అది.. నవంబర్‌ 30.. 2022.. ఓపెన్‌ ఏఐ చాట్‌ జీపీటీని ప్రారంభించడంతో ప్రపంచ దృష్టి పూర్తిగా మారిపోయింది. విడుదలైన ఐదు రోజుల్లోనే ఒక మిలియన్(పది లక్షలు) వినియోగదారులను చేరుకుంది. ఈ ఒక్కటి చాలు.. చాట్‌ జీపీటీ శక్తి ఏమిటో తెలియడానికి.. మూడేళ్ల తర్వాత వెబ్ యాక్సెస్, మెరుగైన తార్కిక కోణం, విప్లవాత్మక సొరా వీడియో జనరేషన్ యాప్ తదితర సామర్థ్యాలతో చాట్‌ జీపీటీ మరింత అభివృద్ధి చెందింది.పోటీనిస్తున్న తాజా వెర్షన్లుప్రస్తుత పరిస్థితిలో ఓపెన్‌ ఏఐ తన అగ్రస్థానాన్ని కాపాడుకునేందుకు తీవ్రమైన సవాళ్లను ఎదుర్కొంటోంది. ముఖ్యంగా గూగుల్‌, ఆంత్రోపిక్‌ తదితర సంస్థల నుండి విడుదలవుతున్న పోటీ నమూనాలు ఓపెన్‌ ఏఐని సాంకేతిక సామర్థ్యం విషయంలో సవాల్‌ చేస్తున్నాయి. ఉదాహరణకు గూగుల్ యొక్క జెమిని 3.. ఆంత్రోపిక్ క్లాడ్ ఓపస్ 4.5లు ఓపెన్‌ ఏఐ తాజా వెర్షన్ల కంటే మెరుగైన పనితీరును కనబరిచాయి. ఈ బలమైన పోటీ ఓపెన్‌ ఏఐకి దక్కిన ‘ఫస్ట్-మూవర్ ప్రయోజనాన్ని కోల్పోయేలా చేస్తున్నదని నిపుణులు అంటున్నారు.గూగుల్‌తో పోలిస్తే..సాంకేతిక పోటీతో పాటు ఆర్థిక నిబద్ధతలు కూడా ఏపెన్‌ ఏఐకి పెను సవాల్‌గా మారాయి. కంపెనీ $1.4 ట్రిలియన్లు (సుమారు రూ. 125 లక్షల కోట్లు)కు పైగా ఏఐ మౌలిక సదుపాయాల ఒప్పందాలు కుదుర్చుకోవడంతో, ఈ ఖర్చులు మరింత భారంగా మారాయి. అదేసమయంలో శోధన, క్లౌడ్ కంప్యూటింగ్, కస్టమ్ టీపీయూ(టెన్సర్ ప్రాసెసింగ్ యూనిట్స్) చిప్‌ల వ్యాపారాలను కలిగి ఉన్న గూగుల్‌ లాంటి సంస్థలకు ఏఐ మానిటైజేషన్, మౌలిక సదుపాయాల నిర్వహణ సులభతరంగా ఉంది. ఈ అంతర్నిర్మిత ప్రయోజనం ఏఐ రేసులో గూగుల్‌కు మరింత బలాన్ని ఇస్తోంది.ప్రపంచ నమూనాలకు మద్దతుబహుళ భాషా నమూనాలకు (ఎల్‌ఎల్‌ఎంలు) సంబంధించి సైద్ధాంతిక ప్రశ్నలు కూడా పెరుగుతున్నాయి. ఎల్‌ఎల్‌ఎంలు ఇప్పటికీ భ్రాంతులు (Hallucinations), తార్కిక అంతరాలను ఎదుర్కొంటున్నాయని నిపుణులు ఎత్తి చెబుతున్నారు. ఎల్‌ఎల్‌ఎంలు కేవలం గణాంక సంభావ్యత ఆధారంగా తదుపరి పదాన్ని అంచనా వేయడం ద్వారా పనిచేస్తాయి. వాస్తవానికి ప్రపంచపు స్థిరమైన అవగాహనను కలిగి ఉండవు. ఈ పరిమితుల కారణంగా కొంతమంది నిపుణులు.. కృత్రిమ సాధారణ మేధస్సు (ఏజీఐ) మెరుగైన మార్గంగా గుర్తిస్తూ, భౌతిక ప్రపంచంతో సంకర్షణ చెందగల ‘ప్రపంచ నమూనాలకు’ (World Models) మద్దతు పలుకుతున్నారు.