చల్లగా ఉండే శీతాకాలంలో వెచ్చగా దుప్పటి కప్పుకుని మరింతసేపు పడుకోవాలని ఎవరికైనా అనిపిస్తుంది. అటువంటప్పుడు బద్ధకం ఎక్కువై ఉదయాన్నే నిద్ర లేవడం కష్టమవుతుంది. ఇది దినచర్యను ప్రభావితం చేస్తుంది. అయితే చలికాలంలో మనం ఎందుకు ఎక్కువసేపు నిద్రపోతామో మీకు తెలుసా? ఎందుకు ఇలా బద్ధకం ముంచుకొస్తుందని మీరు ఎప్పుడైనా అనుకున్నారా? దీనికి కారణం చల్లని వాతావరణమే కారణం అనుకుంటే.. అదొక్కటే సరైన కారణం కాదు.డి విటమిన్‌ లోపంశీతాకాలంలో రాత్రి సమయం ఎక్కువసేపు ఉంటుంది. పగటి సమయం తక్కువగా ఉంటుంది. ఈ సీజన్‌లో సూర్యకాంతి తక్కువగా ఉంటుంది. ఈ కారణంగా శరీరంలో విటమిన్ డి లోపం ఏర్పడుతుంది. ఫలితంగా బద్ధకంతో పాటు అధిక నిద్ర మొదలవుతుంది. ఇవేకాకుండా శీతాకాలంలో అధిక నిద్రకు అనేక కారణాలున్నాయి.మెలటోనిన్ హార్మోన్ పెరుగుదలశీతాకాలపు రాత్రులలో తగినంతగా నిద్ర పోయిన తరువాత కూడా బద్ధకం ఆవరిస్తుంది. వైద్యులు తెలిపిన వివరాల ప్రకారం శీతాకాలంలో శరీరంలో మెలటోనిన్ హార్మోన్ స్థాయి గణనీయంగా పెరుగుతుంది. ఈ మెలటోనిన్ అధిక సమయం నిద్రకు కారణంగా నిలుస్తుంది. మెలటోనిన్ హార్మోన్ అధికంగా పెరగడం వల్ల మన నిద్రలో ఆటంకాలు ఏర్పడతాయి. ఈ కారణంగా కొంతమందికి రోజంతా బద్ధకంగా అనిపిస్తుంది.మెలటోనిన్ హార్మోన్ శరీరంలో సహజంగా ఉత్పత్తి అవుతుంది. దీనివలన నిద్ర వస్తుంది. బయటి కాంతి తగ్గినప్పుడు ఇది నిద్రపోయే సమయం అనే సంకేతాన్ని మెదడుకు అందిస్తుంది. శీతాకాలంలో తక్కువ కాంతి కారణంగా మెలటోనిన్ ప్రభావం చాలాసేపు కొనసాగుతుంది. అందుకే చలికాలంలో ఉదయంపూట అధిక సమయం నిద్రపోతుంటాం.బాడీ టైమ్ టేబుల్ అస్తవ్యస్తంమనిషికి నిద్ర అలవాటు సిర్కాడియన్ ప్రక్రియ ద్వారా జరుగుతుంది. సిర్కాడియన్ ప్రక్రియ అంటే మన శరీరానికి సంబంధించిన అంతర్గత సమయ పట్టిక. ప్రతి కణం నియమిత తీరులో దాని పనిని అది చేస్తుంటుంది. కొన్ని అంశాలు మన సిర్కాడియన్‌ను అంటే మన జీవ గడియారాన్ని ప్రభావితం చేస్తాయి. ఇందులో పర్యావరణం, ఉష్ణోగ్రత, సూర్యకాంతి వంటి మొదలైన అంశాలు ఉన్నాయి. మారుతున్న వాతావరణం కూడా సర్కాడియన్ ప్రక్రియను ప్రభావితం చేస్తుంది. ఫలితంగా మన జీవ గడియారంలో స్వల్ప మార్పులు ప్రారంభమవుతాయి. శీతాకాలంలో నిద్రపోయే సమయాన్ని ఇది ప్రభావితం చేస్తుంది. ఫలితంగా మనకు ఎక్కువసేపు నిద్రపోవాలని అనిపిస్తుంది.