లాస్‌ ఏంజెలెస్‌: అమెరికాలోని లాస్‌ ఏంజెలెస్‌ నగరంలో సరైన పత్రాలులేని వలసదారుల అరెస్ట్‌లతో మొదలైన ఆందోళనలు మరింత తీవ్రరూపం దాల్చాయి. మంగళవారం రాత్రి ఆందోళనకారులు వేల సంఖ్యలో పాల్గొని తమ ఉద్యమాన్ని మరింత ఉధృతంచేశారు. అయితే దీనిని అదునుగా చూసుకుని కొందరు దుండగులు ముసుగులు ధరించి లాస్‌ఏంజెలెస్‌ డౌన్‌టౌన్‌లో లూటీలకు తెరలేపారు. యాపిల్‌ ఐఫోన్‌ స్టోర్‌సహా పలు దుకాణాలపై దాడులు చేసి లూటీలు చేశారు. విలువైన వస్తువులను అందినకాడిని దోచుకెళ్లారు. ఉద్యమంవేళ యథేచ్ఛగా లూటీలు, విధ్వంసం జరగడంతో పోలీసులు వెంటనే రంగంలోకి దిగారు. దుకాణ సముదాయాల నుంచి పారిపోతున్న ముసుగు ధరించిన దుండగులను అరెస్ట్‌చేశారు. పలువురు ఆందోళనకారులను సైతం అరెస్ట్‌ చేసినట్లు వార్తలొచ్చాయి. దుకాణాలను యువకులు లూటీలు చేస్తున్న వీడియోలు ఇప్పుడు సామాజికమాధ్యమాల్లో వైరల్‌గా మారాయి. గత నాలుగు రోజుల్లో మొత్తంగా 23 పెద్ద వ్యాపార సముదాయాలు లూటీకి గురయ్యాయని లాస్‌ ఏంజెలెస్‌ నగర మహిళా మేయర్‌ కరెన్‌ బాస్‌ చెప్పారు. నగరంలో తాత్కాలిక కర్ఫ్యూస్థానిక కాలమానం ప్రకారం రాత్రి 8 గంటల నుంచి ఉదయం 6 గంటలదాకా పాక్షిక కర్ఫ్యూను విధిస్తున్నట్లు మేయర్‌ కరెన్‌ ప్రకటించారు. ప్రతిరోజూ ఇదే సమయానికి కర్ఫ్యూను అమలుచేయనున్నారు. ఇలా కొద్దిరోజులపాటు పాక్షిక కర్ఫ్యూ అమల్లో ఉండనుంది. లూటీలు, విధ్వంసానికి పాల్పడిన వారికి గుర్తిస్తూ పోలీసులు అరెస్ట్‌లపర్వాన్ని మొదలెట్టారు. అడ్డొచ్చిన వారిపైకి రబ్బర్‌ బుల్లెట్లను ప్రయోగించారు. డౌన్‌టౌన్‌ జిల్లాలోని ఆర్ట్స్‌ డిస్ట్రిక్, చైనా టౌన్, స్కిడ్‌ రో, ఫ్యాషన్‌ డిస్ట్రిక్‌ ప్రాంతాల్లో కర్ఫ్యూను అమలుచేశారు. కర్ఫ్యూ మొదలయ్యాక కనీసం 200 మందిని పోలీసులు అరెస్ట్‌చేశారని మేయర్‌ ప్రకటించారు. లాస్‌ఏంజెలెస్‌ 2,300 చదరపు కిలోమీటర్ల విస్తీర్ణంలో విస్తరించగా అత్యధిక లూటీలు, విధ్వంసం జరిగిన 2.5 చదరపు కిలోమీటర్ల పరిధిలోనే రాత్రి కర్ఫ్యూను అమలుచేస్తామని నగర పోలీస్‌ చీఫ్‌ జిమ్‌ మెక్‌డోనెల్‌ చెప్పారు. నగరంలో మరింత ఉద్రిక్తంగా మారడానికి ట్రంప్‌ ‘నేషనల్‌ గార్డ్‌’ తరలింపు’ నిర్ణయమే కారణమని కాలిఫోర్నియా గవర్నర్‌ గవిన్‌ న్యూసమ్‌ ఆరోపించారు. సైనికఛత్రంలోకి నగరాన్ని ఇరికించి సమస్యను జటిలంచేశారని ఆగ్రహం వ్యక్తంచేశారు. దీనిపై