మెల్‌బోర్న్‌: భారత ఆటగాడు యూకీ బాంబ్రీ ఆస్ట్రేలియన్‌ ఓపెన్‌ క్వాలిఫయింగ్‌ టోర్నీలో ముందంజ వేశాడు. గురువారం ఇక్కడ జరిగిన పురుషుల సింగిల్స్‌ రెండో రౌండ్‌ మ్యాచ్‌లో యూకీ 6–3, 6–4తో పెడ్జా క్రిస్టిన్‌ (సెర్బియా)పై విజయం సాధించాడు. 68 నిమిషాల్లో మ్యాచ్‌ను ముగించిన యూకీ, మెయిన్‌ డ్రాకు అర్హత పొందడానికి మరో విజయం దూరంలో నిలిచాడు. చివరిదైన మూడో రౌండ్‌ పోరులో 21వ సీడ్‌ ఎర్నెస్టో ఎస్కోబెడో (అమెరికా)తో యూకీ తలపడతాడు.


 మెల్‌బోర్న్: ఆస్ట్రేలియన్ ఓపెన్ క్వాలిఫయింగ్ టోర్నీలో భారత యువతార యూకీ బాంబ్రీకి తొలి రౌండ్‌లోనే ఓటమి ఎదురైంది. బుధవారం జరిగిన తొలి రౌండ్‌లో 21 ఏళ్ల యూకీ 3-6, 6-1, 2-6తో పొటిటో స్టారెస్ (ఇటలీ) చేతిలో పరాజయం పాలయ్యాడు.
  అయితే డబుల్స్ విభాగంలో మాత్రం యూకీ నేరుగా మెయిన్ ‘డ్రా’లో ఆడనున్నాడు. చైనాలో ఇటీవల జరిగిన ‘వైల్డ్ కార్డు’ ప్లే ఆఫ్ టోర్నీలో యూకీ-మైకేల్ వీనస్ (న్యూజిలాండ్) జోడి విజేతగా నిలువడంతో ఈ జంటకు ఆస్ట్రేలియన్ ఓపెన్‌లో ఆడే అవకాశం లభించింది.