శరీరానికి వెచ్చదనాన్ని అందించడంచలి పెరిగినప్పుడు వెచ్చగా ఉండటానికి మనం ఉన్ని దుస్తులను ధరిస్తాం. చాలా చల్లని లేదా చాలా వేడి ఉష్ణోగ్రతలు శరీరంపు సహజ నిద్ర ప్రక్రియకు అంతరాయం కలిగిస్తాయి. వెచ్చదనాన్ని అందించే దుస్తులు నిద్ర ప్రక్రియకు ఆటంకం కలిగిస్తాయి. ఫలితంగా మరింతసేపు నిద్రపోవాలని అనిపిస్తుంది.అతిగా ఆహారం తీసుకోవడంచలికాలంలో చాలామంది అతిగా ఆహారాన్ని తీసుకుంటారు. ఇది జీర్ణ వ్యవస్థ ప్రక్రియకు ఆటంకం కలిగిస్తుంది. ఫలితంగా బద్దకంగా అనిపించి, మరింత సేపు నిద్రపోతుంటాం. శీతాకాలంలో వెచ్చదనం కోసం చాలామంది నాన్ వెజ్ తింటుంటారు. ఈ నాన్‌వెజ్‌ను జీర్ణం చేసుకునేందుకు జీర్ణవ్యవస్థ ఇబ్బంది పడుతుంది. చలికాలంలో అధికంగా తినడం పలు అనారోగ్యం సమస్యలకు దారితీస్తుంది.అధిక నిద్రను ఎలా నివారించాలి?చలికాలంలో వ్యాయామం చేయకపోవడం, వేపుడు పదార్థాలు తినడం, అస్తవ్యస్తమైన జీవనశైలి, బలహీనమైన రోగనిరోధక శక్తి, జలుబు, ఫ్లూ వంటివి కూడా అధిక నిద్రకు కారణమవుతాయని వైద్యులు చెబుతున్నారు. అధిక నిద్రను నివారించడానికి పగటిపూట వీలైనంత ఎక్కువ సమయం సూర్యరశ్మిలో ఉండే ప్రయత్నం చేయాలని వైద్యులు సూచిస్తున్నారు. పగటిపూట నిద్రపోకుండా ఉండటానికి నిత్యం బిజీగా ఉండేందుకు ప్రయత్నించాలని వైద్యులు చెబుతున్నారు.చలికాలంలో రాత్రి భోజనంలో అధికంగా తినడం మానుకోవాలని, ఆకు కూరలు, సీజనల్ ఫ్రూట్స్ తీసుకోవడం ఉత్తమమని వైద్యులు సూచిస్తున్నారు. ప్రోటీన్లు, కార్బోహైడ్రేట్లు అధికంగా ఉండే ఆహారాన్ని తీసుకోవద్దని చెబుతున్నారు. రాత్రి పడుకునే ముందు నీరు తాగితే, ఉదయం నిద్ర లేవడం సులభం అవుతుందని వైద్యులు చెబుతున్నారు. రోజూ ఒకే సమయంలో నిద్రపోవడం- మేల్కొనడం వల్ల శరీర గడియారం క్రమపద్ధతికి అలవాటు పడుతుంది. నిద్రలేచిన వెంటనే స్నానం చేయండి. ఇది మీ శరీర ఉష్ణోగ్రతను నియంత్రిచడంతో పాటు చురుకుదనాన్ని అందిస్తుంది. ఇది కూడా చదవండి: Year Ender 2024: అత్యంత ప్రజాదరణపొందిన వెడ్డింగ్‌ డెస్టినేషన్స్‌


