అలరించిన సరిగమ పాటల పోటీ

ఆకివీడు : స్థానిక సరిగమ సంగీత పరిషత్‌ ఆధ్వర్యంలో గ్రామంలోని లయన్స్‌ ఆడిటోరియంలో ఆదివారం నిర్వహించిన రాష్ట్రస్థాయి సినిమా పాటల పోటీ ఉర్రూతలూగించింది. పోటీలను వైఎస్సార్‌ సీపీ మండల యువజన కమిటీ అధ్యక్షుడు అంబటి రమేష్‌ ప్రారంభించారు. లయన్స్‌ ప్రతినిధి డాక్టర్‌ ఎంవీ సూర్యనారాయణరాజు జ్యోతి ప్రజ్వలన చేశారు. పాటల పోటీల అనంతరం కూచిపూడి నృత్య ప్రదర్శన ప్రేక్షకులను ఆకట్టుకుంది. మద్రాసుకు చెందిన  టేకీ బాలాజీ వయోలి న్‌  కచేరి రంజింపజేసింది. విజేతలను సంగీత పరిషత్‌ అ««దl్యక్షుడు సింగవరపు కోటేశ్వరరావు ప్రకటించారు. మొదటి బహుమతిని మంజుశ్రీ(నర్సాపురం), ద్వితీయ బహుమతిని పూర్ణిమ(కాకినాడ), తృతీయ బహుమతిని పావని(చిలకలూరిపేట), 4వ బహుమతిని శృతి (హైదరాబాద్‌), 5వ బహుమతిని బాలాదిత్య(ఆకివీడు), ఆరో బహుమతిని ప్రియాంక(ఆకివీడు), ఏడో బహుమతిని మాధవి అందుకున్నారు. న్యాయ నిర్ణేతలుగా డాక్టర్‌ కొణాడ అశోక్‌ సత్య, భోగిరెడ్డి శ్రీనివాస్‌ పాల్గొన్నారు.