జైపూర్‌: రాజస్తాన్‌కు చెందిన ఓ వ్యక్తి తన కుమార్తె ప్రాణాలను పణంగా పెట్టి రీల్‌ సృష్టించడానికి ప్రయత్నిస్తున్న వీడియో ఒకటి సోషల్‌ మీడియాలో వైరల్‌గా మారింది. నిండుగా తొణికిసలాడుతున్న భరత్‌పూర్‌ జిల్లాలోని బంధ్‌ బరైతా రిజర్వాయర్‌పై ఉన్న ఇనుప ఫ్రేమ్‌పై భయపడుతున్న తన కూతురిని బలవంతంగా అతడు కూర్చోబెడుతున్నట్లుగా ఆ వీడియోలో ఉంది. ఈ నెల 4న ఉమా శంకర్‌ తన భార్య, కుమార్తెతో జలాశయం వద్దకు వెళ్లాడు. వీడియో చిత్రీకరించేందుకు గాను ప్రమాదకరంగా ఉన్న ఇనుప ఫ్రేమ్‌పై తీవ్రంగా భయపడుతున్న తన కుమార్తెను గద్దించి కూర్చోబెట్టాడు. అక్కడ ఆమె కిందపడకుండా పట్టుకునేందుకు సైతం ఎలాంటి రక్షణ ఏర్పాటూ లేకపోవడం గమనార్హం. ఆ రిజర్వాయర్‌ ఎప్పుడూ నీటితో నిండి ఉంటుంది. ఇటీవల వర్షాలకు జలకళ సంతరించుకుంది. ఇలాంటి పరిస్థితులు ఉమా శంకర్‌ తీసి, సోషల్‌ మీడియాలో పెట్టిన వీడియోపై నెటిజన్లు తీవ్ర ఆగ్రహం వ్యక్తం చేశారు. సోషల్‌ మీడియాలో లైకులు, షేర్ల కోసం కూతురు పట్ల ఇంత బాధ్యత లేకుండా వ్యవహరించే తల్లిదండ్రులు కూడా ఉంటారా అని నిలదీశారు. దీంతో, ఉమా శంకర్‌ తన ఇన్‌స్టా అకౌంట్‌ నుంచి ఆ వీడియోను డిలీట్‌ చేశాడు. పోలీసులు దీనిపై ఇంకా స్పందించలేదు.

లెబనాన్‌పై పూర్తిస్థాయి యుద్ధానికి ఇజ్రాయెల్‌ సిద్ధమవుతోందా? పక్కలో బల్లెంలా మారిన హెజ్బొల్లాను సమూలంగా తుడిచిపెట్టాలని నిర్ణయించుకుందా? హెజ్బొల్లా ఉగ్రవాదుల డ్రోన్లు, రాకెట్లను కూల్చడమే లక్ష్యంగా ఇజ్రాయెల్‌ ‘ఐరన్‌ బీమ్‌’ తొలిసారిగా రంగప్రవేశం చేయనుందా? ఇజ్రాయెలీలకు ప్రభుత్వం జారీ చేస్తున్న హెచ్చరికలను చూస్తుంటే అవుననే అనిపిస్తోంది. హెజ్బొల్లాతో యుద్ధం మొదలైతే ఇజ్రాయెల్‌ ప్రజలకు కొన్ని రోజులపాటు విద్యుత్‌ సంక్షోభం తప్పదన్న హెచ్చరికల పత్రం దేశ న్యాయ శాఖలో రౌండ్లు కొడుతున్నట్టు ‘ద జెరూసలెం పోస్ట్‌’ ఓ కథనం ప్రచురించింది. చాలా ప్రాంతాల్లో ఒకటి నుంచి మూడు రోజుల దాకా కరెంటు సరఫరా ఉండకపోవచ్చని ఇజ్రాయెల్‌ నేషనల్‌ ఎమర్జెన్సీ అథారిటీ కూడా పేర్కొంది. ప్రజలు ఆహారం, నీరు, బ్యాటరీ వంటివి దగ్గరుంచుకోవాలని సూచించింది...! ప్రపంచంలోనే తొలిసారి!   