బాలీవుడ్‌ స్టార్‌ హీరో సన్నీ డియోల్‌ హీరోగా తెలుగు దర్శకుడు గోపీచంద్‌ మలినేని తెరకెక్కించిన చిత్రం జాట్‌. మైత్రీ మూవీ మేకర్స్, పీపుల్‌ మీడియా ఫ్యాక్టరీ సంస్థలు సంయుక్తంగా నిర్మించిన ఈ చిత్రాన్ని బాయ్‌కాట్‌ చేయాలని #BoycottJaatMovie పేరుతో ఒక హ్యాష్‌ ట్యాగ్‌ వైరల్‌ అవుతుంది. శ్రీలంకలో (Sri Lanka) తమిళుల హక్కుల కోసం పోరాడిన ఎల్‌టీటీఈని ఒక ఉగ్రవాద సంస్థగా ఈ చిత్రంలో చూపించారంటూ కొందరు తమిళియన్స్‌ విరుచుకుపడుతున్నారు. తమ కోసం ప్రాణాలకు తెగించిన వారిని ఇలా చూపించడం ఎంతమాత్రం కరెక్ట్‌ కాదు అంటూ తమ ఎక్స్‌ పేజీలలో పోస్టులు పెడుతున్నారు. తమిళనాడులో దర్శకుడు గోపీచంద్‌ మలినేని అడుగుపెడితే తగిన బుద్ధి చెబుతాం అంటూ భగ్గుమంటున్నారు.సినిమా కథలో భాగంగా శ్రీలంక నుంచి పారిపోయి వచ్చిన పాత్రలో నటుడు రణతుంగ కనిపిస్తాడు. జాట్‌లో అతనే విలన్‌ కూడా.. డిప్యూటీ కమాండర్‌ ఆఫ్‌ జాఫ్నా టైగర్‌ ఫోర్స్‌ (JTF) పేరుతో పోలీసుల హిట్‌లిస్ట్‌లో రణతుంగ పేరు ఉంటుంది. ఇక్కడ జాఫ్నా అనేది శ్రీలంకలోని ద్వీపకల్పం. అక్కడే ఎల్‌టీటీఈని స్థాపించిన ప్రభాకరన్‌ జన్మించారు. ఇందులో విలన్‌తో నడిచే గ్యాంగ్‌ను చూపించిన తీరు అంతా కూడా ఎల్‌టీటీఈకు దగ్గరి పోలీకలు ఉన్నాయని వారు చెబుతున్నారు. ఈ సినిమాలో ఎల్‌టీటీఈ పేరు చెప్పనప్పటికీ ఆ మార్క్ చూపుతూ సినిమా తీశారని చెబుతున్నారు. ఎల్‌టీటీఈని ఒక ఉగ్రవాద సంస్థగా ఎందుకు చూపారంటూ కామెంట్లు చేస్తున్నారు. తమిళులు ఈ చిత్రాన్ని చూడొద్దంటూ వైరల్‌ చేస్తున్నారు. శ్రీలంకలోని తమిళుల కోసం ప్రత్యేక సైన్యాన్ని ఏర్పాటు చేసి ప్రజల హక్కుల కోసం పోరాడిన వారి గురించి ఇలా చూపిస్తారా అంటూ దర్శకుడు గోపీచంద్‌ మలినేనిపై విరుచుకుపడుతున్నారు. కొందరు తెలుగువారు తమిళుల పట్ల ఇంతలా ద్వేషం చూపుతున్నారా..? అంటూ ప్రశ్నించారు. ఈ తెలుగు దర్శకుడు తమిళ స్వాతంత్ర్య సమరయోధులు LTTEపై అంత ద్వేషం కక్కడానికి కారణం ఏమిటి..? LTTEపై ఇంత తప్పుడు ప్రచారం ఎందుకు..? అంటూ కొందరు ప్రశ్నిస్తున్నారు. తమ కోసం ప్రాణాలు ఇచ్చిన వారిని ఉగ్రవాదులుగా ఎందుకు చూపుతున్నారు అంటూ ఫైర్‌ అవుతున్నారు.తమిళుల హక్కుల కోసం ఎల్‌టీటీఈ.. దాని గురించి తెలుసా..?అణచివేతకు గురైన తమిళులకు స్వేచ్ఛ పేరిట ఉత్తర శ్రీలంకలోని వన్నీ అటవీ ప్రాంతం నుంచి ఎల్‌టీటీఈ సాయుధ పోరాటం కొనసాగించింది. శ్రీలంకలో ఉన్న తమిళుల హక్కుల కోసం తమిళ్‌ న్యూటైగర్స్‌(TNT) పేరుతో 1972లో ఈ సంస్థను ప్రభాకరణ్‌ ప్రారంభించాడు. అయితే, 1975లో జాఫ్నా మేయర్‌ను అతి సమీపం నుంచి ప్రభాకరణ్‌ కాల్చి చంపాడు. ఆపై 1976లో టీఎన్‌టీ పేరును లిబరేషన్‌ టైగర్స్‌ ఆఫ్‌ తమిళ్‌ ఈలం(LTTE)గా మార్చాడు. దానికి తనే లీడర్‌గా ఉంటూ తమ ప్రత్యర్థుల్ని నిర్ధాక్షిణ్యంగా హత్య చేయడం ప్రారంభించారు. ప్రభాకరణ్‌ నాయకత్వంలో ఎల్‌టీటీఈ మరింత పవర్‌ఫుల్‌ అయింది. ఏకంగా గెరిల్లా దళంగా ఎదిగింది. సుమారు మూడున్నర దశాబ్దాల పాటు సాగిన ఈ ఉద్యమంలో మొత్తం 60వేల మంది ప్రాణాలు కోల్పోయినట్లు సమాచారం.శ్రీలంకలోని తమిళ ప్రజల దీనస్థితి తనను ఆయుధం పట్టేలా చేసిందని ప్రభాకరన్‌ ఒక ఇంటర్వ్యూలో చెప్పాడు. ప్లాన్‌ ప్రకారమే తమపై నరమేధం సాగుతోందని ఆయన చెప్పాడు. తమ జాతిని కాపాడుకునేందుకు ఈ నిరంకుశ రాజ్యం నుంచి ప్రజలను రక్షించేందుకే సాయుధ పోరాట మార్గాన్ని ఎంచుకున్నాని ఆయన మరణానికి ముందు చెప్పాడు. 2009లో శ్రీలంక సైన్యం జరిపిన కాల్పుల్లో ప్రభాకరణ్‌ హతమయ్యాడు.As a Tamilian, I strongly oppose the misrepresentation of the LTTE as terrorists in the movie Jaat. The LTTE was born out of systemic oppression and genocide against Tamils in Sri Lanka. Stop rewriting our history to suit your narrative.#BoycottJaatMovie #LTTEFreedomFighters pic.twitter.com/OaOISdJ5QZ— Senthilvelu V C (@Senthilveluvc) April 13, 2025LTTE was not a terrorist group.It was a resistance force born out of oppression, fighting for Tamil rights & justice.‘Jaat’ shamelessly demonizes a freedom struggle.Tamils won’t stay silent when history is twisted.#BoycottJaatMovie #LTTEFreedomFighters@Seeman4TN @SaalanPaari pic.twitter.com/Qq4sEb9pFV— Asif Ahammed (@asifahamadu) April 13, 2025#BoycottJaatMovie #LTTEFreedomFighters 😠 Why is there so much hatred towards the Tamil liberation movement? #Jaat 🛑#SaveTamilTrue Freedom Rules 💯1.Respect women and give equal rights.2. Never ever use alcohol.3.They never disrespect other's language. pic.twitter.com/0wGibMSRIy— Tamil Pillaigal 🐬 (@TamilPillaigal) April 13, 2025

