ఈ ఏడాది చందనోత్సవం అద్భుతంగా జరిగిందని విశాఖ శ్రీ శారదాపీఠాధిపతి స్వరూపానందేంద్ర సరస్వతి కొనియాడారు. దర్శనానంతరం ఆయన మీడియాతో మాట్లాడారు. గతేడాది జరిగిన లోటుపాట్లను సరిదిద్దుకుని ప్రభుత్వం పకడ్బందీగా ఏర్పాట్లు చేసిందన్నారు. పూర్తిగా సామాన్య భక్తులకే పెద్దపీట వేస్తూ ఈ సారి చందనోత్సవం నిర్వహించడం అభినందనీయమన్నారు. ప్రభుత్వం కూడా సింహాచలం క్షేత్రానికి వెళ్లే రోడ్లను వెడల్పు చేయడం చాలా అభినందనీయమన్నారు. దాదాపు 50 ఏళ్లుగా విస్తరణ జరగని రోడ్లను వెడల్పు చేసి, సింహాచలం క్షేత్రానికి వెళ్లే మార్గానికి నూతన శోభ చేకూర్చారన్నారు. దేవదాయశాఖ కమిషనర్‌, కలెక్టర్‌, దేవస్థానం ఈవోను అభినందించారు. రెండు తెలుగు రాష్ట్రాలూ ఈ ఏడాది ఆర్థికంగా, ఆయా రాష్ట్ర ప్రజలు ఆరోగ్యకరంగా, అన్నిరకాలుగా బాగుండాలని స్వామిని కోరుకున్నానని తెలిపారు.
TV
