బాన్సువాడ: పట్టణంలోని న్యూ వీక్లీ మార్కెట్‌ సమీపంలో కొత్తగా నిర్మాణం చేపడుతున్న మడిగెలలో మహిళ(35), బాలుడి(8) మృతదేహాలు లభ్యమయ్యాయి. సీఐ కృష్ణ తెలిపిన వివరాలు.. ఆదివారం మడిగెలలో దుర్వాసన వస్తుందని గమనించిన స్థానికులు మృతదేహాలను చూసి పోలీసులకు సమాచారం అందించారు. దీంతో పోలీసులు అక్క డి వెళ్లి చూడగా మహిళ, బాలుడి మృతదేహాలు పూర్తిగా కుళ్లిపోయిన స్థితిలో ఉండటంతో శవాలకు పంచనామా చేసి ఆస్పత్రికి తరలించారు. మహిళ, బాలుడు చనిపోయి మూడు, నాలుగు రోజులై ఉండవచ్చని సీఐ అన్నారు. మహిళ ఒంటిపై లేత గోధుమ రంగు టాప్‌, నలుపు రంగు ప్యాంట్‌ ఉన్నాయని, ఆమె ఐదు ఫీట్ల ఎత్తు ఉంటుందని, బాలుడు ఆకుపచ్చ టీషర్ట్‌, కాషాయ రంగు నిక్కర్‌ ధరించి ఉన్నాడని సీఐ తెలిపారు. మృతదేహాలు బాన్సువాడ ఆస్పత్రి మార్చురీలో ఉన్నాయని, ఎవరైనా మృతదేహాల వివరాలు తెలిస్తే పోలీస్టేషన్‌కు వచ్చి సంప్రదించాలని సూచించారు. మహిళ, బాలుడు గత గురువారం సంత కావడంతో అదే రోజు బాన్సువాడకు వచ్చి ఉంటారని, వారు ఆత్యహత్య చేసుకున్నారా.? లేక హత్యనా? అనే కోణంలో పోలీసులు విచారణ చేపడుతున్నారు. అనుమానాస్పద మృతిగా పోలీసులు కేసు నమోదు చేశారు.

మోపాల్‌(నిజామాబాద్‌రూరల్‌): కంజర్‌ సాంఘిక సంక్షేమ గురుకుల పాఠశాల వద్ద ఆదివారం రాత్రి జరిగిన రోడ్డు ప్రమాదంలో నర్సింగ్‌పల్లికి చెందిన జాన్కంపేట్‌ గంగాధర్‌కు తీవ్రగాయాలయ్యాయి. ఎస్‌ఐ గంగాధర్‌ తెలిపిన వివరాల ప్రకారం.. గంగాధర్‌ తన కుమారుడి జన్మదినం సందర్భంగా మోపాల్‌ నుంచి కేక్‌ తీసుకుని వస్తున్నాడు. అదే సమయంలో నర్సింగ్‌పల్లి వైపు నుంచి కంజర్‌కు చెందిన గుడి సంపత్‌రెడ్డి కారులో వేగంగా వస్తున్నాడు. గురుకుల పాఠశాల మూలమలుపు వద్ద కారు అదుపు తప్పి ఎదురుగా వస్తున్న గంగాధర్‌ను ఢీకొట్టడంతో ఆయన పక్కనున్న పంట పొలాల్లో ఎగిరిపడ్డాడు. అంతేగాకుండా నగరానికి చెందిన నదీమ్‌ ద్విచక్రవాహనాన్ని సైతం కారు ఢీకొట్టింది. ప్రమాదంలో గంగాధర్‌ చేతులు, కాళ్లు, తలకు తీవ్ర గాయాలయ్యాయి. నదీమ్‌కు స్వల్ప గాయాలయ్యాయి. వెంటనే గంగాధర్‌ను 108 వాహనంలో జిల్లా కేంద్రాస్పత్రికి తరలించారు. బాధితుల ఫిర్యాదు మేరకు కేసు నమోదు చేసుకుని దర్యాప్తు జరుపుతున్నట్లు ఎస్సై తెలిపారు.

