‘‘జిగ్రీస్‌’లాంటి సినిమా చేయాలంటే ఈ యూనిట్‌ అందరికీ ఒక పిచ్చి ఉండాలి. నేను ‘అర్జున్‌ రెడ్డి’ని ఎలా తీశానో అంతకంటే ఎక్స్‌ట్రీమ్‌గా ‘జిగ్రీస్‌’ చిత్రాన్ని తీశారు. దాని కోసం అయినా ఈ సినిమా బాగా ఆడాలని కోరుకుంటున్నాను. హీరో, దర్శకుడితో సంబంధం లేకుండా ఏదో ఒక ఎలిమెంట్‌ నచ్చితే ఆడియన్స్‌ థియేటర్స్‌కు వెళ్లి సినిమా చూస్తారు. మన తెలుగు ఆడియన్స్‌ స్పెషాలిటీ అది. ‘జిగ్రీస్‌’ను కూడా ప్రేక్షకులు థియేటర్స్‌కి వెళ్లి చూడాలని కోరుకుంటున్నాను’’ అని చెప్పారు దర్శకుడు సందీప్‌రెడ్డి వంగా. కృష్ణ బూరుగుల, ధీరజ్‌ ఆత్రేయ, మణి వక్కా, రామ్‌ నితిన్‌ ప్రధాన పాత్రల్లో నటించిన చిత్రం ‘జిగ్రీస్‌’. హరీష్‌ రెడ్డి ఉప్పుల దర్శకత్వంలో కృష్ణ వోడపల్లి నిర్మించిన ఈ చిత్రం నేడు విడుదలవుతోంది. ఈ సందర్భంగా గురువారం హైదరాబాద్‌లో నిర్వహించిన ఈ సినిమా ప్రీ రిలీజ్‌ ఈవెంట్‌కు దర్శకుడు సందీప్‌రెడ్డి వంగా అతిథిగా హాజరయ్యారు. ఈ ఈవెంట్‌లో కృష్ణ బూరుగుల మాట్లాడుతూ– ‘‘జిగ్రీస్‌’ నాకు ఒక ‘డీజే టిల్లు’, ‘జాతి రత్నాలు’. ఇది ఓవర్‌ కాన్ఫిడెన్స్‌తో చెప్పడం లేదు. నమ్మకంతో చెబుతున్నాను’’ అని పేర్కొన్నారు. ‘‘మా సినిమాను థియేటర్స్‌లో చూడండి. తప్పకుండా ఎంజాయ్‌ చేస్తారు’’ అన్నారు ధీరజ్, మణి. ‘‘ఆల్రెడీ ప్రీమియర్స్‌ వేశాం. మంచి స్పందన లభించింది’’ అని చెప్పారు హరీష్‌ రెడ్డి. ‘‘మా సినిమాను మిస్‌ కాకుండా చూడండి’’ అన్నారు నిర్మాత కృష్ణ వోడపల్లి.

కృష్ణ బురుగుల, ధీరజ్‌ అథేర్య, మణి వక్కా, రామ్‌నితిన్‌ ప్రధాన పాత్రల్లో నటించిన తాజా చిత్రం ‘జిగ్రీస్‌’. హరీష్‌ రెడ్డి ఉప్పుల దర్శకత్వం వహించారు. కృష్ణ వోడపల్లి నిర్మాతగా వ్యవహరించాడు. ఇటీవల ఈ మూవీ టీజర్‌ని స్టార్‌ డైరెక్టర్‌ సందీప్‌ రెడ్డి వంగా విడుదల చేయగా..ప్రేక్షకుల నుంచి మంచి స్పందల లభించింది. ఫ్రెండ్షిప్‌, అడ్వెంచర్‌, కామెడీ నేపథ్యంలో టీజర్‌ ఆద్యంతం ఆకట్టుకుంది. తాజాగా ఈ సినిమా తొలి పాటని యంగ్‌ హీరో కిరణ్‌ అబ్బవరం విడుదల చేశాడు.అనంతరం కిరణ్‌ మాట్లాడుతూ..‘ఈ పాట చాలా ఎనర్జీటిక్‌గా ఉంది. కమ్రాన్ సయ్యద్ ఇచ్చిన ట్యూన్ చాలా ఫ్రెష్‌గా ఉంది, లిరిక్స్ చాలా పాజిటివ్‌గా ఉన్నాయి. టీజర్ నేను ముందే చూశాను, చాలా బాగా నచ్చింది. నేను కూడా ఒకప్పుడు కొత్తవాడినే, అందుకే కొత్త వాళ్లంటే ప్రత్యేకమైన ఇష్టం ఉంటుంది. జిగ్రీస్ టీమ్ చాలా ప్యాషన్‌తో పనిచేశారు. ఈ సినిమా తప్పకుండా మంచి సక్సెస్ అవుతుందని నమ్ముతున్నా’ అన్నారు.బిగ్ ఫిష్ మీడియా డిజిటల్ మార్కెటింగ్ చేస్తున్న ఈ చిత్రం త్వరలోనే ప్రేక్షకుల ముందుకు రానుంది.

దర్శకుడు రవిబాబు తెలుగు ఇండస్ట్రీకి చాలా మంది నటులను పరిచయం చేశారు. అందులో అల్లరి నరేశ్‌, విజయదేవరకొండ లాంటి వారు మంచి నటులుగా నిరూపించుకొని స్టార్స్‌ అయ్యారు. మరికొంత మందికి స్టార్‌ ఇమేజ్‌ రాకున్నా..ఇండస్ట్రీలో మాత్రం మంచి పేరు సంపాదించుకొని వరుస చిత్రాల్లో నటిస్తున్నారు. తాజాగా రవిబాబు పరిచయం చేసిన మరో నటుడు కృష్ణ బూరుగుల కూడా టాలీవుడ్‌లో వరుస అవకాశాలతో దూసుకెళ్తున్నాడు. రవిబాబు ‘క్రష్‌’సినిమాతో వెండితెరకు పరిచయం అయ్యాడు కృష్ణ. తొలి చిత్రంతోనే మంచి నటుడిగా గుర్తింపు తెచ్చుకున్నాడు. తాజాగా సునీల్‌ కుమార్‌ రెడ్డి తెరకెక్కించిన ‘మా నాన్న నక్సలైట్‌’తో మరోసారి తన అద్భుతమైన నటనతో ఆకట్టుకున్నాడు. ప్రస్తుతం కృష్ణ చేతి నిండా సినిమాలతో బిజీగా ఉన్నాడు. కొరటాల శివ సమర్పణలో  సత్యదేవ్ హీరోగా నటిస్తున్న కృష్ణమ్మ  చిత్రం లో  రెండవ ప్రధాన పాత్ర పోషిస్తున్నాడు. అలాగే  దిల్ రాజు బ్యానర్ లో హరీష్ శంకర్ సమర్పణలో వస్తున్న ఎ టి ఎం (ATM) అనే వెబ్ సిరీస్ లో ప్రధాన పాత్ర పోషిస్తున్నాడు. అర్జున్ రెడ్డి ఎగ్జీకుటీవ్ ప్రొడ్యూసర్ కృష్ణ బ్యానర్ లో కూడా ఒక సినిమా చేస్తున్నాడు. ఇంకా మరికొన్ని కొత్త ప్రాజెక్ట్ లు మొదలుపెట్టనున్నాడు.