Kick -2

న్యూఢిల్లీ: చెక్ బౌన్స్ కేసులో బాలీవుడ్ నటుడు రాజ్‌పాల్ యాదవ్‌కు సుప్రీంకోర్టులో కొంత ఊరట లభించింది. తన బకాయిల్లో భాగంగా రూ.1.15 కోట్ల డిమాండ్ డ్రాఫ్ట్‌తో బుధవారం కోర్టుకు హాజరైన ఆయన.. మిగిలిన రూ.8.5 లక్షలను చెల్లించేందుకు అక్టోబర్ 13 వరకు సమయం ఇవ్వాలని కోరారు. ఈ సందర్భంగా తనకు ఎదురైన ఆర్థిక ఇబ్బందులను వివరిస్తూ రాజ్‌పాల్ యాదవ్ భావోద్వేగానికి గురయ్యారు. ఈయన తెలుగులో ‘కిక్‌ 2’లో ‘దున్న’ పాత్రలో నటించారు.తాను దర్శకత్వం వహించిన ‘అతా పతా లాపతా’ కారణంగా భారీగా నష్టపోయానని రాజ్‌పాల్ యాదవ్ కోర్టుకు తెలిపారు. ఆ సినిమా వల్ల తనకు రూ.17 కోట్ల నష్టం వచ్చిందని, గత 13 ఏళ్లుగా సినిమా విడుదలకు సంబంధించిన వివాదాలు కొనసాగుతున్నాయని చెప్పారు. రూ.5 కోట్ల వివాదం కారణంగా తనకు సుమారు రూ.22 కోట్ల నష్టం జరిగినట్లు ఆయన పేర్కొన్నారు. తాను ఎన్నో ఏళ్లుగా ప్రజలను అలరిస్తూ వచ్చానని, కానీ ఇప్పుడు తన జీవితమే ఒక నాటకంగా మారిపోయిందని రాజ్‌పాల్ యాదవ్ ఆవేదన వ్యక్తం చేశారు. తాను దాదాపు 200 సినిమాల్లో నటించానని, తన జీవితాన్ని నాశనం చేశారని ఆరోపించారు. మళ్లీ ఇప్పుడిప్పుడే అవకాశాలు వస్తున్నాయని, రుణాన్ని తిరిగి చెల్లిస్తానని కోర్టుకు హామీ ఇచ్చారు.విచారణ సందర్భంగా సీజేఐ సూర్యకాంత్ నేతృత్వంలోని ధర్మాసనం రాజ్‌పాల్ యాదవ్ పరిస్థితిపై స్పందించింది. సినిమాలు తీయడం, వాటితో వచ్చే పరిణామాల గురించి కోర్టులో చర్చ జరిగింది. ప్రజలను అలరించే మంచి సినిమాలు చేయాలని సీజేఐ సూచించించారు. సీజేఐ సూర్యకాంత్, జస్టిస్ జయమాల్య బాగ్చీ, జస్టిస్ వి. మోహన్‌లతో కూడిన ధర్మాసనం రాజ్‌పాల్ యాదవ్‌కు రెండు వారాల గడువు ఇచ్చింది. ఈ వ్యవధిలో బకాయి మొత్తాన్ని చెల్లించేందుకు అవసరమైన ఏర్పాట్లు చేసుకోవాలని సూచించింది. ఇప్పటికే కోర్టు ఆదేశాలు జారీ చేసినప్పటికీ నిధులు సమకూర్చకపోవడంపై గత విచారణలో ధర్మాసనం అసంతృప్తి వ్యక్తం చేసింది.ఈ వ్యవహారం మురళీ ప్రాజెక్ట్స్ ప్రైవేట్ లిమిటెడ్‌కు సంబంధించిన చెక్ బౌన్స్ కేసులతో ముడిపడి ఉంది. ఈ కేసులో ఢిల్లీ హైకోర్టు రాజ్‌పాల్ యాదవ్‌ను దోషిగా నిర్ధారించి, ప్రతీ నేరానికి మూడు నెలల జైలు శిక్ష విధించింది. అయితే ఆయన శిక్షను వ్యతిరేకిస్తూ సుప్రీంకోర్టును ఆశ్రయించారు. ఫిర్యాదుదారుకు కొంత మొత్తమైనా తిరిగి అందేలా చూడటానికే తాము ఆయనకు అవకాశమిస్తున్నామని సీజేఐ గత విచారణలో పేర్కొన్నారు. గతంలో రూ.2 కోట్లు జమ చేయడానికి ఒక రోజు గడువు ఇచ్చిన కోర్టు, అదే చివరి అవకాశమని స్పష్టం చేసింది.ఇదీ చదవండి: ‘సర్‌’ సేవలో అధ్యాపకులు.. క్లాసుల్లేకుండా ‘సెమిస్టర్లా?

