TV
బాలకృష్ణకు జోడీగా రాధిక ఆప్టే
బాలకృష్ణ, బోయపాటి శ్రీను కాంబినేషన్‌లో రూపొందుతోన్న చిత్రంలో ప్రధాన కథానాయిక ఎవరు? గత కొన్నాళ్లుగా అటు పరిశ్రమలోనూ ఇటు ప్రేక్షకుల్లోనూ ఇదే ప్రశ్న.
బాలకృష్ణ, బోయపాటి శ్రీను కాంబినేషన్‌లో రూపొందుతోన్న చిత్రంలో ప్రధాన కథానాయిక ఎవరు? గత కొన్నాళ్లుగా అటు పరిశ్రమలోనూ ఇటు ప్రేక్షకుల్లోనూ ఇదే ప్రశ్న. ఎట్టకేలకు ఆ ప్రశ్నకు సమాధానం దొరికేసింది. ఇక్కడున్న స్టిల్ చూశాక ఆ సమాధానమేంటో మీకూ అర్థమయ్యే ఉంటుంది.
రక్తచరిత్ర, ధోని చిత్రాలతో తెలుగులోనూ మంచి గుర్తింపు తెచ్చుకున్న రాధిక ఆప్టే ఇందులో బాలయ్యతో జతకట్టనున్నారు. ఈ పాత్ర అభినయానికి ఆస్కారమున్నది కావడంతో ఏరికోరి మరీ రాధిక ఆప్టేను ఎంపిక చేశారు దర్శకుడు బోయపాటి శ్రీను. త్వరలోనే ఈ చిత్రం షూటింగ్‌లో రాధిక పాల్గొనబోతున్నారు. ఈ సందర్భంగా బోయపాటి మాట్లాడుతూ -‘‘ఇందులోని కథానాయిక పాత్రకు రాధిక ఆప్టే యాప్ట్.
అందుకే ఆమెను ఎంపిక చేశాం. ఇందులో మరో నాయికగా సోనాల్‌చౌహాన్ నటిస్తున్న విషయం తెలిసిందే. ఆమె పాత్ర కూడా కథలో కీలకమైనదే. ఈ నెల 26 నుంచి హైదరాబాద్‌లో షెడ్యూల్ ప్రారంభం కానుంది. ‘సింహా’ను మించే సినిమా ఇది’’ అని చెప్పారు. 14 రీల్స్ పతాకంపై రామ్ ఆచంట, గోపీచంద్ ఆచంట, అనిల్ సుంకర నిర్మిస్తున్న ఈ చిత్రానికి దేవిశ్రీ ప్రసాద్ సంగీతం అందిస్తున్న విషయం తెలిసిందే.
