మార్పుకోసం

Maro Adugu Marpu Kosam Movie First Look Launch - Sakshi

నటుడిగా సుదీర్ఘ ప్రయాణం చేసిన ప్రసన్నకుమార్‌ లీడ్‌ రోల్‌లో నటించి, స్వీయ దర్శకత్వంలో నిర్మించిన చిత్రం ‘మరో అడుగు మార్పుకోసం’. త్వరలో రిలీజ్‌ కానున్న ఈ సినిమా ఫస్ట్‌ లుక్, టీజర్‌ని ప్రముఖ క్రికెటర్‌ వెంకటపతి రాజు విడుదల చేసి, మాట్లాడుతూ– ‘‘ప్రసన్నకుమార్‌ నాకు చిన్నప్పటి నుంచి మిత్రుడు. వైజాగ్‌లో తరచూ అతని జిమ్‌కి వెళ్లేవాళ్లం. ఈ సినిమా కథ విని, ఆశ్చర్యపోయా. ఇలాంటి కాన్సెప్ట్‌తో బోల్డ్‌ అటెంప్ట్‌ చేసినందుకు అభినందిస్తున్నా. ఈ సినిమా మంచి విజయం సాధించాలి’’ అన్నారు.

‘‘సినిమా మీద ప్యాషన్‌తో ఈ రంగంలో కొనసాగుతున్నాను. అదే బాధ్యతతో ఈ చిత్రం తీశా. ఎన్ని ఇబ్బందులు ఎదురైనా ఈ సినిమా పూర్తి చేశా’’ అన్నారు ప్రసన్నకుమార్‌. ‘‘సినిమాను నమ్మితే తప్పకుండా గొప్పవాళ్లను చేస్తుంది. ప్రసన్నకుమార్‌ కష్టం నాకు తెలుసు. మా బ్యానర్‌లో వచ్చిన ‘బిచ్చగాడు’లా ఈ సినిమా విజయం సాధించాలని కోరుకుంటున్నా’’ అన్నారు నిర్మాత చదలవాడ శ్రీనివాసరావు. ప్రముఖ నృత్యదర్శకులు శివసుబ్రమణ్యం రాజు దంపతులను సన్మానించారు. దర్శకుడు అజయ్‌ కుమార్, నటుడు అఖిల్‌ కార్తీక్‌ పాల్గొన్నారు.
 

Read latest Movies News and Telugu News | Follow us on FaceBook, Twitter, Telegram



 

Read also in:
Back to Top