కామారెడ్డి క్రైం : ఇంటర్‌, పదో తరగతి అడ్వాన్స్‌డ్‌ సప్లమెంటరీ పరీక్షలను పకడ్బందీగా నిర్వహించాలని కలెక్టర్‌ జితేష్‌ వి పాటిల్‌ అధికారులను ఆదేశించారు. ఈ నెల 24 నుంచి జూన్‌ 3 వరకు ఇంటర్‌, జూన్‌ 3 నుంచి 13 పదో తరగతి సప్లమెంటరీ పరీక్షలు నిర్వహిస్తున్నట్లు పేర్కొన్నారు. శనివారం కలెక్టరేట్‌లో సప్లమెంటరీ పరీక్షల నిర్వహణపై ఆయా శాఖల అధికారులతో నిర్వహించిన సమావేశంలో ఆయన మాట్లాడారు. ఇంటర్‌ పరీక్షలకు జిల్లాలో 29 కేంద్రాలను ఏర్పాటు చేసి ప్రతి కేంద్రానికి ఒక చీఫ్‌ సూపరింటెండెంట్‌, డిపార్ట్‌మెంటల్‌ అధికారిని నియమించామన్నారు. పదవ తరగతి సప్లిమెంటరీ పరీక్షలకు కామారెడ్డి, బాన్సువాడ మండల కేంద్రాల్లో ఒక్కో కేంద్రంలో పరీక్షలు నిర్వహించనున్నట్లు తెలిపారు. విద్యార్థులకు ఎలాంటి ఇబ్బందులు కలగకుండా అన్ని సదుపాయాలు కల్పించాలని అధికారులను ఆదేశించారు. పరిసర ప్రాంతాలను శుభ్రంగా ఉంచాలని అధికారులను ఆదేశించారు. పరీక్షా సమయానికి అనుగుణంగా బస్సులు నడపాలని ఆర్టీసీ డిపో మేనేజర్‌కు సూచించారు. ఇంటర్‌ బోర్డు నోడల్‌ అధికారి షేక్‌ సలాం, సభ్యులు శ్రీనాథ్‌, నాగేశ్వరయ్య, డీఈవో రాజు, ఇన్‌చార్జి డీఎంహెచ్‌ఓ చంద్రశేఖర్‌, ఆర్టీసీ డీఎం ఇందిర పాల్గొన్నారు. కొనుగోలు కేంద్రాలను నిరంతరం పర్యవేక్షించాలివర్షాలు పడుతున్న నేపథ్యంలో ఆర్డీవోలు, తహసీల్దార్‌లు తమ పరిధిలోని కొనుగోలు కేంద్రాలను నిరంతరం పర్యవేక్షించాలని కలెక్టర్‌ జితేష్‌ వి పాటిల్‌ శనివారం ఒక ప్రకటన ద్వారా అధికారులకు సూచించారు. త్వరితగతిన ధాన్యం మిల్లులకు తరలించేలా చూడాలన్నారు. తహసీల్దార్‌లు కొనుగోలు కేంద్రాల నిర్వాహకులతో ప్రతిరోజు మాట్లాడాలన్నారు. లారీలు ఏర్పాటు చేసి మిల్లులకు ధాన్యం తరలించాలన్నారు. రైతులకు ఇబ్బందులు తలెత్తకుండా చూడాలని ఆదేశించారు. కలెక్టర్‌ జితేష్‌ వి పాటిల్‌

ఎల్లారెడ్డి : ఎల్లారెడ్డి మున్సిపల్‌ చైర్మన్‌ కుడుముల సత్యనారాయణపై పెట్టిన అవిశ్వాసం నెగ్గినట్లు కౌన్సిలర్లు శనివారం తెలిపారు. మున్సిపల్‌ చైర్మన్‌ బీఆర్‌ఎస్‌ నుంచి కాంగ్రెస్‌ చేరడంతో 11 మంది కౌన్సిలర్లు గత నెల 24న అవిశ్వాసం నోటీసును కలెక్టర్‌కు అందించారు. దీంతో శనివారం అవిశ్వాస పరీక్ష నిర్వహించాలని ఆర్డీవో ప్రభాకర్‌ను కలెక్టర్‌ ఆదేశించారు. ఆర్డీవో అధ్యక్షతన మున్సిపల్‌ కార్యాలయంలో ఉదయం 11 గంటలకు అవిశ్వాస పరీక్షను నిర్వహించారు. అవిశ్వాస తీర్మాన నోటీసులను అందించిన 11 మంది కౌన్సిలర్లు శ్రీకాంత్‌ ఆధ్వర్యంలో ఈనెల 13న రాత్రి క్యాంపునకు తరలివెళ్లారు. క్యాంపు నుంచి నేరుగా సమావేశానికి వచ్చిన వారు అవిశ్వాస తీర్మానానికి మద్దతు తెలిపినట్లు సమాచారం. వీరిలో 9మంది బీఆర్‌ఎస్‌, ఇద్దరు కాంగ్రెస్‌ కౌన్సిలర్లు ఉన్నారు. కాగా అవిశ్వాస తీర్మానం ఫలితాలు ప్రకటించవద్దని కోర్టు సూచించడంతో అధికారులు వివరాలు తెలుపలేదు. కలెక్టర్‌ ఆదేశాల మేరకు మున్సిపల్‌ చైర్మన్‌ చాంబర్‌కు అధికారులు తాళం వేశారు. అవిశ్వాసం నెగ్గడంతో కార్యకర్తలు టపాకాయలు కాల్చి, స్వీట్లు పంచి సంబురాలు చేసుకున్నారు. తీర్మానానికి మద్దతు తెలిపిన 11 మంది కౌన్సిలర్లు అవిశ్వాసం నెగ్గినట్లు ప్రకటించని అధికారులు

