TV
రూపా కొడువాయూర్.. డాక్టర్ కమ్ యాక్టర్!
తొలి చిత్రంతోనే నటన... నాట్యంతో అదరగొట్టి వరుస అవకాశాలతో దూసుకుపోతోంది.
పుట్టిపెరిగిన ఊరు విజయవాడ. ఆరేళ్ల వయసు నుంచే భరతనాట్యం, కూచిపూడిలో శిక్షణ తీసుకుంది.
చిన్నప్పుడే పలు వేదికలపై నాట్య ప్రదర్శన ఇచ్చిన రూపా.. ‘నాట్య మయూరి’తోపాటు ఇంకెన్నో పురస్కారాలు అందుకుంది.
రూపా వాళ్ల అమ్మ క్యాన్సర్ బారినపడి కోలుకున్నారు. అప్పుడే రూపా డాక్టర్ అవ్వాలని నిర్ణయించుకుంది. అనుకున్నట్లే గుంటూరులో ఎంబీబీఎస్ పూర్తి చేసింది.
స్కూల్, కాలేజీలో కల్చరల్ ప్రొగ్రామ్స్లో చురుకుగా పాల్గొనేది. ‘ఫౌజీ’, ‘నో.. సే ఎస్ టు నో’ తదితర షార్ట్ ఫిల్మ్స్లోనూ నటించింది.
సత్యదేవ్ హీరోగా నటించిన ‘ఉమామహేశ్వర ఉగ్రరూపస్య’ ఆడిషన్ గురించి స్నేహితుల ద్వారా తెలుసుకొని అందులో పాల్గొని హీరోయిన్ పాత్రకు ఎంపికైంది.
ఈ సినిమాలో రూపా సహజమైన నటన అందరినీ ఆకట్టుకుంది. అలాగే ఆమె చేసిన డ్యా¯Œ ్సకి ప్రేక్షకులు ఫిదా అయ్యారు. ఉత్తమ పరిచయ నాయికగా సైమా అవార్డూ తీసుకుంది.
ఆ తర్వాత తెలుగులో ‘దారే లేదా’ అనే వీడియో సాంగ్ కూడా చేసింది. వెంటనే ‘యమ’ చిత్రంతో తమిళంలోనూ ఎంట్రీ ఇచ్చింది.
ప్రస్తుతం బిగ్ బాస్ ఫేమ్ సయ్యద్ సోహెల్ నటించిన ‘మిస్టర్ ప్రెగ్నెంట్’తో మరోసారి తెలుగు ప్రేక్షకులను అలరించింది.
డాక్టర్గా కంటిన్యూ అవుతానంటున్న బ్యూటీ.. అలాగే సినిమాలు కూడా చేస్తానని పేర్కొంటోంది.
మల్టీటాస్కింగ్ తనకు చిన్నప్పట్నుంచీ అలవాటే అంటోంది రూపా కొడువాయూర్
