TV
టోక్యో ఒలింపిక్స్‌ చాంపియన్‌ మోండో డుప్లాంటిస్‌ పోల్ వాల్ట్‌లో మరో ప్రపంచ రికార్డు సృష్టించాడు. బెల్‌గ్రేడ్‌ ఇండోర్‌ మీటింగ్‌ అథ్లెటిక్స్‌ టోర్నీలో 22 ఏళ్ల ఈ స్వీడన్‌ ప్లేయర్‌ 6.19 మీటర్ల ఎత్తుకు ఎగిరాడు. ఈ క్రమంలో 2020 ఫిబ్రవరిలో గ్లాస్గో టోర్నీలో 6.18 మీటర్లతో తానే నెలకొల్పిన ప్రపంచ రికార్డును డుప్లాంటిస్‌ బద్దలు కొట్టాడు. ఓవరాల్‌గా డుప్లాంటిస్‌కిది మూడో ప్రపంచ రికార్డు. ఈనెల 18 నుంచి బెల్‌గ్రేడ్‌లోనే జరగనున్న ప్రపంచ ఇండోర్‌ చాంపియన్‌షిప్‌లో డుప్లాంటిస్‌ బరిలోకి దిగనున్నాడు.