నందమూరి బాలకృష్ణ( Nandamuri Balakrishna) వరుస విజయాలతో స్పీడ్‌ మీదున్నారు. రీసెంట్‌గా డాకు మహారాజ్‌తో విజయాన్ని అందుకున్న ఆయన ఇప్పుడు మరో సినిమాను పట్టాలెక్కించేందుకు రెడీ అయిపోతున్నాడు. అయితే, మాస్‌ సినిమాలకు తనదైన మార్క్‌ చూపించే బాలయ్య ఇప్పుడు మళ్లీ అదే ఫార్ములాను నమ్ముకున్నాడు. వీర సింహారెడ్డి సినిమాతో తనకు హిట్‌ ఇచ్చిన గోపీచంద్ మలినేని దర్శకత్వంలో కొత్త సినిమాను ఆయన ప్రకటంచనున్నారు. ఈమేరకు ఇద్దరి మధ్య చర్చలు కూడా ముగిశాయని తెలుస్తోంది.జాట్‌ సినిమాతో బాలీవుడ్‌ ప్రేక్షకులను మెప్పించిన గోపీచంద్ మలినేని మాస్‌ చిత్రాలను తెరకెక్కించడంలో గుర్తింపు తెచ్చుకున్నాడు. దీంతో ఆయనకు హిందీలో కూడా ఆదరణ దక్కింది. క్రాక్, వీర సింహా రెడ్డి , జాట్ ఇలా వరుస చిత్రాలతో జోరు మీదున్న మలినేని మరోసారి బాలయ్యతో సినిమా సెట్‌ చేశాడు. వృద్ధి సంస్థ బ్యానర్ పై సతీష్ కిలారు ఈ చిత్రాన్ని నిర్మిస్తారని తెలుస్తోంది. ఈ సంస్థ నుంచి ఇప్పటికే రామ్‌ చరణ్‌ పెద్ది సినిమా తెరకెక్కుతున్న విషయం తెలిసిందే.బాలకృష్ణ- బోయపాటి శ్రీను కాంబినేషన్‌లో తెరకెక్కుతున్న ‘అఖండ 2: తాండవం’ దసరా సందర్భంగా సెప్టెంబరు 25న థియేటర్లలోకి రానుంది. బాలయ్య ఇందులో మురళీ కృష్ణగా, అఖండ రుద్ర సికిందర్‌ అఘోరాగా రెండు పాత్రల్లో కనిపించనున్నారు. ‘అఖండ’కు కొనసాగింపుగా పాన్‌ ఇండియా రేంజ్‌లో బోయపాటి శ్రీను ఈ చిత్రాన్ని తెరకెక్కిస్తున్నారు. అఖండ సినిమాకు బాలీవుడ్‌లో భారీగానే ఫ్యాన్స్‌ ఉన్నారు. అందుకే ఈ చిత్రాన్ని హిందీలో డైరెక్ట్‌గా విడుదల చేయనున్నారు. ప్రస్తుతం చిత్రీకరణ దశలో ఉన్న ఈ సినిమా నుంచి త్వరలో గ్లింప్స్‌ విడుదల కానుంది.


