ర పొడి – చిటికెడు పుదీన ఆకులు – పది
 తయారీ:   కాయను పగలగొట్టి, లోపలి గుజ్జు తీసి గిన్నెలో వేసి, నీళ్లు పోసి కలపాలి. గింజలు తీసేయాలి. బెల్లం కలపాలి. బెల్లం పూర్తిగా కరిగాక జీలకర్రపొడి, ఐస్‌ క్యూబ్స్, పుదీన ఆకులు వేసి సర్వ్‌ చేయాలి.
 
 పానకం
 కావల్సినవి:  బెల్లం తరుగు – 4 టేబుల్‌ స్పూన్లు; నీళ్లు – 2 కప్పులు;యాలకుల పొడి – చిటికెడు ; శొంఠి – చిటికెడు ; మిరియాల పొడి – చిటికెడు
 తయారీ:  నీళ్లలో బెల్లం వేసి కరిగేదాకా కలపాలి. జల్లితో వడకట్టాలి. దీంట్లో యాలకుల పొడి, శొంఠి, మిరియాల పొడి కలపాలి.
 నోట్‌: చల్లగా కావాలనుకునేవారు ఐస్‌ వేసుకోవచ్చు. పుదీనా లేదా తులసి ఆకులను పానకంలో కలుపుకోవచ్చు. పానకంతోపాటు వడపప్పు తినొచ్చు.
 
 సోంపు బెల్లం షర్బత్‌
 కావల్సినవి: సోంపు – 2 టీ స్పూన్లు; బెల్లం తరుగు – 2 టీ స్పూన్లు; ఉప్పు – తగినంత; నల్లమిరియాల పొడి – చిటికెడు ; క్రష్డ్‌ ఐస్‌– తగినంత
 తయారీ:  సోంపు గింజలను రాత్రంతా నీళ్లలో నానబెట్టాలి. మరుసటి రోజు ఉదయాన్నే బెల్లం తరుగు వేసి సోంపును మెత్తగా రుబ్బాలి. దీంట్లో ఉప్పు, మిరియాల పొడి, నీళ్లు, జీలకర్రపొడి క్రష్‌ చేసిన ఐస్‌ వేసి మరోసారి బ్లెండ్‌ చే యాలి. ఈ మిశ్రమాన్ని గ్లాసులో పోసి అందించాలి.
 
 షికంజి
 కావల్సినవి:చల్లటి నీళ్లు – 2 గ్లాసులు; బెల్లం తరుగు – 2 టీ స్పూన్లు; నిమ్మరసం – 2 టీ స్పూన్లు; నల్లుప్పు – పావు టీ స్పూన్‌; నల్ల మిరియాల పొడి – చిటికెడు; జీలకర్ర పొడి – పావు టీ స్పూన్‌;
 తయారీ:  నీళ్లలో బెల్లం, నల్లుప్పు వేసి, కరిగేవరకు కలపాలి. తర్వాత వడకట్టాలి. దీంట్లో నిమ్మరసం, జీలకర్రపొడి వేసి కలిపి గ్లాసులో పోయాలి. ఐస్‌ క్యూబ్స్‌ వేసి చల్ల చల్లగా అందించాలి.
 
 పుదీనా బెల్లం షర్బత్‌
 కావల్సినవి: పుదీనా ఆకులు – కప్పు బెల్లం – తగినంత నల్లమిరియాల పొడి – చిటికెడు జీలకర్ర – చిటికెడు
 తయారీ:  ఇవన్నీ కలిపి గ్రైండ్‌ చేయాలి. గ్లాసులో పై మిశ్రమం టీ స్పూన్‌ వేసి ఐస్‌ వాటర్‌ పోసి కలపాలి.
 
 మామిడికాయ బెల్లం జ్యూస్‌
 కావల్సినవి: మామిడికాయ – 1; బెల్లం తరుగు – 6 టేబుల్‌ స్పూన్లు; నల్లుప్పు – టీ స్పూన్‌; ఏలకుల పొడి – చిటికెడు; నీళ్లు – రెండు గ్లాసులు
 తయారీ:  మామిడికాయను కడిగి, గ్లాసు నీళ్లు పోసి మెత్తగా ఉడికించాలి. చల్లారాక మామిడి కాయను బాగా ఒత్తి గుజ్జు తీయాలి. దీంట్లో మరో గ్లాసు నీళ్లు కలిపి, ఉప్పు, బెల్లం వేసి బాగా కలపాలి. బెల్లం పూర్తిగా కరిగాక ఈ రసాన్ని వడకట్టాలి. దీంట్లో యాలకుల పొడి, ఐస్‌క్యూబ్స్‌ వేసి చల్ల చల్లగా సేవించాలి.