ఐరన్‌ బీమ్‌. ఉగ్రవాదుల రాకెట్లను గాల్లోనే తుత్తునియలు చేసి క్షణాల్లో కాల్చి బూడిదగా మార్చే అత్యాధునిక క్షిపణి రక్షణ వ్యవస్థ. తీవ్రమైన కాంతిపుంజపు ఉష్ణశక్తితో కూడిన ఈ వినూత్న సాంకేతిక ఆయుధాల గురించి వినడమే తప్ప ఇప్పటిదాకా ఏ దేశమూ ప్రయోగించలేదు. చెప్పాలంటే ప్రయోగాత్మక దశలో ఉన్న టెక్నాలజీ ఇది. ఇజ్రాయెల్‌ రఫేల్‌ అడ్వాన్సుడ్‌ డిఫెన్స్‌ సిస్టమ్స్‌ ఈ సాంకేతిక పరిజ్ఞానాన్ని అభివృద్ధి చేసింది. ఇది స్టార్‌ ట్రెక్, స్టార్‌ వార్స్‌ వంటి సైన్స్‌ ఫిక్షన్‌ సినిమాల్లోని ఆయుధాల్లా ఉంటుందంటే అతిశయోక్తి కాదు. ‘డైరెక్టెడ్‌ ఎనర్జీ వెపన్‌ ఎయిర్‌ డిఫెన్స్‌ సిస్టమ్‌’గా వ్యవహరించే ఈ కొంగొత్త వ్యవస్థను 2014 ఫిబ్రవరి 11న సింగపూర్‌ ఎయిర్‌ షోలో ప్రదర్శించారు. పాలస్తీనీ హమాస్, లెబనీస్‌ హెజ్బొల్లా ఉగ్ర సంస్థలతో తాజా ఘర్షణలు, యుద్ధం నేపథ్యంలో దీన్ని ఇజ్రాయెల్‌ రంగంలోకి దించనుందని తెలుస్తోంది. ఇలా పని చేస్తుంది... యారో–2, యారో–3, డేవిడ్స్‌ స్లింగ్, ఐరన్‌ డోమ్‌ తర్వాత ఇజ్రాయెల్‌ అమ్ములపొదిలో సరికొత్త ఆగ్నేయాస్త్రం ఐరన్‌ బీమ్‌. ఇది ఫైబర్‌ లేజర్‌ ఆధారంగా పనిచేస్తుంది. ఐరన్‌ డోమ్తో పోలిస్తే ఐరన్‌ బీమ్‌ చిన్నది, తేలికైనది. రహస్యంగా ప్రయోగించడానికి, ఒక చోట నుంచి మరో చోటికి తరలించడానికి మరింత అనువైనది. ఐరన్‌ డోమ్‌ కూడా ఇజ్రాయెల్‌ స్వల్పశ్రేణి క్షిపణి రక్షణ వ్యవస్థే. కానీ ఇటీవలి హమాస్‌ రాకెట్‌ దాడులను నిలువరించడంలో విఫలమైంది. ఇప్పుడు డోమ్‌కు బీమ్‌ను జతచేసి సత్ఫలితాలు రాబట్టాలని ఇజ్రాయెల్‌ భావిస్తోంది. అయితే ఐరన్‌ బీమ్‌కూ పరిమితులు లేకపోలేదు. తడి వాతావరణ పరిస్థితుల్లో ఈ లేజర్‌ వ్యవస్థ పనిచేయదు. ఎంతటి సానుకూల పరిస్థితులున్నా వాతావరణంలోని తేమ వల్ల 30% నుంచి 40% వరకు శక్తిని లేజర్‌ కోల్పోతుంది. అలాగే ధ్వంసం చేయాల్సిన లక్ష్యం ఐరన్‌ బీమ్‌ దృష్టి రేఖకు సూటిగా ఉండాలి. నేరుగా కంటికి కనిపించకుండా, బీమ్‌కు సూటిగా కాకుండా లక్ష్యం ఎక్కడో నక్కి ఉంటే లేజర్‌ కిరణాలతో నాశనం చేయడం అసాధ్యం. పైగా ఐరన్‌ బీమ్‌ ఫైరింగ్‌ రేటు కూడా తక్కువ. లక్ష్యాన్ని ధ్వంసం చేయడానికి సరిపోయేంత లేజర్‌ శక్తిని ప్రయోగించాలంటే కనీసం 5 సెకన్లు, అంతకు మించి సమయం కావాలి. అయినప్పటికీ శత్రు క్షిపణులను గగనతలంలోనే అడ్డుకుని కూల్చేసే సంప్రదాయ ఇంటెర్‌సెప్టర్‌ క్షిపణులతో పోలి్చతే ఐరన్‌ బీమ్‌ వ్యవస్థ అత్యంత శక్తిమంతమైనది. ‘ఖర్చు తక్కువ, పనితీరు