Rithu Chowdary: నా కారులోనే నాన్న చివరి ఊపిరి.. ఇన్నాళ్లకు ఆయన కల నెరవేర్చా

జబర్దస్త్‌ కామెడీ షోలో చలాకీగా కనిపించే నటి రీతూ చౌదరి తాజాగా తన సొంతింటి కల సాకారం చేసుకుంది. ఈ మేరకు తన యూట్యూబ్‌ ఛానల్‌లో స్పెషల్‌ వీడియో రిలీజ్‌ చేసింది. తన తల్లిదండ్రులకు సొంతింటి కల ఉండేదని ఇప్పుడు దాన్ని నిజం చేశానని చెప్పింది. అలాగే తన పేరెంట్స్‌ పెళ్లిరోజని, తండ్రికి వేడుకలంటే ఇష్టమంటూ అమ్మతో కేక్‌ కట్‌ చేయించింది.

ఆ మరుసటి రోజు తన తొలి సంపాదనతో కొనుక్కున్న కారులో రిజిస్ట్రేషన్‌ ఆఫీస్‌కు వెళ్లింది. అక్కడ ఇంటికి సంబంధించిన పత్రాలపై సంతకం చేసి పనులు పూర్తి చేసుకుంది. ఈ సందర్భంగా ఆమె కారులో కూర్చుని ఎమోషనల్‌ అయింది. 'మా నాన్న ఈ కారులోనే తుదిశ్వాస విడిచాడు. ఇప్పుడు కూడా నాన్న మా వెనకాల సీటులోనే ఉన్నాడనిపిస్తోంది. నేనెప్పుడూ అలాగే ఫీలవుతాను. మా నాన్న లేకపోయినా ఆయన కల నెరవేర్చాను' అంటూ భావోద్వేగానికి లోనైంది.

ఈ వీడియో యూట్యూబ్‌లో వైరల్‌ అవుతుండగా అభిమానులు రీతూ చౌదరికి శుభాకాంక్షలు చెప్తున్నారు. కొత్త ఇల్లు కొన్నందుకు కంగ్రాట్స్‌, అమ్మను బాగా చూసుకో, గుడ్‌ లక్‌ అంటూ కామెంట్లు చేస్తున్నారు.

చదవండి: అమ్మ చనిపోయేముందు ఆ పని చేయమంది, కానీ నేనే: వనితా