ట్రంప్‌ స్పందించారు. ‘‘ఆందోళనకారులు జంతువుల్లా ప్రవర్తిస్తున్నారు. దేశానికి శత్రువుల్లా తయారయ్యారు. అల్లరిమూకల అరాచకత్వం ఇక ఎంతమాత్రం సాగనివ్వను. అవసరమైతే తిరుగుబాటు అణచివేత చట్టం,1807ను తీసుకొచ్చి యావత్‌ సైన్యాన్ని రాష్ట్రంలోకి దింపుతా. లాస్‌ ఏంజెలెస్‌లో ఇలాగే అల్లర్లు, ఆందోళనలు కొనసాగితే సిటీని రాష్ట్ర పాలన పరిధి నుంచి తప్పించి కేంద్రప్రభుత్వ అధీనంలోకి తీసుకొస్తా’’ అని శ్వేతసౌధంలో ట్రంప్‌ హెచ్చరించారు.కోర్టులో గవర్నర్‌కు చుక్కెదురున్యూయార్క్‌ గవర్నర్‌ అనుమతిలేకుండా అసా ధారణ అధికారాలతో లాస్‌ ఏంజెలెస్‌లోకి నేషనల్‌ గార్డ్, మెరైన్‌లను పంపుతూ ట్రంప్‌ ఇచ్చిన ఉత్తర్వులను తక్షణం నిలుపుదలచేయాలన్న న్యూయార్క్‌ అటార్నీ అభ్యర్థనను జడ్జి తిరస్కరించారు. ఈ అంశాన్ని గురువారం మరోసారి పరిశీలిస్తామని శాన్‌ ఫ్రాన్సిస్కో జిల్లా కోర్టు జడ్జి చార్లెస్‌ బ్రేయర్‌ చెప్పారు. మరోవైపు భద్రతా బలగాల మోహరింపు మున్ముందు మరింత ఎక్కువగా ఉంటుందని రక్షణ మంత్రి పీట్‌ హెగ్సెత్‌ చెప్పారు. ఇప్పటికే నేషనల్‌గార్డ్, మెరైన్‌లను రప్పించినందుకు ఏకంగా రూ.1,146 కోట్లు ఖర్చయిందని ఆయన వెల్లడించారు. అక్రమవలసదారుల కోసం గాలింపు, అరెస్ట్‌ విధుల్లో ఉన్న ఫెడరల్‌ ఏజెంట్లు, ఇమిగ్రేషన్‌ అండ్‌ కస్టమ్స్‌ అధికారుల రక్షణ, కేంద్రప్రభుత్వ ఆస్తుల పరిరక్షణ బాధ్యతలను మాత్రమే నేషనల్‌ గార్డ్‌లకు అప్పగించడంతో వాళ్లు ఆందోళనకారులను అరెస్ట్‌చేయట్లేదు. అరెస్ట్‌చేసే అధికారం వీళ్లకు లేదు. దీంతో నిరసనకారులు రెచ్చిపోతున్నారు. ఈ సందర్భంగానే ముసుగు ధరించిన ఆగంతకులు లూటీలు చేయగలిగారు.ఇతర నగరాల్లో ఆందోళనలుకర్ఫ్యూతో లాస్‌ ఏంజెలెస్‌లో ఉద్రిక్తత రాత్రివేళ కాస్తంత తగ్గుముఖం పట్టినా ఇతర నగరాల్లో మాత్రం ఉధృతంగా కొనసాగుతోంది. శాన్‌ ఫ్రాన్సిస్కో మొదలు సియాటెల్, న్యూయార్క్, షికాగో, డెన్వర్, శాంటా అనా, ఆస్టిన్, డాలస్, బోస్టన్, వాషింగ్టన్‌ డీసీదాకా చాలా ప్రధాన నగరాల్లో వందలాది మంది ఆందోళనకారులు రోడ్లపైకి చేరి ప్రభుత్వ వ్యతిరేక నిరసన కార్యక్రమాలు కొనసా గిస్తున్నారు. నిరసనకారులను నిలువరించేందుకు పోలీసులు తక్కువ ప్రాణహాని ఉండే ఉపకరణాలనే వాడుతున్నారు. భాష్పవాయు గోళాలు, పెప్పర్‌ స్ప్రే, టేజర్, లాఠీలు, జల ఫిరంగులు, చెవులు చిల్లులు పడే శబ్దాలు వెదజల్లే పరికరాలు, రబ్బర్‌బుల్లెట్లు బీన్‌–బ్యాంగ్‌ రౌండ్లను ప్రయోగిస్తున్నారు.