Kim Jung Nam

కిమ్‌ జోంగ్‌ ఈ పేరు వింటే చాలు ప్రపంచం మెుత్తం ఒక్కసారిగా సైలంట్‌ అవుతుంది. తన తల బిరుసు వేషాలతో ప్రపంచ దేశాల్ని ఇబ్బంది పెడుతున్న ట్రంప్‌ సైతం కిమ్‌ మామ పేరు చెబితే ఒక అడుగు వెనకకు వేస్తారంటే ఆయన పవరేంటో అర్థం చేసుకోవచ్చు.. అయితే ఈ నియంత ఆరోగ్యం సరిగ్గా లేదంటూ.. ప్రాణాపాయ స్థితిలో ఉన్నారంటూ ఈ మధ్య చాలా వార్తలు వచ్చాయి. దీంతో ప్రపంచం మెుత్తం ఆశ్చర్యపోయింది. ఈ నేపథ్యంలో కిమ్‌ ఆరోగ్యానికి సంబంధించి ఉత్తర కొరియా ప్రభుత్వం కీలక వీడియో విడుదల చేసింది.ఉత్తర కొరియా అధినేత కిమ్ జోంగ్ ఉన్ కు సంబంధించిన ఆ వీడియోలో ఆయన ఒక కార్యక్రమానికి హాజరైనట్లు ఉంది. ఆ కార్యక్రమం దుస్తులు, పాదరక్షలకు సంబంధించినదిగా తెలిపింది. దానికి సంబంధించిన ఫొటోలను తాజాగా విడుదల చేసింది. సోమవారం (అక్టోబర్ 19) తన కుమార్తెతో కలిసి కిమ్ ఈ ప్రదర్శనను సందర్శించినట్లు తెలిపింది. కాగా ఆయనకు తీవ్రమైన మెదడు రక్తస్రావం జరిగిందని, కోమాలోకి వెళ్లారని, చివరకు మరణించారని సామాజిక మాధ్యమాల్లో నిర్ధారణలేని ప్రచారం జరుగుతున్న నేపథ్యంలో ఈ ఫొటోలు వెలుగులోకి వచ్చాయి.ఆ ఫొటోల్లో ఏముంది?ఉత్తర కొరియా ప్రభుత్వ మీడియా విడుదల చేసిన ఫొటోల్లో కిమ్ జోంగ్ ఉన్ తన కుమార్తె కిమ్ జు ఏ, భార్య రి సోల్ జుతో కలిసి కనిపించారు. ప్యాంగ్యాంగ్‌లో నిర్వహించిన 2026 జాతీయ దుస్తులు, పాదరక్షల ప్రదర్శనను ఆయన సందర్శించారు. ప్రదర్శనలో ఉంచిన ఉత్పత్తులను పరిశీలిస్తూ, అధికారులతో మాట్లాడుతున్న దృశ్యాలు ఫొటోల్లో ఉన్నాయి.అయితే, ఈ ఫొటోలను స్వతంత్రంగా ధ్రువీకరించే అవకాశం లేదని వాటితోపాటు ఇచ్చిన వివరణలో పేర్కొన్నారు. చిత్రాల్లో చూపించిన కార్యక్రమాన్ని కవర్ చేసేందుకు స్వతంత్ర పాత్రికేయులకు అనుమతి ఇవ్వలేదు. ఉత్తర కొరియా ప్రభుత్వ మీడియా విడుదల చేసిన చిత్రాలనే వార్తా సంస్థలు ఉపయోగించాయి. ఫొటోపై కనిపించే కొరియన్ భాషలోని వాటర్‌మార్క్‌ ‘కేసీఎన్‌ఏ’ అంటే కొరియన్ సెంట్రల్ న్యూస్ ఏజెన్సీ అని అర్థం.ఈ ప్రదర్శనలో దేశవ్యాప్తంగా ఉన్న కర్మాగారాల్లో తయారైన 70,700కు పైగా దుస్తులు, 1,70,000కు పైగా జతల పాదరక్షలను ప్రదర్శించారు. ప్రధాన నగరాలకే కాకుండా ప్రాంతీయ ప్రాంతాలకు కూడా అభివృద్ధి ఫలాలు అందించాలనే లక్ష్యంతో కిమ్ అమలు చేస్తున్న ప్రాంతీయ అభివృద్ధి విధానంలో భాగంగా ఈ ఉత్పత్తులను తయారు చేసినట్లు అధికారిక కథనంలో పేర్కొన్నారు. ఉత్పత్తిని పెంచడంతోపాటు ప్రజల జీవన ప్రమాణాలను మెరుగుపరచడం ఈ విధానం లక్ష్యమని వెల్లడించారు.