సినీ నటుడు సుమన్‌కు కీర్తి పురస్కారం

బొమ్మూరు (రాజమహేంద్రవరం రూరల్‌) : రాజమహేంద్రవరానికి చెందిన సాంస్కృతిక సేవాసంస్థ ఫిలాంత్రోఫిక్‌ సొసైటీ ఆధ్వర్యంలో సినీనటుడు సుమన్‌కు ప్రతిష్టాత్మకమైన కీర్తి పురస్కారాన్ని అందించారు. బొమ్మూరులోని వెంకటేశ్వరస్వామి ఆలయ ప్రాంగణంలో ఆదివారం ఈ కార్యక్రమం జరిగింది. నటుడిగా, సామాజికవేత్తగా సుమన్‌ చేస్తున్న సేవలకు గుర్తింపుగా ఈ పురస్కారం అందించినట్టు ఆ సంస్థ వ్యవస్థాపకుడు అద్దంకి రాజయోనా తెలిపారు. కార్యక్రమంలో మాజీ ఉపసర్పంచ్‌ కామిని ప్రసాదచౌదరి, పంచాయతీ కార్యదర్శి ఎల్‌వీఎస్‌ఎన్‌ మూర్తి, జక్కంపూడి కళాపరిషత్‌ అధ్యక్షుడు యెనుముల త్యాగరాజు, జక్కంపూడి యువజన సంఘం అధ్యక్షుడు ముద్దాల అను, అంగరకృష్ణ పాల్గొన్నారు.