న్యూఢిల్లీ: విద్యార్థులు ఒత్తిడి, ఆందోళన, ఇంటిపై బెంగ (హోం సిక్‌నెస్) తదితర మానసిక సమస్యలను అధిగమించేందుకు కౌన్సెలింగ్ కేంద్రాలు ఏర్పాటు చేయాలని కేంద్రీయ విశ్వవిద్యాలయాలు, ఉన్నత విద్యాసంస్థలను యూజీసీ ఆదేశించింది. ఈ మేరకు తాజాగా మార్గదర్శకాలు జారీ చేసింది.
 
 విద్యాసంస్థల్లో ప్రతీ టీచర్ కనీసం 25 మంది విద్యార్థుల బాగోగులను చూస్తూ, వారికి విద్యాపరంగా, మానసికంగా ఎదురయ్యే సమస్యలను పరిష్కరించేందుకు కృషి చేయాలని పేర్కొంది. విద్యార్థుల పురోగతి, పరీక్షల ఫలితాలు, హాజరు తదితర విషయాలను వారి తల్లిదండ్రులకు ఎప్పటికప్పుడు తెలపాలని స్పష్టంచేసింది.