 టాలీవుడ్ యంగ్ హీరోలు స్పీడు పెంచుతున్నారు. ఒక సినిమా సెట్స్ మీద ఉండగానే మరో సినిమాకు రెడీ అయిపోతున్నారు. ప్రస్తుతం సుకుమార్ దర్శకత్వంలో 'నాన్నకు ప్రేమతో' సినిమా షూటింగ్లో పాల్గొంటున్న ఎన్టీఆర్.. తరువాత తను చేయబోయే సినిమా కోసం ఏర్పాట్లు చేసుకుంటున్నాడు.
 
 కొరటాల శివ దర్శకత్వంలో జూనియర్ తదుపరి సినిమా ఉంటుందన్న టాక్ చాలా రోజులుగా వినిపిస్తున్నా, ఇప్పటి వరకు అధికారిక ప్రకటన రాలేదు. తాజాగా తమిళ స్టార్ డైరెక్టర్ మురుగదాస్ ఎన్టీఆర్ కోసం ఓ కథ రెడీ చేస్తున్నాడన్న టాక్ బలంగా వినిపిస్తోంది. గతంలోనే ఈ ఇద్దరి కాంబినేషన్లో కత్తి రీమేక్ తెరకెక్కాల్సి ఉన్నా, అది వర్కవుట్ కాలేదు.
  
 ప్రస్తుతం మురుగదాస్ ఎన్టీఆర్ కోసం ఓ కమర్షియల్ ఎంటర్టైనర్ను రెడీ చేస్తున్నాడట. ఎన్టీఆర్ మార్క్ మాస్ ఎలిమెంట్స్తో పాటు మురుగదాస్ ప్రతి సినిమాలో కనిపించే సోషల్ మెసేజ్ కూడా ఈ సినిమాలో ఉండేలా ప్లాన్ చేస్తున్నాడు. దిల్ రాజు నిర్మిస్తున్న ఈ సినిమాకు మురుగదాస్ కథా కథనాలు మాత్రమే అందిస్తున్నాడు. దర్శకత్వ బాధ్యతలను తన శిష్యుడు గోపిచంద్ మలినేనికి అప్పగించనున్నాడు.
 
 ఎన్టీఆర్ 25వ సినిమాగా సుకుమార్ దర్శకత్వంలో తెరకెక్కుతున్న 'నాన్నకు ప్రేమతో' జనవరి 8న రిలీజ్ చేయడానికి ప్లాన్ చేస్తున్నారు. ఈ సినిమా తరువాత చిన్న గ్యాప్ తీసుకొని 2016 మార్చిలో సినిమాను సెట్స్ మీదకు తీసుకురావడానికి ప్లాన్ చేస్తున్నారు.