బంగ్లాదేశ్‌ అరుదైన రికార్డు.. 17 ఏళ్ల టీ20 వరల్డ్‌కప్‌ హిస్టరీలోనే | Bangladesh successfully defend lowest-total in T20 World Cup history | Sakshi
Sakshi News home page

T20 WC: బంగ్లాదేశ్‌ అరుదైన రికార్డు.. 17 ఏళ్ల టీ20 వరల్డ్‌కప్‌ హిస్టరీలోనే

Published Mon, Jun 17 2024 11:25 AM | Last Updated on Mon, Jun 17 2024 1:43 PM

Bangladesh successfully defend lowest-total in T20 World Cup history

టీ20 వరల్డ్‌కప్‌-2024లో బంగ్లాదేశ్‌ సూపర్‌-8కి చేరింది. సెయింట్‌ లూసియా వేదికగా సోమవారం నేపాల్‌తో జరిగిన మ్యాచ్‌లో 21 పరుగుల తేడాతో ఘన విజయం సాధించిన బంగ్లాదేశ్‌.. తమ సూపర్‌-8 బెర్త్‌ ఖారారు చేసుకుంది. 

ఈ మ్యాచ్‌లో బంగ్లా బౌలర్లు అద్బుతమైన ప్రదర్శన కనబరిచారు. 107 పరుగుల స్వల్ప లక్ష్యాన్ని బంగ్లాదేశ్‌ బౌలర్లు కాపాడుకున్నారు. బంగ్లా బౌలర్ల దాటికి నేపాల్‌ 85 పరుగులకే కుప్పకూలింది. 

బంగ్లా యువ పేసర్‌ టాంజిమ్‌ హసన్‌ షకీబ్‌ 4 వికెట్లతో నేపాల్‌ పతనాన్ని శాసించాడు. అతడితో పాటు ముస్తఫిజుర్‌ రెహ్మన్‌ 3 వికెట్లు, షకీబ్‌ అల్‌ హసన్‌ రెండు వికెట్లు పడగొట్టారు.

బంగ్లాదేశ్‌ అరుదైన రికార్డు..
ఈ క్రమంలో బంగ్లాదేశ్‌ ఓ అరుదైన రికార్డును తమ ఖాతాలో వేసుకుంది. 17 ఏళ్ల టీ20 వరల్డ్‌కప్‌ హిస్టరీలోనే అత్యల్ప  అత్యల్ప స్కోర్‌ను డిఫెండ్‌ చేసుకున్న జట్టుగా బంగ్లాదేశ్‌ రికార్డులకెక్కింది. ఇప్పటివరకు ఈ రికార్డు దక్షిణాఫ్రికా పేరిట ఉండేది. 

ఈ ఏడాది టీ20 ప్రపంచకప్‌లో బంగ్లాదేశ్‌తో జరిగిన మ్యాచ్‌లో దక్షిణాఫ్రికా 113 పరుగుల మొత్తాన్ని డిఫెండ్‌ చేసింది. తాజా మ్యాచ్‌లో 106 పరుగుల టోటల్‌ను కాపాడుకున్న బంగ్లాదేశ్‌.. సఫారీల రికార్డును బ్రేక్‌ చేసింది.

No comments yet. Be the first to comment!
Add a comment
Advertisement
 
Advertisement
 
Advertisement