ఎక్కువ’ అన్నది దీని సూత్రం. పైగా దీన్ని ఎన్నిసార్లైనా పేల్చవచ్చు. ఒక్కో షాట్‌కు అయ్యే వ్యయమూ తక్కువ. ఐరన్‌ డోమ్‌లో ఒక్కో ఇంటెర్సెప్టర్‌ రాకెట్‌కు 60 వేల డాలర్ల దాకా అవుతుండగా ఐరన్‌ బీమ్‌లో మాత్రం ఆ ఖర్చు కేవలం కొన్ని డాలర్లే. అంతేకాదు, ఈ వ్యవస్థలో శత్రు క్షిపణిని ఢీకొట్టాక ఇంటెర్‌సెప్టర్‌ శకలాలు పడే ముప్పు కూడా ఉండదు. 7 కిలోమీటర్ల పరిధిలోని క్షిపణులు, మానవరహిత వైమానిక వాహనాలు, మోటార్‌ షెల్స్‌ వంటివాటిని ఐరన్‌ బీమ్‌ క్షణాల్లో నిరీ్వర్యం చేయగలదు. దీన్ని 2025 నాటికి మోహరించాలని ఇజ్రాయెల్‌ భావించినా యుద్ధం అవసరాలతో ఇప్పుడే రంగంలో దించేలా ఉంది. ఐరన్‌ బీమ్‌  X లైట్‌ బీమ్‌!   ఈ రెండు హై ఎనర్జీ లేజర్‌ వ్యవస్థలనూ రఫేల్‌ సంస్థే అభివృద్ధి చేస్తోంది. లైట్‌ బీమ్‌ 7.5 కిలోవాట్ల ఇంటెర్‌సెప్టర్‌. రెండు కిలోమీటర్ల దూరంలోని చిన్నపాటి మానవరహిత వైమానిక వాహనాలు, నేలమీద అత్యాధునిక మందుపాతరలు, పేలని మందుగుండు తదితరాలను ఇది నిర్వీర్యం చేయగలదు. ఐరన్‌ బీమ్‌ 100 కిలోవాట్ల తరగతికి చెందిన హై ఎనర్జీ లేజర్‌ సిస్టమ్‌. ఇది రాకెట్లు, శతఘ్నులు, యూఎవీలను కూల్చగలదు. – జమ్ముల శ్రీకాంత్‌ 

లెబనాన్ మీద ఇజ్రాయెల్ పూర్తిస్థాయి యుద్ధానికి సిద్ధమవుతోందా? పక్కలో బల్లెంలా మారిన హెజ్బుల్లాను సమూలంగా తుడిచిపెట్టాలని అది లక్ష్యంగా నిర్ణయించుకుందా? అలాంటి సమరమే అనివార్యమైన పక్షంలో హెజ్బుల్లా ఉగ్రవాదుల డ్రోన్లు, రాకెట్లను కూల్చడమే లక్ష్యంగా ఇజ్రాయెల్ అగ్గిబరాటా ‘ఐరన్ బీమ్’ తొలిసారిగా రంగప్రవేశం చేయబోతోందా? గాజాలో మాదిరి పాత పద్ధతుల్లో పోరాడితే మిగిలేది వృథాప్రయాసే కనుక యూదులు ఈసారి కొత్తగా కదం తొక్కనున్నారా? హెజ్బుల్లాతో యుద్ధం ఆరంభమయ్యే పక్షంలో ఇజ్రాయెల్ ప్రజలకు కొన్ని రోజులపాటు విద్యుత్ సంక్షోభం తప్పదని, అందుకు అనుగుణంగా ప్రణాళికలు రూపొందించాలని అధికార వర్గాలకు సూచిస్తున్న హెచ్చరికల పత్రం ఒకటి ఆ దేశ న్యాయ మంత్రిత్వ శాఖలో రౌండ్లు కొడుతున్నట్టు ‘ద జెరూసలెం పోస్ట్’ పత్రిక ఓ కథనం ప్రచురించింది.  