♦ హ్యాండ్బ్రేక్ సరిగా వేయకపోవడంతో వెనక్కి దూసుకెళ్లిన కారు
♦ రోడ్డుపై నడుచుకుంటూ వెళుతున్న యువతిని ఢీ కొట్టిన వైనం
♦ ఎదురుగా మరో కారు పార్క్ చేసి ఉండటంతో రెండు కార్ల మధ్య నలిగి మృత్యువాత
♦ నగరంలోని శ్రీనగర్ కాలనీలో దుర్ఘటన
హైదరాబాద్: రోడ్డు పక్కన నిలిపి ఉంచిన కారు ఆ యువతి పాలిట మృత్యు శకటంగా మారింది. పార్క్ చేసిన కారు డ్రైవర్ లేకుండానే ప్రమాదవశాత్తూ వెనక్కి దూసుకురావడంతో రోడ్డుపై నడుచుకుంటూ వెళ్తున్న యువతి దుర్మరణం పాలైంది. ఈ హృదయవిదారక ఘటన బంజారాహిల్స్ పోలీస్ స్టేషన్ పరిధిలో బుధవారం జరిగింది. పోలీసులు, స్థానికులు తెలిపిన వివరాల ప్రకారం.. శ్రీనగర్ కాలనీలోని గణపతి కాంప్లెక్స్ సమీపంలో ఓ సెకండ్ హ్యాండ్ కార్ల విక్రయ కేంద్రం ఉంది. అక్కడ ఏపీ 09 సీజీ 2464 అనే చవర్లెట్ బ్లాక్ కలర్ కారును అమ్మకానికి ఉంచారు.
బుధవారం ఉదయం 10 గంటల సమయంలో మరో కారు అమ్మకానికి రావడంతో విక్రయ కేంద్రం డ్రైవర్ చవర్లెట్ కారును బయటకు తీసుకొచ్చి ఫుట్పాత్పై పార్క్ చేశాడు. అయితే హ్యాండ్బ్రేక్ సరిగా వేయకపోవడంతో అక్కడ పార్క్ చేసిన నాలుగైదు నిమిషాల్లోనే రోడ్డు పల్లంగా ఉండటంతో కారు వెనక్కి వేగంగా దూసుకె ళ్లింది. చుట్టుపక్కల వారు గమనించి కేకలు వేయడంతో డ్రైవర్ గమనించి కారును ఆపేందుకు ప్రయత్నించినా ఫలితం లేకపోయింది. ఇదే సమయంలో పక్కనే ఉన్న సిసిరో ఇండియా ప్రైవేట్ లిమిటెడ్ సాఫ్ట్వేర్ సంస్థలో హెచ్ఆర్ మేనేజర్గా పనిచేస్తున్న దేవలె అంబికాభాయి(25) ఇయర్ఫోన్స్తో మొబైల్ మాట్లాడుకుంటూ రోడ్డుపక్క నుంచి నడుచుకుంటూ వెళ్తోంది. వెనక నుంచి కారు వస్తున్న విషయాన్ని ఆలస్యంగా గమనించి పక్కకు జరుగుదామని ఆమె అనుకున్నంతలోనే ఎదురుగా ఓ మారుతి కారు పార్క్ చేసి ఉంది.
వెనకాల నుంచి దూసుకొస్తున్న కారు నుంచి తప్పించుకునే క్రమంలో రెండు కార్ల మధ్య ఇరుక్కుపోయింది. దీంతో ఆమె తలపగిలి తీవ్ర రక్తస్రావం కావడంతో రక్తపుమడుగులో విలవిల్లాడింది. స్థానికులు వెంటనే ఆమెను ఆస్పత్రికి తరలించగా అప్పటికే మృతిచెందినట్లు వైద్యులు ప్రకటించారు. కర్నూలు జిల్లా శ్రీశైలం సమీపంలోని సున్నిపెంట గ్రామానికి చెందిన అంబిక గత నెల 23న ఈ సంస్థలో చేరింది. తండ్రి నాగేశ్వర్రావు బీఎస్ఎన్ఎల్ ఉద్యోగి కాగా, తల్లి ల క్ష్మీభాయి గృహణి. మృతురాలు అంబిక వివాహం ఇటీవలే నిశ్చయం కాగా వచ్చే నెలలో నిశ్చితార్థం జరపాలని తల్లిదండ్రులు తలపెట్టిన సమయంలోనే ఈ ప్రమాదం జరగడంతో వారు కన్నీరుమున్నీరవుతున్నారు. మరోవైపు బంజారాహిల్స్ ఏసీపీ ఉదయ్కుమార్రెడ్డి, ఇన్స్పెక్టర్ కె.శ్రీనివాస్ ఘటనాస్థలంలో విచారణ చేపట్టారు. నిర్లక్ష్యంగా కారు పార్క్ చేసిన ప్రవీణ్ అనే డ్రైవర్పై ఐపీసీ 304(ఏ) కింద కేసు నమోదు చేసి దర్యాప్తు చేస్తున్నారు.
