- పంచాంగ కర్త బ్రహ్మశ్రీ రామచంద్రశాస్త్రి జోస్యం
- వైఎస్సార్ కాంగ్రెస్ పార్టీ కార్యాలయంలో ఘనంగా ఉగాది వేడుకలు....
- హాజరైన వైఎస్ జగన్, పార్టీ నేతలు
సాక్షి, హైదరాబాద్ : వచ్చే ఎన్నికల్లో వార్ వన్సైడ్గా ఉంటుందని పంచాంగ శ్రవణకర్త సిద్ధాంతి బ్రహ్మశ్రీ మారేపల్లి రామచంద్ర శాస్త్రి చెప్పారు. బుధవారం లోటస్పాండ్ లోని వైఎస్సార్ సీపీ కేంద్ర కార్యాలయంలో ‘శ్రీ హేవళంబి నామ ఉగాది వేడుకలు’ వైభవంగా జరిగాయి. ఈ వేడుకల్లో వైఎస్సార్ కాంగ్రెస్ పార్టీ అధ్యక్షుడు, ప్రతిపక్షనేత వైఎస్ జగన్మోహన్రెడ్డి పాల్గొన్నారు. ఈ సందర్భంగా సిద్ధాంతి బ్రహ్మశ్రీ మారేపల్లి రామచంద్ర శాస్త్రి ఉగాది పంచాంగం వినిపించారు. వైఎస్ జగన్ జాతకం అద్భుతం గా ఉందని, వచ్చే ఎన్నికల్లో ఏపీలో భారీ మెజారిటీతో గెలుపొందుతారని చెప్పారు. ఏపీలో వచ్చేది వైఎస్సార్ కాంగ్రెస్ ప్రభుత్వమేనని ఘంటాపథంగా చెప్పారు. త్వరలో ప్రత్యేక హోదా కూడా వచ్చే అవకాశం ఉన్నట్లు గ్రహాలు సూచిస్తున్నా యన్నారు.
ఆ ఘనత అంతా జగన్కే దక్కుతుందన్నారు. అప్పటి ఉమ్మడి రాష్ట్రంలో టీడీపీ, కాంగ్రెస్లు కుమ్మక్కై వైఎస్ జగన్పై పెట్టిన కేసులు నిలబడవన్నారు. అన్ని కేసుల నుంచి జగన్ కడిగిన ముత్యంలా బయటకొస్తారని చెప్పారు. వచ్చే ఎన్నికల్లో వైఎస్సార్ కాంగ్రెస్ను ప్రజలు అన్ని విధాలుగా కష్టపడి గెలిపించుకొంటారన్నారు. వైఎస్సార్ కాంగ్రెస్ తనతో కలిసి వచ్చే పార్టీలను, మిత్రులను కలుపుకొని వెళ్లాలని సూచించారు. ఏ మాత్రం తొందరపాటు నిర్ణయాలు తీసుకోరాదని పేర్కొన్నారు.
కాలం అందించిన వజ్రం వైఎస్సార్...
వైఎస్సార్ మహానేత. కాలం అందించిన వజ్రం అని సిద్ధాంతి రామచంద్రశాస్త్రి కొనియాడారు. స్వతహాగా డాక్టర్ కావడం వల్ల ఆయన ప్రజల నాడి తెలుసుకొని సంక్షేమ కార్యక్రమాలను అమలు చేశారని చెప్పారు. ప్రజలకు ఎంతో చేరువయ్యారని, మహానేతగా వారి మనస్సుల్లో సుస్థిరంగా నిలిచారని చెప్పారు. తండ్రి బాటలోనే నడుస్తున్న తనయుడు వైఎస్ జగన్ అనతి కాలంలోనే ప్రజల నమ్మకాన్ని చూరగొన్నారని చెప్పారు. ఒక శాతం ఓట్లతో అధికారానికి దూరమైన వైఎస్సార్ కాంగ్రెస్ ఈ మూడేళ్లలో బాగా పుంజుకొందని, గ్రహాలు సైతం ఎంతో అనుకూలంగా ఉన్నాయని అన్నారు.
ప్రజల్లో ఆందోళన...