హెజ్బుల్లాతో యుద్ధం మొదలైతే ఇజ్రాయెల్ జనాభాలో కనీసం 60% మంది ఒకట్రెండు రోజులపాటు విద్యుత్ అంతరాయాన్ని ఎదుర్కోవాల్సొస్తుందని, కొన్ని ప్రాంతాల్లో మూడు రోజులపాటు విద్యుత్ సరఫరా ఉండకపోవచ్చని, ప్రజలు తగినంత ఆహారం, నీరు, బ్యాటరీ సహా రేడియో రిసీవర్, ఫస్ట్ ఎయిడ్ కిట్ దగ్గర ఉంచుకోవాలని ఇజ్రాయెల్ నేషనల్ ఎమర్జెన్సీ అథారిటీ మరోవైపు హెచ్చరిక చేసింది. ఇదంతా చూస్తుంటే ‘ఐరన్ బీమ్’ లేజర్ ఆయుధాలను ప్రయోగించడానికి ఇజ్రాయెల్ సమాయత్తమవుతున్నట్టు వార్తలు వెలువడుతున్నాయి.  ప్రపంచంలోనే తొలిసారి!   ‘ఐరన్ బీమ్’… ఉగ్రవాదుల రాకెట్లను గాల్లోనే తుత్తునియలు చేసి వాటిని క్షణాల్లో కాల్చి బూడిదగా మార్చే ఓ అత్యాధునిక క్షిపణి రక్షణ వ్యవస్థ. తీవ్రమైన కాంతిపుంజపు ఉష్ణశక్తితో కూడిన ఈ వినూత్న సాంకేతిక ఆయుధాల గురించి ఇప్పటివరకు వినడమే తప్ప ఇంకా ఏ దేశమూ ప్రయోగించలేదు. మరింత చెప్పాలంటే ఇంకా ప్రయోగాత్మక దశలోనే ఉన్న టెక్నాలజీ ఇది. ఈ సాంకేతిక పరిజ్ఞానాన్ని ఇజ్రాయెల్ రఫేల్ అడ్వాన్సుడ్ డిఫెన్స్ సిస్టమ్స్ అభివృద్ధి చేసింది. స్టార్ ట్రెక్, స్టార్ వార్స్ వంటి సైన్స్ ఫిక్షన్ సినిమాల్లో కనిపించే ఆయుధాల తరహాలో ఇది ఉంటుందంటే అతిశయోక్తి కాదు. ‘ డైరెక్టెడ్ ఎనర్జీ వెపన్ ఎయిర్ డిఫెన్స్ సిస్టమ్’గా వ్యవహరించే ఈ కొంగొత్త వ్యవస్థను 2014 ఫిబ్రవరి 11న సింగపూర్ ఎయిర్ షో సందర్భంగా ప్రదర్శించారు. పాలస్తీనీ హమాస్, లెబనీస్ హెజ్బుల్లా ఉగ్రవాద సంస్థలతో తాజా ఘర్షణలు, కొనసాగుతున్న యుద్ధం నేపథ్యంలో ఇజ్రాయెల్ ‘ఐరన్ బీమ్’ను మోహరించబోతోందని తెలుస్తోంది. యారో-2, యారో-3, డేవిడ్స్ స్లింగ్, ఐరన్ డోమ్ తర్వాత ఆ దేశ అమ్ములపొదిలో చేరబోతున్న సరికొత్త ఆగ్నేయాస్త్రం ఈ ‘ఐరన్ బీమ్’. ఫైబర్ లేజర్ ఆధారంగా ఇది పనిచేస్తుంది. ‘ఐరన్ డోమ్’తో పోలిస్తే ‘ఐరన్ బీమ్’ చిన్నది, తేలికైనది. రహస్యంగా ప్రయోగించడానికి, ఒక చోట నుంచి మరో చోటకు తరలించడానికి మరింత అనువైనది. ‘ఐరన్ డోమ్’ కూడా ఇజ్రాయెల్ స్వల్పశ్రేణి క్షిపణి రక్షణ వ్యవస్థే. కానీ అది ఇటీవలి హమాస్ రాకెట్ దాడులను సమర్థంగా నిలువరించడంలో విఫలమైంది. అందుకే ఇప్పుడు ‘డోమ్’కు ‘బీమ్’ను జతచేసి సత్ఫలితాలు రాబట్టాలని ఇజ్రాయెల్ వ్యూహం పన్నుతోంది. ‘ఐరన్ బీమ్’కు పరిమితులు లేకపోలేదు.  