సాయికుమార్‌, ఆదిత్యా ఓం, ఐశ్వర్య, రాజీవ్‌ కనకాల, శ్రీనివాస్‌ సాయి, దీపాలి రాజపుత్‌ ప్రధాన పాత్రధారులుగా శాంతి కుమార్‌ తూర్లపాటి ('జబర్దస్త్' ఫేమ్) దర్శకత్వంలో ప్రశాంత్‌ టంగుటూరి నిర్మిస్తున్న చిత్రం 'నాతో నేను'. ఇటీవల ఈ చిత్రం నుంచి విడుదల చేసిన పాటలు శ్రోతలను అలరిస్తున్నారు. ఈ నెల 21న ఈ చిత్రం గ్రాండ్‌గా విడుదల కానుంది. తాజాగా ఈ చిత్ర ట్రైలర్‌ను అగ్ర నిర్మాత దిల్‌ రాజు విడుదల చేశారు.  (ఇదీ చదవండి: రిలీజ్‌కి ముందే 'సలార్' మరో రికార్డ్) ట్రైలర్ రిలీజ్ తర్వాత మాట్లాడిన దిల్‌రాజు.. ''నాతో నేను' ట్రైలర్‌ విడుదల చేయడం ఆనందంగా ఉంది. ట్రైలర్‌లో ట్రయాంగిల్‌ ఎమోషన్స్‌ చూపించారు. చాలా బావుంది. సాయికుమార్‌ నటన గురించి అందరికీ తెలిసిందే. ఆయనతోపాటు ఆర్టిస్టులు అద్భుతంగా నటించారు. టీమ్‌కి ఆల్‌ ద బెస్ట్‌' అని అన్నారు.  శాంతికుమార్‌ మాట్లాడుతూ 'జబర్దస్త్‌ కమెడియన్‌గా ప్రేక్షకులు నన్ను ఆదరించారు. ఇప్పుడు ఇంకో అడుగు ముందుకేసి దర్శకుడిగా తొలి ప్రయత్నం చేశాను. కథ, మాటలు, పాటలు  నేనే రాసుకుని చక్కని నిర్మాతల సహకారంతో ఈ సినిమా పూర్తి చేశాం. ప్రేమ, భావోద్వేగం అన్ని ఉన్న చిత్రమిది' అని అన్నారు.  (ఇదీ చదవండి: 'బేబీ' సినిమా.. ఆ దర్శకుడి రియల్ ప్రేమకథేనా?)


 కాజీపేట రూరల్‌ : మహానేత దివంగత ముఖ్యమంత్రి వైఎస్‌.రాజశేఖరరెడ్డి వర్ధంతిని శుక్రవా రం ఘనంగా నిర్వహించాలని వైఎస్సార్‌ సీపీ జిల్లా అధ్యక్షుడు నాడెం శాంతికుమార్‌ పిలుపునిచ్చారు. హన్మకొండలోని పార్టీ కార్యాలయం లో బుధవారం జరిగిన సమావేశంలో ఆయన మాట్లాడారు. వైఎస్సార్‌ వర్ధంతి సందర్భంగా నాయకులు సేవా కార్యక్రమాలు చేపట్టాలని సూచించారు. సమావేశంలో వైఎస్సార్‌ సీపీ యువజన విభాగం జిల్లా అధ్యక్షుడు అప్పం కిషన్, జిల్లా ప్రధాన కార్యదర్శి దోపతి సుదర్శన్‌రెడ్డి, ఎస్సీ సెల్‌ జిల్లా అధ్యక్షుడు బొచ్చు రవి, నాయకులు చందా హరికృష్ణ, పి.ప్రభాకర్, ముజఫరుద్దీన్‌ ఖాన్, పి.సంపత్, సంతో ష్, కమలాకర్, రాజేష్‌రెడ్డి పాల్గొన్నారు.