BAN Vs SL: శ్రీలంకపై బంగ్లాదేశ్‌ ఘన విజయం

BAN Vs SL Bangladesh Beats Sri Lanka In 1st ODI By 33 Runs - Sakshi

ప్లేయర్‌ ఆఫ్‌ ది మ్యాచ్‌: ముష్ఫికర్‌ రహీమ్‌

ఢాకా: శ్రీలంకతో జరిగిన తొలి వన్డేలో బంగ్లాదేశ్‌ 33 పరుగుల తేడాతో గెలిచి మూడు మ్యాచ్‌ల సిరీస్‌లో 1–0తో ఆధిక్యంలోకి వెళ్లింది. తొలుత బ్యాటింగ్‌కు దిగిన బంగ్లాదేశ్‌ 50 ఓవర్లలో 6 వికెట్లకు 257 పరుగులు చేసింది. ముష్ఫికర్‌ రహీమ్‌ (84; 4 ఫోర్లు, సిక్స్‌), మహ్ముదుల్లా (54; 2 ఫోర్లు, సిక్స్‌), తమీమ్‌ ఇక్బాల్‌ (52; 6 ఫోర్లు, సిక్స్‌) అర్ధ సెంచరీలు సాధించారు. అనంతరం శ్రీలంక 48.1 ఓవర్లలో 224 పరుగులకు ఆలౌటైంది. బంగ్లాదేశ్‌ బౌలర్లలో మిరాజ్‌ (4/30), ముస్తఫిజుర్‌ (3/34) లంకను దెబ్బతీశారు.

ఇక అద్భుత ఇన్నింగ్స్‌తో ఆకట్టుకున్న ముష్ఫికర్‌ రహీమ్‌ ప్లేయర్‌ ఆఫ్‌ ది మ్యాచ్‌గా నిలిచాడు. ఈ సందర్భంగా అతడు మాట్లాడుతూ.. ‘‘ఇదేమీ అంత ఈజీ వికెట్‌ కాదు. ఆరంభంలోనే రెండు వికెట్లు కోల్పోయాం. అయితే, మేం నిలదొక్కుకున్నాం. తమీమ్‌, రియాద్‌ కూడా అద్భుతంగా బ్యాటింగ్‌ చేశారు. ఇక నా విషయానికి వస్తే.. భారీ షాట్లు ఆడేందుకు నేనేమీ పొలార్డ్‌ లేదా రస్సెల్‌ను కాదు. నా బలాలు ఏంటో నాకు తెలుసు. ముఖ్యంగా వికెట్‌ కాపాడుకుంటూ, పరుగులు రాబట్టాలని ఆలోచించాను. అదే చేశాను. నిజంగా ఇదొక మంచి  గేమ్‌. మిరాజ్‌, ముస్తఫిజుర్‌, సైఫుద్దీన్‌ కూడా రాణించారు’’ అని హర్షం వ్యక్తం చేశాడు.

(ఫొటో గ్యాలరీ కోసం ఇక్కడ క్లిక్ చేయండి)

చదవండి: అతని శతక దాహం ఇంగ్లండ్‌ పర్యటనలో తీరుతుంది..

Read latest Sports News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top