తడి వాతావరణ పరిస్థితుల్లో ఈ లేజర్ ఆయుధ వ్యవస్థ పనిచేయదు. ఎంతటి సానుకూల పరిస్థితులున్నా వాతావరణంలోని తేమ వల్ల 30% నుంచి 40% వరకు శక్తిని లేజర్ కోల్పోతుంది. అలాగే ధ్వంసం చేయాల్సిన లక్ష్యం... ‘ఐరన్ బీమ్’ దృష్టిరేఖకు సూటిగా ఉండాలి. అంటే... నేరుగా కంటికి కనిపించకుండా, ‘ఐరన్ బీమ్’కు సరళరేఖాత్మకంగా కాకుండా... లక్ష్యం ఎక్కడో నక్కి ఉంటే దాన్ని లేజర్ కిరణాలతో నాశనం చేయడం సాధ్యం కాదు. ‘ఐరన్ బీమ్’ ఫైరింగ్ రేటు కూడా తక్కువ. లక్ష్యాన్ని ధ్వంసం చేయడానికి సరిపోయేంత లేజర్ శక్తిని ప్రయోగించాలంటే కనీసం 5 సెకన్లు, అంతకు పైబడిన సమయం అవసరం.  అయినప్పటికీ... శత్రు క్షిపణులను గగనతలంలోనే అడ్డుకుని కూల్చివేసే సంప్రదాయ ఇంటెర్సెప్టర్ క్షిపణులతో పోల్చితే ‘ఐరన్ బీమ్’ వ్యవస్థ అత్యంత శక్తిమంతమైనది. ఖర్చు తక్కువ, పనితీరు ఎక్కువ... ఈ సిస్టమ్ సూత్రం. ఇందులో షాట్స్ పరిమితి ఉండదు. ఎన్నిసార్లైనా పేల్చవచ్చు. ‘ఒక్కో షాట్’కు అయ్యే వ్యయం తక్కువ. అలా నిర్వహణ వ్యయాలు తక్కువగా ఉంటాయి. దీనికి భిన్నంగా ‘ఐరన్ డోమ్’ వ్యవస్థలో ఒక్కో ఇంటెర్సెప్టర్ రాకెట్ కోసం 50 వేల నుంచి 60 వేల డాలర్ల వరకు ఖర్చవుతోంది. ఈ వ్యయం తడిసి మోపెడవుతోంది. ‘ఐరన్ బీమ్’కు అయ్యే ఖర్చు కొన్ని డాలర్లు మాత్రమే. ఈ వ్యవస్థలో శత్రు క్షిపణని ఢీకొట్టాక ‘రక్షిత ప్రదేశాల్లో’ పడే ఇంటెర్సెప్టర్ శకలాల ముప్పు కూడా ఉండదు. ‘ఐరన్ బీమ్’ రేంజిని పరిశీలిస్తే... 7 కిలోమీటర్ల పరిధిలోని క్షిపణులు, మానవరహిత వైమానిక వాహనాలు (UAVs), మోటార్ షెల్స్ వంటి వాటిని క్షణాల వ్యవధిలోనే అది నిర్వీర్యం చేయగలదు. ఈ వ్యవస్థలో వాడే ‘డైరెక్ట్ ఎనర్జీ’ స్థాయిని 2023 సంవత్సరం చివరి నాటికి 100 కిలోవాట్లకు పెంచాలనే ప్రతిపాదనలు వచ్చాయి. వాస్తవానికి 2025 నాటికి ‘ఐరన్ బీమ్’ను మోహరించాలని ఇజ్రాయెల్ భావించింది. కానీ యుద్ధం నేపథ్యంలో రక్షణ అవసరాలు ఆ ప్లాన్ అమలు కాలాన్ని వేగిరపర్చాయి.  ఐరన్ బీమ్ Vs లైట్ బీమ్!  రఫేల్ సంస్థ రెండు హై ఎనర్జీ లేజర్ వ్యవస్థలను అభివృద్ధి చేస్తోంది. అవి ‘ఐరన్ బీమ్’, లైట్ బీమ్. ‘లైట్ బీమ్’ అనేది 7.5 కిలోవాట్ల ఇంటెర్సెప్టర్.  రెండు కిలోమీటర్ల దూరంలోని చిన్నపాటి మానవరహిత వైమానిక వాహనాలు, నేలమీది ఐఈడీలు (ఇంప్రూవైజ్డ్ ఎక్స్ప్లోజివ్ డివైసెస్), పేలని మందుగుండు తదితర లక్ష్యాల్ని ‘లైట్ బీమ్’ తటస్థం/నిర్వీర్యం చేయగలదు. ఇక ‘ఐరన్ బీమ్’… 100 కిలోవాట్ల తరగతికి చెందిన హై ఎనర్జీ లేజర్ సిస్టమ్. రాకెట్లు, శతఘ్నులు, యూఎవీలను కూల్చగలదు.  - జమ్ముల శ్రీకాంత్