 శ్రీకృష్ణుడి బృందావనాన్ని అంధులు చూడవచ్చని అంటారు! అక్కడ మూగవారు మాట్లాడగలరనీ అంటారు. ఇది ఎంత వరకు నిజమో మనకు తెలియదుగానీ.. ఈ సైన్స్ ప్రపంచంలో మాత్రం వైకల్యమున్న వారికి దాదాపుగా అన్ని రకాల సౌకర్యాలు అందుబాటులోకి తెచ్చేందుకు ప్రయత్నాలైతే కుప్పలు తెప్పలుగా జరుగుతున్నాయి. పక్కన ఫొటోలోని వారు తొడుక్కున్న షర్ట్ కూడా అలాంటిదే. వినికిడి శక్తి తక్కువ ఉన్నవారికీ, లేనివారికీ సంగీతపు మధురిమను అందిస్తుంది ఈ హైటెక్ షర్ట్. జర్మనీలోని క్యూట్ సర్క్యూట్ అనే టెక్నాలజీ సంస్థ దీన్ని అభివృద్ధి చేసింది. ఇదే సంస్థ రెండేళ్ల క్రితం అవసరానికి తగ్గట్టుగా డిజైన్‌ను మార్చగల, ట్వీట్లు చేయగల హైటెక్ షర్ట్‌ను తయారు చేసింది.
 
 బధిరులకు ఉపయోగపడే షర్ట్‌పై కొన్ని కీలకమైన ప్రదేశాల్లో దాదాపు 16 యాక్చుయేటర్స్ ఏర్పాటు చేయడం, సంగీతానికి తగ్గట్టుగా అవి కొన్ని ప్రకంపనలు సృష్టించడం ఈ షర్ట్ ప్రత్యేకత. ఉదాహరణకు ఆర్కెస్ట్రా నడిచే స్టేజీపై పదుల సంఖ్యలో ఏర్పాటు చేసిన మైక్రోఫోన్లు అక్కడి శబ్దాలను గ్రహిస్తే... ప్రత్యేకమైన సాఫ్ట్‌వేర్ వాటిని డిజిటల్ రూపంలోకి మారుస్తుంది. ఈ సమాచారం వైర్‌లెస్ పద్ధతిలో షర్ట్‌కు చేరుతుంది. డ్రమ్ముల శబ్దం తాలూకూ ప్రకంపనలు పొట్ట భాగంలోవస్తే... వయోలిన్‌వి చేతుల మీద వస్తాయన్నమాట. శబ్దం తాలూకూ తీవ్రతకు అనుగుణంగా ఉండే ఈ కంపనాలను బధిరులు ‘ఫీల్’ కావచ్చునని తద్వారా సంగీతాన్నీ ఆస్వాదించవచ్చునని అంటున్నారు ఈ షర్ట్‌ను అభివృద్ధి చేసిన ఆర్కెస్ట్రా సభ్యులు. ఇప్పటికే దీన్ని కొంతమంది బధిరులు వాడి ఆ అనుభూతిని పొందారు కూడా. జర్మనీలోని జంగ్‌జే సింఫోనికర్ ఆర్కెస్ట్రా వీటిని ఇప్పటికే మార్కెట్‌లో అమ్మకానికి పెట్టేసింది. ఇంతకీ దీని పేరేమిటో తెలుసా? సౌండ్ షర్ట్!
 


 కొత్తగా సెక్షన్ 8ని అమలు చేయాల్సిన పని లేదు. పునర్వ్యవస్థీకరణ చట్టంతోపాటూ అదీ అమల్లోనే ఉంది. గవర్నర్ ఆ సెక్షన్‌ని ఉపయోగించే ఏ సమస్యా లేకుండా రెండు రాష్ట్ర ప్రభుత్వాలకు రాజధానిలో భవనాల కేటాయింపును పూర్తి చేశారు. ఇక ప్రజల భద్రత, శాంతిభద్రతలు, ఆస్తుల రక్షణ. వాటికి విఘాతమే కలుగలేదు కాబట్టి గవర్నర్ జోక్యం అవసరమే కాలేదు. అందుకే సెక్షన్ 8పై ఇప్పుడు సాగుతున్న రభసంతా ‘ఓటుకు కోట్లు’ గండం గట్టెక్కడానికి, ప్రజల దృష్టి మరల్చడానికి విసిరిన రాయే కావాలి.