టిక్‌టాక్‌ స్టార్‌పై బహిష్కరణ వేటు16.24 కోట్ల మంది టిక్‌టాక్‌ ఫాలోవర్లు ఉన్న ప్రఖ్యాత ఇన్‌ఫ్లుయెన్సర్‌ ఖబీ లేబ్‌ను సైతం అమెరికాలో ఇమిగ్రేషన్‌ అధికారులు దేశం నుంచి వెళ్లగొట్టారు. వీసా గడువు ముగిశాక సైతం అమెరికా ఉంటున్నందుకు ఆయనపై బహిష్కరణ వేటు వేశారు. దీంతో ఆయనే స్వయంగా అమెరికాను వీడారని వార్తలొ చ్చాయి. సెనెగల్‌– ఇటాలియన్‌ మూలాలున్న ఇతను చేసే టిక్‌టాక్‌ వీడియో లకు ప్రపంచవ్యాప్తంగా విపరీతమైన క్రేజ్‌ ఉంది. ఇతను యూనిసెఫ్‌ గుడ్‌విల్‌ అంబాసి డర్‌గా ఉన్నారు. మరోవైపు టెక్సాస్‌ రాష్ట్రంలోనూ నేషనల్‌ గార్డ్‌లను రప్పించామని ఆ రాష్ట్ర గవర్నర్‌ గ్రెగ్‌ అబ్బాట్‌ చెప్పారు.


 రాంగోపాల్‌పేట్ (హైదరాబాద్): దొంగలు కూడా తెలివిమీరిపోయారు. హైదరాబాద్‌ నగరంలో వినూత్నరీతిలో ఓ ఐఫోన్‌ షాప్‌కు కన్నం వేశారు. ఏకంగా రూ. 25 లక్షలు విలువచేసే ఐఫోన్‌లను చోరీచేసి గుట్టుచప్పుడు కాకుండా ఉడాయించారు. ఈ ఘటన ఈ ఘటన మహంకాళి పోలీస్‌స్టేషన్ పరిధిలో సోమవారం జరిగింది.
 
 పోలీసులు కథనం ప్రకారం.. సికింద్రాబాద్ ఎస్డీరోడ్‌లోని మినర్వా కాంప్లెక్స్ ప్రాంతంలో అపెక్స్ ఆపిల్ మొబైల్ ఔట్‌లెట్ ఉంది. ఇందులో ఆపిల్ ఫోన్లు విక్రయిస్తున్నారు. సోమవారం ఉదయం షోరూమ్‌లో పనిచేసే సిబ్బంది వచ్చి చూసేసరికి షట్టర్ తాళాలు పగులగొట్టి ఉన్నాయి. దుకాణం తెరిచి ఉంది. దీంతో వారు వెంటనే పోలీసులకు సమాచారం అందించారు. నిందితులు తాళాలు పగులగొట్టి రూ.24.85లక్షల విలువ చేసే మొబైల్ ఫోన్లు, రూ.51వేల నగదును దొంగిలించినట్టు పోలీసులు గుర్తించారు. మహంకాళి ఏసీపీ గంగాధర్ ఘటనా స్థలానికి చేరుకుని పరిశీలించారు. క్లూస్‌టీం సిబ్బంది వచ్చి ఆధారాలు సేకరించారు. తెల్లవారుజామున 4 నుంచి 7గంటల మధ్య చోరీ జరిగి ఉండవచ్చని పోలీసులు భావిస్తున్నారు.
 
 పరదాను అడ్డుపెట్టి..
 చోరీ చేస్తున్న విషయం ఎవరు పసిగట్టకుండా దొంగలు తెలివిగా జాగ్రత్తలు తీసుకున్నారు. షట్టర్ ముందు పరదాను అడ్డుపెట్టి తమ పనికానిచ్చేశారు. దొంగతనం మొత్తం కొద్ది నిమిషాల్లోనే పూర్తిచేసి వెళ్లిపోయి ఉండవచ్చని పోలీసులు అనుమానిస్తున్నారు. నిందితుల కోసం పోలీసులు ప్రత్యేక టీంను ఏర్పాటు చేసి గాలిస్తున్నారు.