నేటి సమాజంలో స్త్రీ ఎదురుకుంటున్న సమస్యల నేపథ్యంలో ‘గుణ సుందరి కథ’ సినిమాను తెరకెక్కించామని అన్నారు చిత్ర దర్శకుడు ఓం ప్రకాశ్‌ మార్త. సునీత సద్గురు, కార్తీక్ సాహస్, రేవంత్, ఆనంద చక్రపాణి, అశోక్ చంద్ర ప్రధాన పాత్రల్లో నటిస్తున్న ఈ చిత్రం అక్టోబర్‌ 13న విడుదల కాబోతుంది. ఈ నేపథ్యంలో చిత్ర దర్శక నిర్మాత ఓం ప్రకాశ్‌ మాట్లాడుతూ.. ఇటీవలే సెన్సార్ పూర్తి చేసుకున్న ఈ చిత్రాన్ని ముందుగా సెన్సార్ వారు అభినందించడం మా మొదటి విజయంగా భావిస్తున్నాం అన్నారు. అలాగే ఇప్పుడిప్పుడే ఇండస్ట్రీ లో నిలదోక్కుకుంటున్న నటినటులతో  చేసిన ఈ ప్రయత్నం అందరికి మంచి పేరు.. గుర్తింపు తెస్తుందన్న ఆశాభావం వ్యక్తం చేసారు. సీరియస్ కంటెంట్ తో వస్తున్న ఈ చిత్రం అన్ని వర్గాల ప్రేక్షకులను ముఖ్యంగా ఆడవాళ్లకు బాగా కనెక్ట్ అవుతుందని నమ్మకంతో ఉన్నామన్నారు. అక్టోబర్ 13 న రిలీజ్ కాబోతున్న గుణ సుందరి కథ చిత్రాన్ని అందరూ ఆదరించాలని, అలాగే కంటెంట్ ని నమ్ముకుని చేసే మాలాంటి చిన్న చిత్రాలను కూడా అందరూ సపోర్ట్ చేయాలని కోరారు.

మార్త క్రియేషన్స్ బ్యానర్ ఫై ఓం ప్రకాష్ మార్త నిర్మాణ దర్శకత్వంలో నిర్మితమైన చిత్రం గుణసుందరి కథ. ఈ సినిమా టీజర్ ఇటీవలే విడుదలయింది. ప్రస్తుత సమాజంలో స్త్రీ ఎదుర్కొంటున్న సమస్యల్ని అంతర్లీనంగా టచ్ చేస్తూ రియాలిస్టిక్ అప్రోచ్ తో యువతను ఇంకా ఫ్యామిలీ ని ఆకట్టుకునే థ్రిల్లర్‌గా ఈ సినిమాను రూపొందించారు. (చదవండి: దర్శకుడి తనయుడు హీరోగా 'హిట్‌ లిస్ట్‌'.. విలన్‌గా గౌతమ్‌ మీనన్‌ ) నేటి యువతకు కావల్సి అన్నీ అంశాలు ఉన్న  చిత్రం ఇది. మహిళా ప్రేక్షకులకు ఈ చిత్రం బాగా కనెక్ట్ అవుతుందనీ ఆలోచింపజేస్తుందని చిత్రం యూనిట్ విశ్వసిస్తోంది. ఇక ఈమూవీలో  సునీత సద్గురు, ఆనంద చక్రపాణి,  రేవంత్ త్రిలోక్, కార్తీక్ సాహస్, ఉదయ్ భాస్కర్, నరేంద్ర రవి, లలితా రాజ్,అక్షయ్  ముఖ్య పాత్రలు పోషించారు.