 
  ‘‘మహారాష్ట్రీయులు తమ పట్ల వివక్ష పాటిస్తారేమోనన్న భ యం గుజరాతీ యులలో బాగా నాటుకుపోయింది. కానీ మన రాజ్యాంగం ప్రకారం వివక్ష  సాధ్యం కాదు. రాజ్యాంగంలో ప్రాథమిక హక్కుల జాబితా ఉంది. వాటికి భంగం కలిగినప్పుడు, హైకోర్టు, సుప్రీంకోర్టులలో రిట్ పిటిషన్ల ద్వారా రక్షణ పొందవచ్చును. వివక్షతో కూడిన ప్రతి అన్యాయానికీ రాజ్యాంగం రక్షణలను కల్పించింది. అటువంటప్పుడు గుజరాతీలకు ఆ భయం ఎందుకు?’’ రాజ్యాంగ నిర్మాత బాబాసాహెబ్ అంబేడ్కర్ 1955లో మహారాష్ట్ర, గుజరాత్ విభజన సందర్భంగా చేసిన వ్యాఖ్యలు ఇవి.
 
 ఆ సమయంలో గుజరాతీయులు బొంబాయిని మహారాష్ట్రకు రాజధానిగా ఉంచాలనే నిర్ణయాన్ని తీవ్రంగా వ్యతిరేకిం చారు. ఆనాటి గుజరాతీల భయాలు నిరాధారమైనవని చరిత్ర రుజువు చేసింది. మహారాష్ట్రలోగానీ, బొంబాయిలోగానీ గుజరాతీయుల మీద ఎలాంటి దాడులు జరగలేదు. అయితే నేడు కొందరు అబద్ధాలను పదే పదే వల్లించడం ద్వారా సత్యాలుగా చలామణి చేయాలని ప్రయత్నిస్తున్నారు.
  ‘అభద్రత’ ఎవరికి?
  సెక్షన్ 8 పేరిట ఇప్పుడు సాగుతున్న రభసంతా ఆ ప్రయత్నంలో భాగమే. 2014లో ఉమ్మడి ఆంధ్రప్రదేశ్ విభజన జరిగి తెలంగాణ, ఆంధ్రప్రదేశ్ రాష్ట్రా లు ఏర్పడ్డాయి. అది జరిగీ ఒక ఏడాది గడిచింది. ఏపీ నుంచి వచ్చిన లక్షలాది మంది తెలంగాణలోనే స్థిరపడిపోయారు. హైదరాబాద్‌లోనే కాదు, మారు మూల అటవీ ప్రాంతాల్లో సైతం వారు ఎలాంటి అభద్రతా, వివక్షా లేకుండా జీవనం సాగిస్తున్నారు. తెలంగాణ, ఆంధ్ర భేదం లేకుండా ఒకే అపార్ట్ మెంట్‌లో, బస్తీలో, గ్రామంలో సోదరుల్లా కలసిమెలసి ఉంటున్నారు. ఈ సం వత్సర కాలంగా ఎలాంటి ఘర్షణలూ జరగనే లేదు. బొంబాయి గత అను భవమూ, హైదరాబాద్‌లోని నేటి శాంతియుత సహజీవనమూ కూడా భారత రాజ్యాంగం విశిష్టతకూ, భారత ప్రజల మధ్య ఉన్న సహోదర భావానికీ అద్దం పడుతున్నాయి. మన రాజ్యాంగం ప్రకారం దేశ పౌరులెవరైనా, ఏ భాష, మతానికి చెందినవారైనా ఎక్కడైనా నివాసం ఏర్పాటు చేసుకోవచ్చు. వ్యాపార, వాణిజ్యాలు కొనసాగించవచ్చు.
