దాదాపు పదేళ్లకుగా పెండింగ్‌లో ఉన్న రామగుండం–మణుగూరు కొత్త రైల్వే లైన్ నిర్మాణానికి కేంద్ర రైల్వే శాఖ నుంచి ఇన్-ప్రిన్సిపల్ అప్రూవల్ (సూత్రప్రాయ ఆమోదం) లభించింది. ఎంపీ గడ్డం వంశీకృష్ణ పోరాట ఫలితంగానే రైల్వే సమస్యలు ఒక్కొక్కటిగా పరిష్కారం అవుతున్నాయని పెద్దపల్లి ప్రజలు హర్షం వ్యక్తం చేస్తున్నారు. ఎంతో ప్రతిష్టాత్మక ప్రాజెక్ట్‌కు సంబంధించిన డీటెయిల్డ్ ప్రాజెక్ట్ రిపోర్ట్ (DPR) ఇప్పటికే సిద్ధమైందని, సుమారు రూ. 4వేల కోట్ల వ్యయంతో ఈ కొత్త రైల్వే మార్గాన్ని త్వరలో ప్రారంభించేందుకు రైల్వే శాఖ ముందుకు రావడం చారిత్రక పరిణామం అంటూ ఎంపీ వంశీకృష్ణ పేర్కొన్నారు. ఈ రైల్వే లైన్ సింగరేణి కార్మికులకు, సింగరేణి ప్రాంత ప్రజలకు,బొగ్గు రవాణాకు ఎంతో ఉపయోగపడటమే కాకుండా ప్రయాణ సౌకర్యాలు మెరుగుపడతాయన్నారు. దేశంలోనే అతిపెద్ద పండగ అయిన సమ్మక్క సారక్క జాతర కు వెళ్ళే వేలాదిమంది ప్రయాణికులకు ఈ రైల్వే లైన్ గొప్ప అవకాశం కానుందన్నారు. దీంతో మంథని,మేడారం భక్తులకు ప్రత్యేక కనెక్టివిటీ పెరుగుతుందని తెలిపారు. గత పదేళ్లలో వెనుకబడిన పెద్దపల్లి పార్లమెంట్ నియోజకవర్గాన్ని అభివృద్ధి చేయాలనే లక్ష్యంలో భాగంగానే తాను ఈ ప్రాజెక్ట్‌పై దృష్టి పెట్టానని ఎంపీ వంశీకృష్ణ తెలిపారు


 - రూ. 2.80 లక్షలు స్వాధీనం
  
 మణుగూరు: భద్రాద్రి కొత్తగూడెం జిల్లా మణుగూరు పోలీసులు మావోయిస్టులకు కొరియర్‌గా పనిచేస్తున్నఓ వ్యక్తిని అరెస్టు చేశారు. సీఐ మొగిలి, ఎస్ఐ నరహరిలు తమ సిబ్బందితో ఈ ఉదయం వానాలను తనిఖీ చేస్తున్నారు. ఈ ​సందర్భంగా బైక్‌పై అనుమానాస్పదంగా వెళ్తున్న వ్యక్తిని ఆపి తనిఖీ చేశారు. అతడిని మావోయిస్టులకు కొరియర్‌గా పనిచేస్తున్న బర్లా సురేశ్ కుమార్‌గా గుర్తించారు. అతడిని అరెస్టు చేసి రూ. 2,80,000 నగదు, బైక్‌ను, సెల్‌ఫోన్‌ను స్వాధీనం చేసుకున్నారు.


 మణుగూరు: ఖమ్మం జిల్లా మణుగూరు మండలం సమితిసింగారం పంచాయతీలోని జంగాలగుంప ప్రాంతంలో మంగళవారం ఉదయం ఓ కొండచిలువ కలకలం సృష్టించింది. గ్రామానికి చెందిన ఓ వ్యక్తి ఇంటి ఆవరణలోని చెట్ల పొదల్లో కొండ చిలువ ప్రత్యక్షమైంది. కొండచిలువను చూసిన స్థానికలు దానిని చంపేశారు. కొండచిలువ దాడిచేసి మొత్తం 4 కోళ్లు, 2 బాతులను మింగింది.


 మణుగూరు: ఖమ్మం జిల్లా మణుగూరు మండలం చిన్నరాయిగూడెంలో అరుగురు అనుమానిత వ్యక్తులను పోలీసులు గురువారం రాత్రి అదుపులోకి తీసుకున్నారు. రథం గుట్ట సమీపం నుంచి ఆటోలో వస్తుండగా పోలీసులు అదుపులోకి తీసుకుని విచారిస్తున్నారు. వీరిలో ఖమ్మం జిల్లాతోపాటు వరంగల్, కరీంనగర్ జిల్లాలకు చెందిన వారు ఉన్నారు. గుప్త నిధుల తవ్వకాల కోసం వచ్చినట్టు పోలీసులు అనుమానిస్తున్నారు.