కిమ్ ఆరోగ్యంపై పుకార్లుకిమ్ ఆరోగ్య పరిస్థితిపై సామాజిక మాధ్యమాల్లో ఊహాగానాలు పెరిగిన నేపథ్యంలో తాజాగా విడుదలైన ఫొటోలు ప్రాధాన్యం సంతరించుకున్నాయి. ఆయనకు తీవ్రమైన మెదడు రక్తస్రావం జరిగిందని, కోమాలోకి వెళ్లారని, అత్యవసర వైద్యం కోసం బీజింగ్‌కు తరలించారని కొన్ని పోస్టులు ప్రచారం చేశాయి.కిమ్ మరణిస్తే ఉత్తర కొరియాకు తదుపరి నాయకుడు ఎవరు అవుతారనే ప్రశ్నలను కూడా కొందరు సామాజిక మాధ్యమ వినియోగదారులు లేవనెత్తారు. భవిష్యత్తులో నాయకత్వ మార్పు జరిగితే ఆయన కుమార్తె కిమ్ జు ఏ లేదా సోదరి కిమ్ యో జోంగ్ కీలక పాత్ర పోషించే అవకాశం ఉందంటూ ఊహాగానాలు చేశారు. ఈ ఊహాగానాల నడుమ పుకార్లుకు చెక్‌ పెడుతూ కీలక వీడియో విడుదల చేసింది. ఇదీ చదవండి: అమెరికాలో ఫేక్‌ ప్రచారంBREAKING: North Korean state media has released new images of Kim Jong Un after viral rumors claimed he had died from a brain hemorrhage. https://t.co/dHuTTvdzYs— Current Report (@Currentreport1) October 20, 2026

కౌల లంపూర్‌ : ఉత్తర కొరియా నియంతాధ్యక్షుడు కిమ్‌ జంగ్‌ ఉన్‌ సోదరుడి హత్య కేసులో నిందితులను కౌల లంపూర్‌ పోలీసులు షా అలం కోర్టులో ప్రవేశపెట్టారు.  కిమ్‌ జంగ్‌ నామ్‌ను హత్యకు సంబంధించి ఎయిర్‌ పోర్టులో లభించిన పుటేజీ ఆధారంగా ఇండోనేషియా, వియత్నాంలకు చెందిన ఇద్దరు మహిళలపై, నలుగురు పురుషులపై మలేషియా పోలీసులు ఆరోపణలు నమోదు చేశారు. సిటి ఐషా, డోన్‌ తి రియాల్టీ షో అంటూ ఫ్రాంక్ వీడియో పేరిట నామ్‌పై దాడి చేశారంటూ డిఫెన్స్‌ న్యాయవాది వాదించారు. ఇక వీరితో మాట్లాడిన వారు ఉత్తర కొరియా వాసులేనన్న విషయం అధికారులు ధృవీకరించారు.  అందులో ముగ్గురు వ్యక్తులు ఘటన జరిగిన గంట తర్వాత ఉత్తర కొరియా దౌత్యవేత్త, ఎయిర్ కోర్యో అధికారులతో మాట్లాడటం కూడా రికార్డు అయ్యింది. కిమ్‌ కుట్రగా అభివర్ణిస్తున్న ఆ వీడియోను కోర్టు హాల్లో మొత్తం ప్రదర్శించారు. కిమ్‌ పాలనను తప్పు బట్టిన ఆయన సోదరుడు నామ్‌, తర్వాత మకావ్‌కు శరణార్థిగా వెళ్లాడు. ఫిబ్రవరి 13న కిమ్‌ జంగ్‌ నామ్‌ను రసాయన ఆయుధం వీఎక్స్‌ తో కొందరు దుండగులు మలేషియన్‌ ఎయిర్‌పోర్టులో హతమార్చిన విషయం తెలిసిందే.  అయితే ఆ ఆరోపణలను ఖండించిన ఉత్తర కొరియా.. అప్పటి నుంచి మలేషియాతో దౌత్య సంబంధాలను తెంచేసుకుంది. నామ్ శవం అప్పగింత విషయంలో కూడా ఇరు దేశాల మధ్య ఉద్రిక్త పరిస్థితులు తలెత్తాయ్‌ కూడా.