  గత ఏడాది కాలంగా చర్చకు రాని ఏపీ పునర్వ్యవస్థీకరణ చట్టంపైనా, అందులోని సెక్షన్ 8 పైనా ప్రస్తుతం తీవ్ర చర్చ సాగుతోంది. రేవంత్‌రెడ్డిపై ఏసీబీ కేసు తదుపరి, అందులో ఏపీ ముఖ్యమంత్రి చంద్రబాబు నాయుడు ప్రమేయంపై బలమైన ఆధారాలు బయటపడిన తర్వాత ఈ చర్చ మొద లైంది, జోరందుకుంది.
 
 ఉభయ రాష్ట్రాల గవర్నర్ నరసింహన్‌ను సైతం కొందరు మంత్రులు అసభ్య పదజాలంతో విమర్శించారు. సెక్షన్ 8 అమలు చేయాలని, లేనట్లయితే ఇక్కడ సమాంతర పాలన నడుపుతామని హెచ్చరిం చారు.  2014 జూన్ 2 నుంచి పునర్వ్యవస్థీకరణ చట్టం, అందులోని సెక్షన్ 8 అమల్లోనే ఉన్నాయి. కొత్తగా సెక్షన్ 8ని అమలు చేయాల్సిన అవసరం లేదు.  కాబట్టే సెక్షన్ 8పై సాగుతున్న రభస వెనుక వేరేదో ఉద్దేశముందని భావిం చాల్సి వస్తోంది. తక్షణమే ముంచుకొచ్చిన ఏసీబీ కేసు ముప్పు నుంచి బయట పడడానికీ, దానిని పక్కదోవ పట్టించి, ప్రజల దృష్టి మరల్చడానికీ ఈ రాయి విసిరి ఉండాలి. రాజకీయ నాయకుల పథకాలు, ప్రణాళికలు ఏమైనప్పటికీ పౌరులమైన మనం విజ్ఞతతో వ్యవహరించాల్సి ఉంది.
 
  ‘ఎనిమిది’ ఏం చెబుతోంది?  
  సెక్షన్ 8లో నాలుగు క్లాజులున్నాయి. అందులో మొదటిది, అపాయింటెడ్ తేదీ నుంచి, అంటే జూన్, 2, 2014 నుంచి ఉమ్మడి రాజధానిగా నిర్ణయించిన ప్రాంతంలో జీవన భద్రత, స్వేచ్ఛ, ఆస్తుల పరిరక్షణ విషయంలో గవర్నర్ ప్రత్యేక బాధ్యతను కలిగి ఉంటారు. రెండవది, ప్రత్యేకించి శాంతిభద్రతలు, అంతర్గత భద్రత, ప్రముఖ స్థలాల రక్షణ, వాటి నిర్వహణలపైనా, రెండు ప్రభుత్వాల పరిపాలనావసరాల కోసం భవనాల కేటాయింపుపైనా ప్రత్యే కంగా ఆయన తన దృష్టిని కేంద్రీకరించాలి. మూడవది, గవర్నర్ తన విధు లను నిర్వర్తించేటప్పుడు... ముందుగా తెలంగాణ ప్రభుత్వ మంత్రి మండ లిని సంప్రదించి తగు చర్యలు తీసుకోవాలి. ఆ క్రమంలో ఏమైనా సమస్యలు తలెత్తితే గవర్నర్‌దే అంతిమ నిర్ణయం. నాల్గవది కేంద్రప్రభుత్వం నియమిం చిన ఇద్దరు సలహాదారులు గవర్నర్‌కు సహాయ సహకారాలు అందించాలి.