సామర్థ్యంలో వెనుకంజఏఐ పరిశ్రమలో మరో యుద్ధం జరగబోతుందని విశ్లేషకులు అంచనా వేస్తున్నారు. అదే యూజర్ ఇంటరాక్షన్ ఫ్రంట్. ఓపెన్‌ ఏఐకి చెందిన అట్లాస్,పెర్ప్లెక్సిటీకి చెందిన కామెట్ వంటి ఏఐ ఆధారిత వెబ్ బ్రౌజర్‌లు వెబ్‌తో వినియోగదారుల పరస్పర చర్యను నియంత్రించేందుకు ప్రయత్నిస్తున్నాయి. దీనిలో యూజర్ అనుభవాన్ని ఎవరు గెలుచుకుంటారనే దానిపై భవిష్యత్తు ట్రాఫిక్, ఆధిపత్యం ఆధారపడి ఉంటుంది. చాట్‌ జీపీటీ మొదలుపెట్టిన ఈ విప్లవం కొనసాగుతున్నప్పటికీ, టెక్ దిగ్గజాల మధ్య తీవ్రమైన పోటీ కారణంగా.. ఏఐ సామర్థ్యం సాకారం కావడానికి కొంత సమయం పట్టవచ్చని నిపుణులు అభిప్రాయపడుతున్నారు.చాట్‌ జీపీటీతో ప్రయోజనాలుచాట్‌ జీపీటీ అనేది సహజ భాషా ప్రాసెసింగ్‌లోని అడ్వాన్స్‌డ్ టెక్నాలజీని ఉపయోగించి, తక్షణమే సమాచారాన్ని అందించడానికి ఎంతగానో ఉపయోగపడుతుంది. ఇది యూజర్ అడిగిన ప్రశ్నలకు సమగ్రమైన సమాధానాలు, క్లిష్టమైన విషయాలకు సులభమైన వివరణలు, వివిధ భాషలలోకి అనువాదాలు, వ్యాసాలు లేదా ఈమెయిల్స్ వంటి కంటెంట్‌ను సృష్టిస్తుంది. సృజనాత్మక రచనలకు దోహదపడేలా కొత్త ఆలోచనలను రూపొందించడంలో సహాయపడుతుంది. పరిశోధన, విద్య, వృత్తిపరమైన పనులలో వినియోగదారుల సామర్థ్యాన్ని, ఉత్పాదకతను పెంచడంలో చాట్‌ జీపీటీ శక్తివంతమైన సాధనంగా ఉపయోగపడుతుంది.ఇది కూడా చదవండి: ప్రేమతో మొదలై.. ఉగ్రవాదంలో తేలింది..!

తమిళనాడులోని పలు ప్రాంతాల్లో జల్లికట్టు పోటీలు ప్రారంభమయ్యాయి. ఈ పోటీల నిర్వహణకు అవనియాపురంలో ముమ్మరంగా ఏర్పాట్లు చేశారు. మదురైలో జల్లికట్టు నిర్వహణకు ముందుగా పోటీలో పాల్గొనే ఎద్దులకు హెల్త్ చెకప్ చేశారు.  జల్లికట్టును తమిళనాట ఇరుతఝువుతాల్ అని కూడా పిలుస్తారు. జల్లికట్టు అనేది తమిళనాడులోని గ్రామీణ ప్రాంతాల్లో ఆడే సంప్రదాయక క్రీడ. దీనిలో ఎద్దులకు మనుషులకు మధ్య పోరాటం జరుగుతుంది. జల్లుకట్టును తమిళనాడు సంస్కృతికి చిహ్నంగా పరిగణిస్తారు.    #WATCH | Tamil Nadu: Jallikattu competition begins in Avaniyapuram of Madurai. pic.twitter.com/CqRrInypX9 — ANI (@ANI) January 15, 2024 అయితే జల్లికట్టు పోటీలలో పాల్గొనేవారు ఒక్కోసారి తీవ్రంగా గాయపడుతుంటారు. ఇటువంటి పరిస్థితులను గమనించిన సుప్రీంకోర్టు జల్లికట్టు నిర్వహణకు మార్గదర్శకాలను జారీ చేసింది. స్థానిక అధికారులు కట్టుదిద్దమైన ఏర్పాట్లు చేసినప్పటికీ జల్లికట్టు పోటీల సమయంలో పలువురు గాయపడుతున్నారు. గత ఏడాది సంక్రాంతి సమయంలో అవనియాపురంలో నిర్వహించిన జల్లికట్టుపోటీల సమయంలో  60 మంది గాయపడ్డారు. #WATCH | Tamil Nadu: Health check-up of bulls held in Madurai for the Jallikattu competition. pic.twitter.com/nvfJQVMaIn — ANI (@ANI) January 15, 2024 ఇది కూడా చదవండి: దేశవ్యాపంగా సంక్రాంతి సందడి