సాక్షి : ఉత్తర కొరియా నియంతాధ్యక్షుడు కిమ్‌ జంగ్‌ ఉన్‌ అధికారన్ని మరింత బలపరుచుకునే విధంగా అడుగులు వేయబోతున్నాడు. 28 ఏళ్ల తన సోదరి కిమ్‌ జోంగ్‌కు కీలక బాధ్యతలు అప్పజెప్పబోతున్నాడని సమాచారం. తద్వారా కీలక నిర్ణయాలు తీసుకోవటంతోపాటు.. అధికారాన్ని కుటుంబ సభ్యుల చేతుల్లోనే ఉంచాలని భావిస్తున్నాడని స్పష్టమౌతోంది. ప్యోంగ్‌ యాంగ్‌లో శనివారం నిర్వహించిన పార్టీ సర్వసభ్య సమావేశంలో అమెరికా బెదిరింపులతోపాటు జోంగ్‌కు బాధ్యతలు అప్పజెప్పే విషయంపై కూడా చర్చించినట్లు అధికారిక మీడియా సంస్థ కొరియన్‌ సెంట్రల్‌ న్యూస్‌ ఏజెన్సీ పేర్కొంది. ప్రస్తుత పరిస్థితుల్లో కీలక పాలనా విభాగాన్ని విస్తరించాల్సిన అవసరం ఉందన్న అభిప్రాయాన్ని కిమ్‌ సమావేశంలో వ్యక్తం చేశాడంట. ఈ మేరకు పార్టీ కేంద్ర కమిటీ పొలిట్‌ బ్యూరోలో ఆరుగురు అధికారులతోపాటు జోంగ్‌కు కూడా స్థానం కల్పించబోతున్నట్లు కిమ్‌ సూచన ప్రాయంగా చెప్పాడని ఈ కథనం సారాంశం. మానవ హక్కుల ఉల్లంఘన కింద ఆమెపై కూడా అమెరికా ఆంక్షలు విధించింది. కరడుగట్టిన నియంతగా పేరొందిన కిమ్‌ తన చెల్లెలికి కీలక బాధ్యతలు అప్పజెప్పటం సర్వత్రా చర్చనీయాంశంగా మారింది.కిమ్‌ జంగ్ ఉన్, కిమ్‌ యో జోంగ్‌లు ఒకే తల్లికి జన్మించారు. తన పక్కన ఉండే అధికారులతోసహా ఎవరినీ నమ్మని కిమ్‌.. జోంగ్‌ను మాత్రం బాగా నమ్ముతాడని చెబుతుంటారు. అన్నతోపాటు తరచూ అధికారిక కార్యక్రమాల్లో పాల్గొంటూ ఆమె ఎప్పటికప్పుడు వార్తల్లో నిలుస్తుంటుంది కూడా.  ఈ యేడాది ఫిబ్రవరిలో సవతి సోదరుడు కిమ్‌ జోన్‌ నామ్‌ను మలేషియన్ ఎయిర్‌పోర్ట్‌ వద్ద అతిదారుణంగా కెమికల్ దాడి చేయించి కిమ్‌ జంగ్ చంపించిన విషయం తెలిసిందే.


 కౌలాలంపూర్‌: వీఎక్స్‌ (నర్వ్‌ ఏజెంట్‌) అనే అత్యంత ప్రమాదకర రసాయన విష ప్రయోగం వల్లనే ఉత్తర కొరియా నేత కిమ్‌ జంగ్‌ ఉన్  సవతి సోదరుడు కిమ్‌ జంగ్‌ నామ్‌ మరణించినట్లు శుక్రవారం మలేసియా పోలీసులు వెల్లడించారు. ఈ నెల 13న మకావ్‌ వెళ్లేందుకు కౌలాలంపూర్‌ విమానాశ్రయం చేరుకున్న కిమ్‌పై హఠాత్తుగా ఇద్దరు మహిళలు విషాన్ని చల్లారు. అది వాసన, రుచిలేని ఒక ప్రమాదకరమైన రసాయనమని పోలీసులు పేర్కొన్నారు.
 ఒక్క చుక్క వీఎక్స్‌ ఏజెంట్‌ బాధితుడి కేంద్ర నాడీ వ్యవస్థపై ఎంతో ప్రభావాన్ని చూపుతుందన్నారు. నామ్‌ ముఖం, కళ్లల్లో ఆ విషం తాలూకు అవశేషాలను కనుగొన్నట్లు స్పష్టం చేశారు. ఆ ఇద్దరు మహిళల్లో ఒకరు ఘటనా స్థలంలోనే వాంతులు చేసుకుని సొమ్మసిల్లిపడిపోయారని పేర్కొన్నారు.