కామారెడ్డి టౌన్‌ : కామారెడ్డి డీఎంహెచ్‌వో కార్యాలయ ఇన్‌చార్జి సూపరింటెండెంట్‌గా అమరేష్‌ కల్యాణిని నియమిస్తూ ఇన్‌చార్జి డీఎంహెచ్‌వో చంద్రశేఖర్‌ శనివారం ఉత్తర్వులు జారీ చేశారు. సూపరింటెండెంట్‌గా విధులు నిర్వహించిన శ్రీనివాస్‌నాయక్‌పై పలు ఆరోపణలు రావడం, కేసు నమోదు కావడంతో ఆయన స్థానంలో ఇన్‌చార్జిని నియమించారు. ఆమె శనివారం బాధ్యతలు స్వీకరించారు. ధాన్యం రవాణాకు వాహనాలను సమకూర్చాలి కామారెడ్డి క్రైం : కొనుగోలు కేంద్రాల నుంచి రైస్‌ మిల్లులకు ధాన్యం తరలించడానికి అవసరమైన వాహనాలను రవాణా శాఖ అధికారులు, కాంట్రాక్టర్లు సమకూర్చాలని రెవెన్యూ అదనపు కలెక్టర్‌ చంద్రమోహన్‌ సూచించారు. ధాన్యం రవాణాపై కలెక్టరేట్‌లోని తన చాంబర్‌లో శనివారం ఆయన సమావేశం నిర్వహించారు. వర్షాలు కురుస్తున్నందున ధాన్యం తడవకుండా జాగ్రత్తలు తీసుకోవాలన్నారు. ధాన్యాన్ని కొనుగోలు చేసిన వెంటనే లారీలు ఏర్పాటు చేసి మిల్లులలో అన్‌లోడ్‌ అయ్యేలా సహకరించాలని కోరారు. డీఎస్‌వో మల్లికార్జున్‌ బాబు, సివిల్‌ సప్లయ్‌ ఇన్‌చార్జ్‌ డీఎం నిత్యానందం తదితరులు పాల్గొన్నారు. ఈఏపీసెట్‌లో ప్రతిభ కామారెడ్డి టౌన్‌ : ఈఏసీసెట్‌ ఫలితాల్లో జి ల్లాకు చెందిన విద్యార్థులు ప్రతిభ చాటా రు. జిల్లా కేంద్రంలోని సాందీపని కళాశాల లో చదివిన అమూల్యరెడ్డి 817వ ర్యాంకును సాధించింది. మాచారెడ్డి మండలం అన్నా రం గ్రామానికి చెందిన అమూల్యరెడ్డి భవిష్యత్తులో సాఫ్ట్‌వేర్‌ ఇంజినీర్‌ అవడమే తన లక్ష్యం అన్నారు. పట్టణానికి చెందిన పందిరి శరత్‌చంద్ర 4,175 ర్యాంకు సాధించాడు. ఇంజినీర్‌ కావడమే తన లక్ష్యం అని తెలిపా డు. విద్యార్థులను కళాశాల యజమాన్యం అభినందించింది. ప్రజల ప్రాణాలతో చెలగాటం ఆడొద్దు కామారెడ్డి టౌన్‌ : వ్యాపారులు ప్రజల ప్రా ణాలతో చెలగాటం ఆడొద్దని కామారెడ్డి ఆ హార భద్రతా అధికారి సునిత అన్నారు. శనివారం జిల్లా కేంద్రంలోని హోటళ్లు, స్వీట్‌ దు కాణాలను ఆమె తనిఖీ చేశారు. వంట గదు లు అపరిశుభ్రంగా, కాలం చెల్లిన తినుబండారాలు, కుళ్లిన ఆహార పదార్థాలు ఉండటంతో యజమానులపై ఆగ్రహం వ్యక్తం చేసి, జరిమానాలు విధించారు. ఆహార పదార్థాల శాంపిల్స్‌ సేకరించి హైదరాబాద్‌లోని ల్యాబ్‌ కు పరీక్షల నిమిత్తం పంపారు. తనిఖీల్లో ఫు డ్‌ ఇన్‌స్పెక్టర్‌ శిరీష, మున్సిపల్‌ సానిటరీ ఇన్‌స్పెక్టర్‌ రవీందర్‌ తదితరులు పాల్గొన్నారు. తడిసిన ధాన్యం కొనుగోలు చేస్తాం బీబీపేట : వర్షాలతో తడిసిన ధాన్యాన్ని కొ నుగోలు చేస్తామని డీసీఎంఎస్‌ చైర్మన్‌ ఇంద్రసేనారెడ్డి అన్నారు. శనివారం మండల కేంద్రంలోని సొసైటీ కార్యాలయంలో ఆయన మాట్లాడారు. లారీల కొరత, మిలర్ల తీరుతో కొనుగోళ్లు ఆలస్యం అవుతున్నాయని పేర్కొ న్నారు. అయినా రైతులకు ఇబ్బందులు కల్గకుండా నిరంతరం చర్యలు చేపడుతున్నామ ని తెలిపారు. మరో వారం రోజుల్లో కొనుగో లు ప్రక్రియ పూర్తి అవుతుందని ఆయన అ న్నారు. వర్షాలు కురుస్తున్నందున రైతులు అందుబాటులో ఉండి ధాన్యాన్ని కాపాడుకోవాలని సూచించారు. డైరెక్టర్‌ మల్లేశం, రైతు లు రాజ మల్లయ్య, కిషన్‌రావు పాల్గొన్నారు.