సాక్షి, భూపాలపల్లి రూరల్‌: వికలాంగుల అంతర్జాతీయ దినోత్సవాన్ని పురస్కరించుకొని ప్రతి ఏడాది డిసెంబర్‌ 3న జిల్లా స్థాయి క్రీడలు నిర్వహించడం ఆనవాయితీగా వస్తోంది. ఈ ఏడాది నవంబర్‌ 23, 24 తేదీల్లో నిర్వహించే క్రీడలను సంబంధించి తమకు ఎలాంటి సమాచారం అందలేదని, దివ్యాంగులపై చిన్నచూపుగా భావిస్తున్నామని వికలాంగుల హక్కుల జాతీయ వేదిక ఇండియా(ఎంపీఆర్‌డీ) రాష్ట్ర వర్కింగ్‌ ప్రెసిడెంట్‌ లాసాని నర్సింగారావు అన్నారు.  శుక్రవారం పట్టణంలోని అంబేడ్కర్‌ క్రీడా మైదానంలో ఆయన విలేకరులతో మాట్లాడుతూ గత నెల చివరి వారంలో జేసీ స్వర్ణలత ఆధ్వర్యంలో ఏర్పాటు చేసిన సమావేశంలో క్రీడలకు సంబంధించిన తేదీలను నిర్ణయించినా జిల్లా సంక్షేమశాఖ అధికారి అందుబాటులో లేడన్నారు. ఫోన్‌లో మాట్లాడితే క్రీడలు వాయిదా పడ్డాయని చెప్పారని అన్నారు. పోటీల కోసం జిల్లా నలుమూలల నుంచి వ్యయ ప్రయాసాలకోర్చి వచ్చిన 50 మంది క్రీడాకారులు అధికారి తీరుతో ఇబ్బందులు ఎదుర్కొంటున్నారని తెలిపారు. కార్యక్రమంలో సంఘం జిల్లా అధ్యక్షుడు సురేందర్‌రెడ్డి, జిల్లా కార్యదర్శి కుమారస్వామి, వంగనర్సయ్య, నీలంబరంలు పాల్గొన్నారు. ప్రకటించిన తేదీల ప్రకారమే ఏర్పాట్లు  ప్రకటించిన తేదీల ప్రకారమే ఈనెల 23 ఉదయమే క్రీడలకు సంబంధించి ఏర్పాట్లు చేశాం. ఉదయం 11:30 గంటల వరకు సైతం కొద్దిమంది క్రీడాకారులు మాత్రమే వచ్చారు. కార్తీక పౌర్ణమి సందర్భంగా చాలా మంది హాజరుకాలేదు. ఈ విషయాన్ని జేసీకి చెప్పగా మిగతావారు  నిరుత్పాహ పడకుండా ఉండేదుకు జేసీ ఆదేశాల మేరకు క్రీడలను వాయిదా వేశాం. త్వరతోనే తిరిగి తేదీలను ప్రకటిస్తాం. అందరూ హాజరయ్యేలా చర్యలు తీసుకుంటాం. - చిన్నయ్య, జిల్లా మహిళా శిశు సంక్షేమశాఖ అధికారి 


  
 వరంగల్‌ : 
 పోలీసు అమరవీరుల సంస్మరణ దినోత్సవాల సందర్భంగా వరంగల్‌ రూరల్‌ పోలీసు శాఖ అధ్వర్యంలో వివిధ అంశాల్లో పోటీలు నిర్వహిస్తున్నట్లు వరంగల్‌ రూరల్‌ ఎస్పీ అంబర్‌ కిషోర్‌ఝూ ఒక ప్రకటనలో తెలిపారు. ఈ పోటీల్లో స్మార్ట్‌ పోలీసింగ్‌(స్మార్ట్‌ పోలీసింగ్‌ రోల్‌ ఆఫ్‌ సోషల్‌ మీడియా ఇన్‌ కమ్యూనిటీ  పోలీసింగ్‌) అన్న అంశంపై ఈ పోటీలు నిర్వహిస్తున్నట్లు తెలిపారు. ఫొటోగ్రఫీ, షార్ట్‌ఫిల్మ్‌ అంశాల్లో ఎవరైనా పాల్గొనవచ్చన్నారు. 