  ఇదీ సెక్షన్ 8 సారాంశం. గవర్నర్‌కి ఉమ్మడి రాజధానిలో ఉన్నది ప్రత్యేక బాధ్యత మాత్రమే తప్ప, అధికారం కాదు. అది కూడా తెలంగాణ ప్రభుత్వ మంత్రి మండలిని సంప్రదించిన తర్వాతనే ఆయన తగు చర్యలు తీసుకో వాలి. ఎందుకంటే ఉమ్మడి రాజధాని హైదరాబాద్ తెలంగాణలో అంత ర్భాగం. ఇదే విషయాన్ని పునర్వ్యవస్థీకరణ చట్టంలోని సెక్షన్ 3 స్పష్టం చేస్తు న్నది. అంతేకాదు, గవర్నర్ ఇప్పటికే సెక్షన్ 8 లోని కొన్ని అంశాలకు సంబం ధించి చర్యలు తీసుకున్నారు. రెండు రాష్ట్ర ప్రభుత్వాలకు భవనాల కేటాయింపులను ఏ సమస్యా లేకుండా పూర్తి చేశారు. ఇక ప్రజల జీవన భద్రత, శాంతి భద్రతలు, ఆస్తుల రక్షణ. వాటికి అసలు ఎక్కడా విఘాతమే కలుగలేదు కాబట్టి గవర్నర్ జోక్యం చేసుకోవాల్సిన అవసరమే రాలేదు.
 
  గవర్నర్ జోక్యం ఎప్పుడు?
  మన దేశంలో నేరాలను పరిశోధించి నిర్ధారించే న్యాయ వ్యవస్థలున్నాయి. నేరం రుజువైతే శిక్షలు విధించే చట్టాలున్నాయి. ఎవరైనా హత్య చేస్తే, లేదా చేశారని భావిస్తే భారత శిక్షాస్మృతి (ఐపీసీ) 302 సెక్షన్ కింద ఆ వ్యక్తిని అదు పులోకి తీసుకొని విచారిస్తారు. అంత మాత్రాన ఐపీసీ అనేది ఉంది కాబట్టి నేరం జరిగినా, జరగకపోయినా ప్రతి చోటా 302 సెక్షన్‌ను అమలు చేయాలనడం ఎలా ఉంటుందో, ఎలా అవివేకమవుతుందో అలాగే సెక్షన్ 8ని అమలు చేయాలని అడగడమైనా, పునర్వ్యవస్థీకరణ చట్టం అమలు చేయాల నడమైనా కూడా. ఒకవేళ శాంతిభద్రతలకు భంగం కలిగి, ప్రజల ధన, మాన, ప్రాణాలకు హాని కలిగితే, తెలంగాణ ప్రభుత్వం సరైన రక్షణ చర్యలు తీసుకోకపోతే.... అప్పుడు గవర్నర్ జోక్యం అవసరమవుతుంది. సెక్షన్ 8 లేకున్నా, రాజ్యాంగంలోని ఆర్టికల్ 163 ప్రకారం గవర్నర్‌కు ఆ బాధ్యత, అధి కారం ఉన్నాయి. 
 
 పరిస్థితి మరీ విషమిస్తే ఆర్టికల్ 356 ప్రకారం రాష్ట్రపతి పాలన విధించాలని సైతం గవర్నర్ కేంద్రాన్ని కోరవచ్చు. అంతేకానీ ప్రశాం తంగా కలసిమెలసి జీవనం సాగిస్తున్న వారిని రెచ్చగొట్టాలని కొందరు ఇలా కోరడాన్ని ఎవ్వరూ హర్షించరు. సెక్షన్ 8లో పేర్కొన్న విధంగా, ఇది తెలంగాణ, ఆంధ్ర ప్రజల సమస్య మాత్రమే కాదు. ఉమ్మడి రాజధాని పరిధిలో నివసిస్తున్న ప్రతిపౌరుని రక్షణా గవర్నర్ ప్రత్యేక బాధ్యతే అవు తుంది. అయితే హత్యలు, దొమ్మీలు చేసి, అవినీతికి పాల్పడి.... నేను ఫలానా ప్రాంతపు మనిషిని కనుక నన్ను ఏమీ అనవద్దు. ఏమైనా అంటే సెక్షన్ 8ని అమలు చేయమంటానంటే కుదరదు. అంతే కాదు, సాధారణ పౌరుని నుంచి  ముఖ్యమంత్రులు, ప్రధానమంత్రి వరకు ఎవరైనా నేరం చేశారని భావిస్తే చర్యలు సమానంగానే ఉంటాయి. మన దేశంలో రాష్ట్రపతి, గవర్నర్‌ల విషయంలో మాత్రమే  ఆరోపణలు వచ్చినా, పదవిలో ఉండగా చర్యలు తీసుకోవడానికి లేదు. మిగతా వారెవరూ దీనికి మినహాయింపు కాదు.  