ప్రాణాలు తీసిన కారు..
Published Thu, May 12 2016 4:53 AM
Advertisement
మారిన క్రెడిట్ కార్డ్ నిబంధనలు.. మే 1 నుంచి అమల్లోకి..
గోబెల్స్ స్ఫూర్తితో.. ప్రధాని మోదీపై జైరాం ఆగ్రహం
ఇక ‘వందే మెట్రో’.. రైల్వే కీలక అప్డేట్
దిగ్గజ బ్యాంకర్ అభయ్ ఐమా కన్నుమూత
హైదరాబాద్లో భారీగా పెరిగిన ఆఫీస్ లీజింగ్
అతి త్వరలోనే గ్రేట్ సమ్మర్ సేల్.. స్మార్ట్ఫోన్లపై భారీ డిస్కౌంట్లు!
Shankar-Ram Charan Movie: సరికొత్త పాత్రలో చెర్రీ
నిమిషానికి 500 గంటల కంటెంట్ అప్లోడ్.. యూట్యూబ్ ప్రస్థానం ఇదే..
కొత్త రకం ఏటీఎంలు.. భారత్తో తొలిసారి
ఉత్తరాఖండ్ టూరిజం ఆధర్వంలో ‘నక్షత్ర సభ’: థ్రిల్లింగ్ అనుభవం కావాలంటే!
Lok Sabha Election 2024: యాదవ భూమిలో ఎస్పీకి అగ్నిపరీక్ష
పీఠమెక్కేదెవరో..?
మెరుగైన వైద్యసేవలు అందించాలి
ఉచిత శిక్షణను సద్వినియోగం చేసుకోవాలి
బాబు మట్టికొట్టుకు పోతాడు
● పెన్షన్ డబ్బుల కోసం పండుటాకుల కష్టాలు ● బ్యాంకు చుట్టూ తప్పని ప్రదక్షిణలు ● ఆటోల్లో తిరగలేక నీరసిస్తున్న వృద్ధులు ● మండే ఎండల్లో అభాగ్యుల ముప్పుతిప్పలు ● ఎంత పనిచేశావు చంద్రబాబూ అంటూ కన్నీరుపెడుతున్న అవ్వాతాతలు
● ఆగమోక్తం..భాష్యకారుల ఉత్సవం
పేదల ప్రభుత్వాన్ని ఆశీర్వదించండి
మాపై ఎందుకంత కక్ష
నేడు పలమనేరుకుసీఎం వైఎస్ జగన్
తప్పక చదవండి
- అమిత్ షా డీప్ఫేక్ వీడియో.. తెలంగాణ నుంచే వైరల్
- Nyrika Holkar: గోద్రెజ్ సైనిక... నైరిక
- వైఎస్సార్సీపీ దూకుడు
- గ్యారంటీ, ష్యూరిటీల పేరుతో వ్యక్తిగత లబ్ధి ప్రచారానికి బ్రేక్
- కరెంటు కోతల్లేవ్ నిరంతరాయంగా విద్యుత్ సరఫరా చేస్తున్నాం
- Rachana Banerjee: దీదీ కాదు... దీదీ నంబర్వన్
- పట్టభద్రుల ఎమ్మెల్సీ బీఆర్ఎస్ అభ్యర్థిగా ఏనుగుల రాకేశ్రెడ్డి
- రగులుతున్న క్యాంపస్లు!
- దశ దిశ మార్చే విజన్ అంటే ఇదే కదా!
- కేకేఆర్ చేతిలో ముంబై ఓటమి.. ప్లే ఆఫ్స్ నుంచి ఔట్?
Advertisement