ప్రస్తుత పాలకుల విధానాల వల్ల ఏపీ ప్రజలు తీవ్ర ఆందోళనలో ఉన్నారని, ఎక్కడికక్కడ ధర్నాలు, ప్రదర్శనలు కొనసాగుతున్నాయని చెప్పారు. రాజధాని అమరావతిపై భ్రమలు తొలగాయని, ఇప్పుడు అది భ్రమరావతిగా మారిందని అన్నారు. ప్రత్యేక హోదాను విస్మరించే పార్టీలను ప్రజలు 10 కి.మీ లోతులో పాతరేసే సూచనలు ఉన్నట్లు గ్రహాలు చెబుతున్నాయన్నారు. వైఎస్సార్ కాంగ్రెస్ భవిష్యత్తు మూడుపువ్వులు, ఆరుకాయల్లా ఉంటుందని చెప్పారు. కులాలవారీగా, మతాల వారీగా ఓట్లు చీలకుండా చూస్తే వైఎస్సార్ కాంగ్రెస్ గెలుపు తథ్యమన్నారు.
నిత్యం ప్రజల్లో ఉంటున్న వైఎస్ జగన్ ఒక స్టార్గా వెలగనున్నారని, ఆయనకు రాజయోగం ఉందని జోస్యం చెప్పారు. రాష్ట్రపతిగా అద్వానీ వచ్చే అవకాశాలు ఉన్నాయని అన్నారు. ఈ కార్యక్రమంలో వైఎస్సార్ కాంగ్రెస్ తెలంగాణ అధ్యక్షుడు డా.గట్టు శ్రీకాంత్ రెడ్డి, ఏపీ ముఖ్యనాయకులు బాలశౌరి, పుత్తా ప్రతాప్ రెడ్డి, మాజీ ఎమ్మెల్యే గురునాథరెడ్డి, సినీ నటుడు విజయచందర్, నందమూరి లక్ష్మీపార్వతి, ఆలూరు సాంబశివారెడ్డి తదితరులు పాల్గొన్నారు. ఈ సందర్భంగా వివిధ ప్రాంతాల నుంచి... పలు జిల్లాల నుంచి వచ్చిన అభిమానులందరినీ జగన్మోహన్రెడ్డి పేరుపేరున పలకరించారు. అందరికీ ఉగాది శుభాకాంక్షలు తెలియజేశారు.
వచ్చేది వైఎస్సార్సీపీ ప్రభుత్వమే
Published Thu, Mar 30 2017 1:17 AM
Advertisement
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధర్వంలో ‘నక్షత్ర సభ’: థ్రిల్లింగ్ అనుభవం కావాలంటే!
Lok Sabha Election 2024: యాదవ భూమిలో ఎస్పీకి అగ్నిపరీక్ష
పీఠమెక్కేదెవరో..?
మెరుగైన వైద్యసేవలు అందించాలి
ఉచిత శిక్షణను సద్వినియోగం చేసుకోవాలి
బాబు మట్టికొట్టుకు పోతాడు
● పెన్షన్ డబ్బుల కోసం పండుటాకుల కష్టాలు ● బ్యాంకు చుట్టూ తప్పని ప్రదక్షిణలు ● ఆటోల్లో తిరగలేక నీరసిస్తున్న వృద్ధులు ● మండే ఎండల్లో అభాగ్యుల ముప్పుతిప్పలు ● ఎంత పనిచేశావు చంద్రబాబూ అంటూ కన్నీరుపెడుతున్న అవ్వాతాతలు
● ఆగమోక్తం..భాష్యకారుల ఉత్సవం
పేదల ప్రభుత్వాన్ని ఆశీర్వదించండి
మాపై ఎందుకంత కక్ష
నేడు పలమనేరుకుసీఎం వైఎస్ జగన్
తప్పక చదవండి
- అమిత్ షా డీప్ఫేక్ వీడియో.. తెలంగాణ నుంచే వైరల్
- Nyrika Holkar: గోద్రెజ్ సైనిక... నైరిక
- వైఎస్సార్సీపీ దూకుడు
- గ్యారంటీ, ష్యూరిటీల పేరుతో వ్యక్తిగత లబ్ధి ప్రచారానికి బ్రేక్
- కరెంటు కోతల్లేవ్ నిరంతరాయంగా విద్యుత్ సరఫరా చేస్తున్నాం
- Rachana Banerjee: దీదీ కాదు... దీదీ నంబర్వన్
- పట్టభద్రుల ఎమ్మెల్సీ బీఆర్ఎస్ అభ్యర్థిగా ఏనుగుల రాకేశ్రెడ్డి
- రగులుతున్న క్యాంపస్లు!
- దశ దిశ మార్చే విజన్ అంటే ఇదే కదా!
- కేకేఆర్ చేతిలో ముంబై ఓటమి.. ప్లే ఆఫ్స్ నుంచి ఔట్?
Advertisement