fake delivery boy

ఖమ్మం జిల్లా: ఉదయం లేచింది మొదలు రాత్రి 11గంటల వరకు ఇంటి ముందు ఏదో సంస్థ డెలివరీ బాయ్‌ రావడం.. అన్నీ పోస్ట్‌ పెయిడ్‌ డెలీవరీ ఆర్డర్లే కావడంతో ఓ వ్యక్తి తనను వేధించొద్దని మొరపెట్టుకుంటున్నాడు. రఘునాథపాలెం మండలం కోయచలక గ్రామానికి చెందిన గుంటి నాగరాజు సోషల్‌ మీడియాలో అకౌంట్‌ ద్వారా తన పర్యటనలు, తదితర అంశాలపై వీడియోలు పెడుతుంటాడు. ఆయన గతంలో తన పంట పాడైందని పోస్ట్‌ చేయగా ఒకరిద్దరు ఆర్థిక సాయం చేసినట్లు తెలిసింది. కాగా, ఇటీవల తమిళనాడులోని మధురైకి చెందిన షణ్ముకనాథన్‌ తనకు స్వీట్లు పంపించాలని కోరగా గుర్తుతెలియని వ్యక్తులు ప్రిజ్‌లు, ఏసీలు క్యాష్‌ పోస్ట్‌ పెయిడ్‌ రూపంలో ఆర్డర్లు బుక్‌ చేసిన విషయం విదితమే. ఇదే క్రమాన నాగరాజుకు కూడా గుర్తుతెలియని వ్యక్తులు నాలుగు రోజులుగా టీవీలు, ఫ్యాన్లు, ఫ్రిజ్‌లు, కూలర్లు, ఏసీలతో పాటు హోటళ్ల నుంచి తినుబండారాలు ఆర్డర్‌ చేస్తున్నారు. ఇవన్నీ సీఓడీ కావడంతో తాను బుక్‌ చేయలేదని నాగరాజు చెబితే కొందరు క్యాన్సిల్‌ చేస్తుండగా, మరికొందరు డబ్బు చెల్లించి తీసుకోవాలని గట్టిగా అడుగుతున్నారని తెలిసింది. పదుల సంఖ్యలో డెలివరీలు వస్తుండడంతో విసిగిపోయిన నాగరాజు రెండు సెల్‌ నంబర్లు స్విచాఫ్‌ చేసినా ఆర్డర్లు ఆగకపోవడంతో ‘దయచేసి నన్ను వేధించకండి.. ఎవరూ ఆర్డర్లు చేయకండి’ అంటూ మరో వీడియో పోస్ట్‌ చేయాల్సి వచ్చింది. ఖమ్మం జిల్లాలో ఇన్‌ఫ్లుయెన్సర్‌కు ఫేక్ ఆర్డర్లతో ఇబ్బందులు! ఖమ్మం జిల్లాకు చెందిన ఇన్‌ఫ్లుయెన్సర్ గుంటి నాగరాజు పేరుతో లక్షల విలువైన ఫేక్ COD ఆర్డర్లు పెట్టడంతో ఇబ్బందులు ఎదురయ్యాయి. #Khammam #Telangana #FakeOrders #Influencer #OnlineShopping #COD #Delivery #TeluguNews https://t.co/bSf5rlL5AR— Telangana Nestham (@TNestham) October 21, 2026


 బెంగళూరు: డెలీవరీ బాయ్గా వచ్చి ఇంటిని దోచేయాలనుకున్న ఓ దొంగ ఆటను ఆ ఇంటి గృహిణి సమర్థంగా కట్టించింది. కళ్లల్లో కారం కొట్టినా సాహసంతో అతడిని తనకు ఇచ్చిన పార్సిల్తో కొడుతూ గట్టిగా కేకలు వేయడం ప్రారంభించింది. దీంతో చుట్టుపక్కల వారు అప్రమత్తమయ్యారు. దొంగ చివరకు భయంతో పరుగులు పెట్టినా కాలనీ వాసులు పట్టుకొని దేహశుద్ధి చేసి పోలీసులకు అప్పగించారు. పూర్తి వివరాల్లోకి వెళితే.. హెబ్బాల్ లోని బసవేశ్వర్ నగర్ కు సమీపంలోని ఓ కాలనీలో ఆశా సంతోష్ (38) అనే ఓ గృహిణి ఉంది. ఆమె ఇంటికి ఓ దొంగ డెలివరీ బాయ్గా వచ్చాడు.
 
 చేతిలో నిజంగానే ఆమె భర్త పంపించినట్లుగా అడ్రస్ తో ఓ పార్సిల్ తో వచ్చాడు. బ్యాగ్ లో మాత్రం కత్తి, నోటికి వేసే ప్లాస్టర్, ఐరన్ రాడ్, మరికొన్ని పదునైన ఆయుధాలు, కారంపొడిని బ్యాగ్ లో పెట్టుకొని వచ్చాడు. తొలుత కొంత అనుమానం వచ్చినప్పటికీ.. భర్త అడ్రస్ సరిగ్గా ఉండటంతో ఆమె నమ్మి తలుపు తీసింది. పార్సిల్ చేతిలో పెట్టినట్లు పెట్టిన అతడు వెంటనే కారంపొడి ఆమె ముఖంపై చల్లాడు. ఆమెను బలవంతంగా వేరేగదిలో పెట్టి తాళం వేసేందుకు ప్రయత్నించాడు.
 
 అయితే, ఆమె తప్పించుకొని పార్సిల్ బాక్స్ తో అతడిని కొట్టడం మొదలుపెట్టింది. ఆ వెంటనే అరిచింది. దీంతో ఆ దొంగ పారిపోయి ఓ చెట్టుపైకి ఎక్కి దాక్కున్నాడు. విషయం తెలుసుకున్న కాలనీ వాసులు పది నిమిషాల్లో మొత్తం కలియతిరిగి అతడిని గుర్తించారు. రాళ్లు విసిరి అతడిని కిందికి దించి దేహశుద్ధి చేసి పోలీసులకు అప్పగించారు. అతడిది తమిళనాడుగా గుర్తించారు.