రైల్లో మొబైల్‌ చోరీకి యత్నించిన దొంగ.. తర్వాత ఏం జరిగిందంటే? | Thief Dangles From Moving train window after Failed Robbery attempt | Sakshi
Sakshi News home page

రైల్లో మొబైల్‌ చోరీకి యత్నించిన దొంగ.. తర్వాత ఏం జరిగిందంటే?

Published Wed, Jan 17 2024 7:31 PM | Last Updated on Wed, Jan 17 2024 8:19 PM

Thief Dangles From Moving train window after Failed Robbery attempt - Sakshi

బిహార్‌లో విచిత్ర సన్నివేశం చోటుచేసుకుంది. కదులుతున్న రైలులోని ప్రయాణికుడి నుంచి మొబైల్‌ చోరీ చేసేందుకు చేసిన ఓ దొంగ ప్రయత్నం బెడిసి కొట్టింది. సెల్‌ఫోన్‌  కొట్టేయడాన్ని గమనించిన ప్రయాణికుడు దొంగ చేతిని గట్టిగా పట్టుకోవడంతో సీన్‌ రివర్స్‌ అయ్యింది. బిహార్‌లోని భాగల్‌పూర్‌లో జరిగిన ఈ ఘటనకు సంబంధించిన వీడియో సోషల్‌ మీడియాలో వైరల్‌గా మారింది. 

భాగల్‌పూర్‌ స్టేషన్‌ దాటిన తర్వాత రైల్లోని మహిళా ప్రయాణికురాలి నుంచి  మొబైల్‌ ఫోన్‌ లాక్కోవడానికి బయట ఉన్న ఓ దొంగ యత్నించాడు. అయితే అప్రమత్తమైన సదరు ప్రయాణికురాలు దొంగ చేతిని గట్టిగా పట్టుకుంది. ఆ రైలులోని మరి కొందరు ప్రయాణికులు కూడా ఆమెకు సహకరించారు. దీంతో కదులుతున్న రైలు కిటికీ నుంచి ఆ దొంగ ప్రమాదకరంగా వేలాడాడు. దాదాపు కిలోమీటర్‌ వరకు అలాగే ప్రయాణించాడు.

అయితే ఆ స్టేషన్‌లోని కొందరు వ్యక్తులు దీనిని గమనించారు. కదులుతున్న రైలు వెంబడి వారు పరుగెత్తారు. రైలు కిటికీ నుంచి బయటకు ప్రమాదకరంగా వేలాడిన ఆ దొంగను చివరకు రక్షించారు. దీన్నంతా తోటి ప్రయాణికులు వీడియో తీయగా.. ఈ ఫుటేజీ సోషల్ మీడియాలో వైరల్‌గా మారింది. ఇదిలా ఉండగా గతంలో కూడా రైలు కిటికీలోంచి మొబైల్‌ దొంగలించబోయి అడ్డంగా బుక్కైన సంఘటనలు జరిగిన సంగతి తెలిసిందే.

No comments yet. Be the first to comment!
Add a comment
Advertisement
 
Advertisement
 
Advertisement