ఓపెక్ సభ్యుల సంచలన నిర్ణయం

 

జనవరి నెల బ్రెండ్ క్రూడ్ ఫ్యూచర్స్ 8.3 శాతం పెరిగి బ్యారల్కు 50.214 డాలర్లుగా నమోదయ్యాయి. కాగ మంగళవారం ఈ ధరలు కనీసం 4 శాతం పడిపోయిన సంగతి తెలిసిందే. చమురు మార్కెట్ను పునరుద్ధరించడానికి ఉత్పత్తిలో కోత విధించాల్సినవసరమేముందని సౌదీ లీడర్లు వాదించారు. కానీ ఆఖరికి సౌదీ కూడా ఉత్పత్తిలో కోత విధించేందుకు సమ్మతించినట్టు తెలిసింది.  చమురు ఉత్పత్తి కోత ప్రకటనలతో డాలర్ ట్రెండ్ రివర్స్ అవనుందని మార్కెట్ విశ్లేషకులంటున్నారు. అమెరికా ఎన్నికల తర్వాత శరవేగంగా దూసుకెళ్తున్న డాలర్కు బ్రేక్లు పడనున్నాయని వారు అభిప్రాయపడుతున్నారు. ఒకవేళ ఓపెక్ సభ్యుల ఉత్పత్తిలో కోత నిర్ణయం విఫలమై ఉండి ఉంటే, చమురు ఉత్పత్తి ధరలు బ్యారల్కు 40 డాలర్ల కంటే కిందకి దిగొచ్చేవని పలువురు విశ్లేషకులు చెప్పారు.