కావాలనుకుని... ఆపై కాదనుకుని... అన్నీ అయిపోయాక ఏదో జరిగిపోయిందని బాధపడుతోంది హాలీవుడ్ కలల రాణి జెన్నిఫర్ లోపెజ్. ఇప్పటి వరకూ తాను ‘రాంగ్ గైస్’తోనే సహజీవనం చేశానని తెగ మథనపడిపోతోంది. నలభై ఐదేళ్ల తన జీవితంలో ఎన్నో ఒడిదుడుకులు ఎదుర్కొన్నానంది. ‘నేను ఓ మంచి గాళ్‌ఫ్రెండ్‌గా, ఒకరికి భార్యగా చేయాల్సినవన్నీ చేశాను. అయినా నాకు ఎదురైన మగవాళ్లందరూ తప్పుడు మనుషులే’ అంటూ వాపోయింది.
 
 గత ఏడాది వచ్చిన లోపెజ్ జ్ఞాపకాల ‘ట్రూ లవ్’లో ఆవేదనంతా వెళ్లగక్కింది ఈ సూపర్ సింగర్. మార్క్ యాంథోనీతో విడాకుల ఎపిసోడ్, వేధింపుల జీవితం... సహజీవనం, సంసారంలో అనురాగమే లేక ఎంతగా మనోవేదన అనుభవించిందీ గుర్తు చేసుకుంది జెన్నిఫర్.