యువతికి వేధింపులు.. ఆ ఫోటోలు కాబోయే భర్తకు పంపుతానంటూ..

ప్రతీకాత్మక చిత్రం

అమీర్‌పేట(హైదరాబాద్‌): పెళ్లి చేసుకుంటానని నమ్మించి మోసం చేయడంతో, వేరే వ్యక్తిని పెళ్లి చేసుకోవాలని నిర్ణయించుకున్న యువతిని బ్లాక్‌ మెయిల్‌ చేస్తున్న యువకుడిపై ఎస్‌ఆర్‌నగర్‌ పోలీసులు కేసు నమోదు చేశారు. ఇన్‌స్పెక్టర్‌ సైదులు వివరాల ప్రకారం.. అమీర్‌పేటకు చెందిన నాగ అభినయ్‌ అనే వ్యక్తికి మధురానగర్‌లో ఉండే ఓ యువతితో ఏర్పడిన పరిచయం ప్రేమగా మారింది.

పెళ్లి చేసుకుంటానని నమ్మించి ఆమెతో ఉండేవాడు.పెళ్లి ప్రస్తావన తేవడంతో నిరాకరించాడు. ఈ క్రమంలో గత నెలలో మరో వ్యక్తితో యువతికి పరిచయం ఏర్పడడం, కుటుంబ సభ్యులు పెళ్లికి అంగీకరించి నిశ్ఛితార్థం కూడా చేశారు. విషయం తెలుసుకున్న అభినయ్‌ యువతిని బ్లాక్‌ మెయిల్‌ చేస్తూ వస్తున్నాడు. ఇద్దరం కలిసి ఉన్న ఫొటోలను కాబోయే భర్తకు పంపుతానని వేధింపులకు పాల్పడడంతో బాధితురాలు పోలీసులకు ఫిర్యాదు చేసింది.
చదవండి: ‘జిలేబీ బాబా’ లీలలు.. ఏకంగా 120 మందిపై అకృత్యాలు.. అంతటితో ఆగకుండా..