నా సర్వస్వం నువ్వే.. లవ్‌ యూ రానా: మిహికా

Miheeka Bajaj Adorable Post For Husband Rana Daggubati - Sakshi

భర్తతో కలిసి ఉన్న ఫొటోలు షేర్‌ చేసిన మిహికా బజాజ్‌

‘‘నా ప్రేమ, నా జీవితం, నా హృదయం, నా ఆత్మ! నా సర్వస్వం నువ్వే. నేనెప్పుడూ కలలో కూడా ఇది ఊహించలేదు!! నన్ను మరింత మెరుగైన వ్యక్తిగా మలిచావు. ఐ లవ్‌ యూ!’’ అంటూ మిహికా బజాజ్‌ తన భర్త రానా దగ్గుబాటిపై ప్రేమను చాటుకున్నారు. తమ వివాహ వేడుకకు సంబంధించిన ఫొటోలు షేర్‌ చేస్తూ ఈ మేరకు భావోద్వేగ క్యాప్షన్‌ జతచేశారు. కాగా ప్రేమజంట రానా- మిహికాల పెళ్లి గత శనివారం హైదరాబాద్‌లో జరిగిన సంగతి తెలిసిందే. ఇరు కుటుంబాలు, అతికొద్ది మంది సన్నిహితుల సమక్షంలో వైభవోపేతంగా ఈ శుభకార్యాన్ని నిర్వహించారు. ఇందుకు సంబంధించిన ఫొటోలను నవ వధువు మిహికా తాజాగా తన ఇన్‌స్టా అకౌంట్‌లో షేర్‌ చేశారు. (కుటుంబంలోకి స్వాగతం మిహికా: సమంత)

భర్త రానా, సోదరుడు సమర్థ్‌ బజాజ్‌తో పాటు తల్లిదండ్రులతో తనకు ఉన్న అనుబంధాన్ని ప్రతిబింబించేలా ఉన్న కొన్ని మూమెంట్స్‌ను అభిమానులతో పంచుకున్నారు. ఈ క్రమంలో మరోసారి రానా- మిహికాల పెళ్లి ఫొటోలు సోషల్‌ మీడియాలో వైరల్‌ అవుతున్నాయి. కాగా రామానాయుడు స్టూడియోలో వివాహం జరిగిన అనంతరం నవ దంపతులు వ్రతం ఆచరించిన సంగతి తెలిసిందే. ఇక ఈ కార్యక్రమంలో సెలబ్రిటీ కపుల్‌, రానా కజిన్‌ నాగచైతన్య- సమంత దంపతులు చేసిన సందడి గురించి ప్రత్యేకంగా చెప్పాల్సిన పనిలేదు. కొత్తజంటతో పాటు వారికి సంబంధించిన ప్రతీ వేడుకలోనూ చై-సామ్‌లు ప్రత్యేక ఆకర్షణగా నిలిచారు.(రానా పెళ్లిలో చైతూ చిలిపి ప‌ని)


డాడీస్‌ గర్ల్‌ మిహికా

Read latest Movies News and Telugu News | Follow us on FaceBook, Twitter, Telegram

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top