 అలాగే ఉత్తమ కథనం, ఛానల్స్‌లో ప్రసారమైన వార్తాకథనం అంశాల్లో విలేకరులు, ఎలక్ట్రానిక్‌ మీడి యా జర్నలిస్టులకు పోటీలు ఉంటాయన్నారు. ప్రజలు, ఔత్సాహిక ఫొటోగ్రాఫర్లు, షార్ట్‌ ఫిల్మ్‌ మేకర్స్, ప్రింట్, ఎలక్ట్రానిక్‌ మీడియా జర్మలిస్టులు పోలీసుల ఇమేజ్‌–ప్రతిభ పెంచేలా ఉండే ఫొటోలు, షార్ట్‌ఫిల్‌్మ లు, ఉత్తమ వార్త కథనాలను జిల్లా పోలీసు కార్యాలయంలోని పోలీస్‌ పీఆర్‌ఓ తాళ్లపల్లి రామారావుకు హార్డ్, సాఫ్ట్‌ కాపీలను ఈ నెల 20వ తేదీలోగా పూర్తి చిరునామాతో పంపించాలని తెలిపారు. పూర్తి వివరాలకు 94409 04670 నంబర్‌కు ఫోన్‌చేయాలని తెలిపారు. 
  
 బహుమతుల వివరాలు.. 
 ‘స్మార్ట్‌ పోలీసింగ్‌–రోల్‌ ఆఫ్‌ సోషల్‌ మీడియా’ అనే అంశంపై పోలీసుల సేవ తెలిపేలా 10 నిమిషాలకు మించని తక్కువ నిడివిగల షార్ట్‌ఫిల్‌్మలను, 11“14 సైజు గల ఫొటోలు, పత్రికల్లో ప్రచురితమైన వార్తలు, ఛానెల్స్‌లో ప్రసారమైన వార్తా కథనాలు ఈ పోటీలకు స్వీకరిస్తామన్నారు. ఫొటోలు, షార్ట్‌ఫిల్‌్మలు ఉత్తమవార్త, ఉత్తమ వార్తా కథనం(ఎలక్ట్రానిక్‌ మీడియా) వార్తలన్నీ 2016 జనవరి 1వ తేదీ నుంచి 31 జులై 2016లోపు ఉండాలన్నారు. ఈ నిబంధనల ప్రకారం ఉన్న ఎంట్రీలను పరిగణిస్తామని ఎస్పీ వివరించారు. జిల్లా స్థాయిలో ప్రథమ స్థానానికి ఎంపిౖకైన వారికి రూ.10 వేలు, ద్వితీయ స్థానానికి రూ.5 వేలు, తృతీయ స్థానానికి రూ.3 వేలు ఇస్తామని వీటితోపాటు 5 ప్రత్యేక జ్యూరీ నగదు బహుమతులు అందజేస్తామన్నారు. ఈ పోటీల్లో మూడు స్థానాల్లో ఎంపికైన వాటిని రాష్ట్ర స్థాయి పోటీలకు పంపిస్తామన్నారు. రాష్ట్ర స్థాయి విజేతలకు అంశాలవారిగా మొదటి బహుమతికి రూ.50 వేలు, రెండో బహుమతికి రూ.25 వేలు, మూడో బహుమతికి రూ.10 వేలు, 5 స్పెషల్‌ జ్యూరీ అవార్డులు అందిస్తామన్నారు. ఈ ఎంట్రీలను జిల్లా స్థాయిలో ఏర్పాటు చేసిన ప్రత్యేక జ్యూరీ కమిటీ పారదర్శకంగా పరిశీలించి ఎంపిక చేస్తుందన్నారు. పోలీసు అమరవీరుల సంస్మరణ దినోత్సవం సందర్భంగా అక్టోబర్‌ 21న విజేతలకు నగదు బహుమతులు అందజేయనున్నట్లు ఎస్పీ తెలిపారు.  


 కర్నూలు: 
 సంక్రాంతి పండగ సందర్భంగా గ్రామాల్లో వంటల పొటీలు నిర్వహించాలని ఆంధ్రప్రదేశ్ సీఎం చంద్రబాబునాయుడు అధికారులకు సూచించారు. గురువారం ఉదయం కర్నూలు నుంచి అధికారులతో చంద్రబాబునాయుడు టెలీకాన్ఫరెన్స్ నిర్వహించారు. ఈ సందర్భంగా మాట్లాడూతూ గ్రామాలను దత్తత తీసుకున్నవారిని సన్మానించాలన్నారు.
 
 కాన్ఫరెన్స్ అనంతరం తిరుపతి చేరుకొని ఎస్పీ జేఎన్ఎం హైస్కూల్లో నిర్వహించే జన్మభూమి- మా ఊరు కార్యక్రమంలో పాల్గోనున్నారు. తర్వాత తిరుపతిలోని శ్రీ పద్మావతి అతిథి గృహంలో ప్రభుత్వ అధికారులతో తిరుపతి స్మార్ట్ సిటీపై సమావేశం నిర్వహిస్తారు. అనంతరం సెవెన్హిల్స్ ఆసుపత్రిని ప్రారంభిస్తారు. తిరిగి సాయంత్రం 5 గంటలకు రేణిగుంట విమానాశ్రయం నుంచి ప్రత్యేక విమానంలో విజయవాడ బయలుదేరనున్నారు.