స్క్రిప్ట్‌ నచ్చితే ఎన్ని సినిమాలనైనా పట్టాలెక్కించేస్తుంటా అంటున్నారు బాలీవుడ్‌ భాయ్‌ సల్మాన్‌. లేటెస్ట్‌ మూవీ ‘రేస్‌ 3’ రిలీజ్‌కి రెడీగా ఉండగానే ‘భరత్‌’ షూటింగ్‌ స్టార్ట్‌ చేశారు. ఈ సినిమాలు కాకుండా ‘కిక్‌’ సీక్వెల్‌ ‘కిక్‌ 2’, ‘దబాంగ్‌ 3’ కొరియోగ్రాఫర్,డైరెక్టర్‌ రెమో డిసౌజాతో ఓ డ్యాన్స్‌ ఫిల్మ్‌ కూడా ఓకే చేశారు. వరుసగా సినిమాలు ఒప్పుకోవడం గురించి సల్మాన్‌ మాట్లాడుతూ – ‘‘ఏదైనా స్క్రిప్ట్‌ వినగానే నచ్చిందంటే చేసేస్తాను. ఫస్ట్‌ నరేషన్‌లో ఎగై్జట్‌ చే స్తే ఓకే అనేస్తాను. కథ విన్న తర్వాత రేపు చెబుతాను, ఆ తర్వాత చెబుతాను అన్నానంటే ఆ సినిమా ఎప్పటికీ పట్టాలెక్కదు. ఈ ఫేజ్‌లో నాకు నచ్చినన్ని, వీలైనన్ని ఎక్కువ సినిమాలు చేయాలని చూస్తున్నాను’’ అని పేర్కొన్నారు. ఇవే కాకుండా సంజయ్‌ లీలా భన్సాలీతో కూడా ఓ సినిమా చేయడానికి అంగీకరించారట భాయ్‌. సో.. బాక్సాఫీస్‌ మీద భాయ్‌ పాంచ్‌ పటాకా పేల్చే పనిలో ఉన్నారని అంటున్నాయి బాలీవుడ్‌ వర్గాలు.


  ‘కిక్-2’లో తన మనసుకి నచ్చిన పాత్ర చేశానని, అభిమానులందరూ ఈ పాత్ర గురించి మంచి ఫీడ్‌బ్యాక్ ఇస్తున్నారని రకుల్ ప్రీత్‌సింగ్ చెప్పారు. హైదరాబాద్‌లో ఆమె మీడియాతో ముచ్చటిస్తూ చెప్పిన విషయాలు.
  
 ► రవితేజతో వర్క్ చేయడం సూపర్బ్ ఎక్స్‌పీరియన్స్. ఆయన తెరపై ఎంత ఎనర్జిటిగ్గా ఉంటారో, బయటా అలానే ఉంటారు.  
  
 ► ఇందులో లిప్‌లాక్ సీన్ చేసేటప్పుడు చాలా నెర్వస్‌గా ఫీలయ్యాను. కథకు అవసరం కాబట్టి ఆ సీన్‌ని వల్గారిటీ లేకుండా బ్యూటిఫుల్‌గా చిత్రీకరించారు దర్శకుడు సురేందర్‌రెడ్డి.
  
 ►  హీరో కల్యాణ్‌రామ్ నిర్మించిన ఇంత భారీ బడ్జెట్ సినిమాలో నేనూ ఉన్నందుకు చాలా గర్వంగా ఫీలవుతున్నా.  కల్యాణ్‌రామ్ సరసన నటించే అవకాశం వస్తే వదులుకోను.
  
 ► ప్రస్తుతం మూడు సినిమాలతో బిజీగా ఉన్నా. ఎన్టీఆర్‌తో సుకుమార్ దర్శకత్వంలో ఒక చిత్రం, రామ్‌చరణ్‌తో శ్రీను వైట్ల డెరైక్షన్‌లో మరో సినిమా, బన్నీ-బోయపాటి కాంబినేషన్‌లో ఇంకో చిత్రం చేస్తున్నాను. ఇంకా కొత్తవేవీ కమిట్ కాలేదు.
  


  దీపం ఉండగానే ఇల్లు చక్కబెట్టుకోవాలన్న సిద్ధాంతాన్ని ‘కిక్-2’ ఫేమ్ జాక్వెలిన్ ఫెర్నాండెజ్  బాగా వంటబట్టించుకుంటున్నారు. లక్నోకి చెందిన ఓ వ్యాపారవేత్త తన కుమారుడి పెళ్లిని చాలా ఘనంగా చేయాలనుకొని ఆ వేడుకలో జాక్వెలిన్ ఆటాపాటా కావాలనుకున్నారు. జాక్వెలిన్‌ను సంప్రతిస్తే నాలుగు కోట్లకు రేట్ ఫిక్స్ చేసింది. ఇదంతా కేవలం ఆటపాటలకే. రెండు రోజుల పాటు పెళ్లి వారింట్లో సందడి చేయనున్న జాక్వెలిన్ రానూ పోనూ చార్జీలన్నీ ఈ కుటుంబానివే. సక్సెస్ వస్తే ఇలాగే ఉంటుందేమో!