  
 ‘ఆరు’కు ఎగనామం పెట్టి...
  సెక్షన్ 8ని అమలు చేయాలని వాదిస్తున్న మంత్రులు, నాయకులు, అదే పున ర్వ్యవస్థీకరణ చట్టంలోని సెక్షన్ 6ను గురించి మాత్రం ప్రస్తావించడం లేదు. ఏపీకి నూతన రాజధాని నిర్మాణం కోసం నియమించిన శివరామకృష్ణన్ కమిటీ సిఫారసులను విధిగా అమలు చేయాలని సెక్షన్ 6 స్పష్టం చేసింది. పాలకులు ఆ కమిటీ నివేదికను తుంగలో తొక్కారు. రాజధాని నిర్మాణం కోసం మూడు పంటలు పండే ప్రాంతం ఎంపిక తగదని ఆ కమిటీ... ప్రకాశం జిల్లా దొనకొండ ప్రాంతాన్ని సిఫారసు చేసింది. పైగా రాజధాని కోసం వెయ్యి ఎకరాలు చాలునని, అంతా ఒకే చోట కేంద్రీకరించకుండా, వికేంద్రీకరణ విధానంతో అన్ని ప్రాంతాలు అభివృద్ధి చెందేలా ప్రభుత్వ కార్యాలయాల నిర్మాణం జరగాలని అది సిఫారసు చేసింది. ఆ సిఫారసులను  తిరస్కరించి, ఏపీ పాలకులు తమ రాజకీయ, స్వార్థ ప్రయోజనాల కోసం పచ్చటి పొలా లను కాంక్రీట్ అరణ్యంగా మార్చడానికి నిర్ణయించారు. సెక్షన్ 8 అమలంటూ గగ్గోలు చేస్తున్నవారికి అప్పుడు పునర్వ్యవస్థీకరణ చట్టం గుర్తుకు రాలేదు.
  
 ( వ్యాసకర్త : మల్లేపల్లి లక్ష్మయ్య... సామాజిక విశ్లేషకులు) మొబైల్: 97055 66213    
 
 రాచరికాల  పాలనలో సైతం ప్రజల ప్రయోజనాల కోసం రాజ్యాలను వదులుకున్నవారున్నారు. కుటుంబాలను, బిడ్డలను, కొడుకులను త్యాగం చేసిన వారున్నారు. కానీ అధికారం కోసం, పదవుల కోసం ప్రజలను పావు లుగా వాడుకొనే పాలకులను ఈరోజు ప్రత్యక్షంగా చూస్తున్నాం. ఆంధ్రప్రదేశ్ ముఖ్యమంత్రి చంద్రబాబు నాయుడు ‘ఓటుకు కోట్లు’ కేసు గండం నుంచి గట్టెక్కడానికి ఆంధ్ర - తెలంగాణ సెంటిమెంట్‌ను, పునర్వ్యవస్థీకరణ చట్టం అమలును వాడుకోవాలనుకుంటున్నారు. అందరం వివేకంతో ఆలోచించి ఈ విషయంలో సత్యాసత్యాలను నిర్ధారించుకోవాల్సిన సమయమిది.